+ 放大全部圖片

各位賣家要小心，又有騙徒出沒，今早我約咗一位女士在元朗站交收一部全新開封iPhone 15 Pro Max 256黑色鈦金屬，成交價格為$9500，佢電話63552848，可能用嘅名係Suki.Lam，係Carousell帳號，成交次數0。
因為佢係新帳號一開始我已經覺得鬼鬼地，因為交流過程佢全程都冇問過部機狀況同埋好爽快就約時間交收，我就約咗佢今早在元朗站交收。
到達後佢同我講揸車嚟，要求我喺的士站附近交收，我問咗佢車牌號碼，跟住我行到的士站就見到佢架車原來係一架lalamove貨Van，我就致電比嗰位女士，佢話佢唔係到，叫咗佢朋友嚟交收，叫我比埋銀行戶口比佢，跟住我問貨Van司機係咪佢朋友，貨Van司機話唔識佢，只係台call佢可以代交收，我即時加強戒心，冇幾耐嗰位女士就Send咗張圖嚟話過咗數，因為我自己有啲小生意做下經常有客過數Cap返圖比我，所以我一睇佢張圖係流嘅，然後我打返比佢同佢講收唔到錢，佢叫我登出登入多幾次試吓再Check，當然check 幾多次都唔會有，佢死撐話銀行扣左佢錢，然後其間有一個所謂嗰位女士嘅男朋友打俾貨Van司機話佢女朋友已經過咗數比我，叫我比部機佢，我當然唔肯，跟住隔左一陣真係比我Check 到有數入咗銀行，不過唔用得，佢都仲死撑話扣左佢錢，我同佢講等我打電話去銀行問清楚先，打電話去銀行話呢筆係入票數，所以唔用得，即係空頭支票，我立即打電話去屌柒呢個騙子，可能佢知道事敗即刻block 咗我，最後我全身而退。
最後提一提各位賣家，交收時一定要提高警覺，以免受損失