優點:
1. 反應快, 對焦準, 小弟影高速行走既跑車賽車快而準! C記真係行埋一便...
2. MON夠大, 睇相好清楚
3. 手感一流, 不大不小剛剛好, 雖然都係膠機身, 但係唔似C記咁似內地製玩具
4. 有ACTIVE D-LIGHTING, 背光位可自動補償, 拍成影像亦十分自然
5. MENU中電池資訊十分有用, 唔使估估下仲有幾多電, 耗電量亦十分低, 我用MB-D80加兩舊電可以影成5000張相!!!
6. 白平衡準確, 尤其係鎢絲燈模式, D燈幾黃都唔怕!
7. 場景模式好用, 夜景人像模式簡直係無敵, 黑麻麻都係半秒左右成功合焦再成功拍攝, 喜歡夜媽媽影相既太座讚不絕口, 一掃以前用C記對成5分鐘都影唔到既陰影!
缺點:
1. 模式轉盤依舊冇鎖掣, 同D80一樣, 好易拎出拎入時誤撥, 錯過拍攝機會
2. 冇AI藕合, 用舊版鏡只可以手動
3. 機背手指位膠皮易走樣, 凸位容易"拋光"
評價:
小弟用過唔少N記機身, 以D90最為USER FRIENDLY, 最容易上手, 不論新手抑或老手, 都可以影得出好相!
D90係單鏡機世界之中, 體積算係中庸, 唔似D40/D40X/D60/D3000/D3100/D5000/D5100咁太細架, 小弟呢類大手人拎得耐, D手指會好攰! D200以上都岩手形, 不過又太重, 變成手腕攰! D80同D90就剛剛好, 裝上MB-D80之後, 接上小黑平衡感一流!
曾經同一個用50D既好朋友上長青影夜景, 我唔記得帶腳架, 只用欄杆支撐部機, 但係出黎既影像對無同曝光都準確, 反而朋友用部50D影得好辛苦!
小弟當時係新買, 到而家都已經成兩年, 係咁多數碼機身之中KEEP得最耐; D7000推出時都有考慮過換機, 不過睇過D7000個SPEC之後打消左個念頭, 因為機能差不多, 但價錢就爭一截! 更何況D90已經夠用有餘! 總之一字記之曰: 強!