Sony A6000

評測報告

實拍照片

對焦快 輕身 EVF 靚左 AWB 準左

如果同NEX3N NEX6 相比呢部機相片質素可以講話差，由其在一些暗位 用ISO400 竟然出現了油畫現象(白天都是這樣) ,出來的相片原全比不上NEX6,感覺鬆散，或許我搞錯這部機的賣點是對焦速度，而不是質素，亦可能是我唔好彩買左部問題機。

後悔 賣左部NEX6 換左呢部咁既A6000 ， 新不如舊幸好還有NEX3 可用 對SONY NEX A 系原全失望，( 我也有使用 ZEISS 16-70 F4 發現它質素仍比不上NEX6 的 KIT LENS 所以才對它如此失望)

AF快, 179點PD
24M SENSOR用了A7R的無縫技術, 收光多了
11FPS連怕, 約50張BUFFER
EVF 實用
WIFI REMOTE
平, 4千多行貨機身

反MON只有90度

一個MIRRORLESS的新標準. 打低很多中下價DSLR. 在中價無反中也無敵手. 連一年後的EOS M3在SPEC上也未能有任何部分超越. 對手也只能拿一些過人喜好等來說嘴炮. 例如不喜歡色太濃唔清淡(SET淡又說別的牌子DEFAULT已岩), 夠有人話你太淡唔鮮艷啦.... 總之SONY用CANON鏡AF唔夠CANON快呢D可笑理由都出得, 就知道已經冇咩實質野可以用來說.

剛從單反轉無反, 用開大光圈, 諗住無反一定無得比(兩個細路, 走得超快, 再用單反腰骨斷), 點知都ok, 試過蔡鏡, 但對焦慢過用kit or Sony 35 1.8 定焦果支, 用A6000 就係貪佢對焦快, 輕, 慢我加接環用番大鏡or單反啦

比較化學, 應該不能跌, 成象不可同單反比, 八九成度, 不合完美主義者!

從單反轉無反, 用開大光圈, 諗住無反一定無得比點知都ok, 個人要求耍影到個細路塊面, 其他唔重要, 試左十幾部機加鏡, 呢個組合最好!

- 輕，裝埋SEL55-210都唔覺負擔重
- 成像sharp，而且光陰同白平衡都唔差
- 快，以我玩過的機來講，呢部機的focus速度隨時快過以前玩過的N記單反
- 我玩過的相機唔算好多，呢部有EVF，雖然如好多師兄/姐話像素唔高，但有左EVF，係烈日下睇相不再有難度。
- 邊支鏡差邊支鏡靚，呢粒CMOS都可以話哂比你知。

- 今時今日合金技術咁成熟，呢部機都竟然仲用膠
- S記 E Mount 鏡選擇實在太少，如果唔係蔡鏡加持，我都未必揀呢個牌子
- 追焦追追下都走哂位，可能係我部機問題？
- 閃燈位置敗筆，閃光永遠都比鏡頭遮，想人買外置閃燈。

本身有部G16，但始終覺得太受鏡頭限制，去旅行影wide景還可，影遠野就唔使唸，所以唸唸下，都係決定換部有得換鏡的相機。

至於點解唔買單反，我見朋友們帶單反旅行，又要抬又要拉，去行山的話唔通拉住成車仔架撐咩，而且之前玩QX1發現依家無反都可以接單鏡鏡頭，咁就中左無反毒。無意中又買左幾支鏡，SEL55210，SEL50F18 (跟機優惠卷買)，忍唔住又供埋支16-70Z，咁部機就真係可以長玩。

呢部機我個人來講誠意唔算差，起碼有24MP CMOS，快速對焦，幾乎隨傳隨到，七千元以下的相機，咁的性能我冇咩投訴。成像來講只要唔係用支16-50 kit鏡的話，都好Sharp，色彩自然又實，隨左用55-210影飛機會較易受天色影響外，一般景影出黎都唔需要太大執，試過用支蔡頭影手寫的字，真係連筆跡係點都出哂黎，紙張的質地都睇哂，以前玩的相機真係比唔到咁。

唯一要投訴的，就係E Mount鏡雖然質素唔差，但選擇實在太少，多數都係細光圈，想要大光圈的唔係買支大陸製50F18就要買蔡頭，再買鏡前真係要回回氣儲儲錢再考慮。

1, 24 MP!! 點解冇人提, 點解冇人提!?!?!? 24MP 既APSC 機好常見咩周街都係咩? 俾個例子我丫不如!!
2, 神速+神準AF-A, 唔明自己上SONY 陳列室玩下,記住係AF-A!! 你會大為驚歎做乜連所謂既CN 旗艦機都冇佢咁準焦(點解我一口咬定? 因為我係1DX USER!) ! 就算暗到爆炸依然極快、超狠、喪準
3, 大多數情況下都可以單手操控!
4, 快門跳動力度小, 慢快門冇問題~
5, 電量驚人! 影450張RAW + JPG 冇閃 98% > 32%!! 大前題係記住開飛航模式否則會倒水!
6, ISO表現: 800完美~ 1600 工作~ 3200 交貨!
7, 功能齊備, 大多你想要既功能, 佢有齊~

1, 最大缺點係膠! 好__膠!!
2, 支KIT 廢既, 早放貴幾舊!
3, 行貨價同水貨價差距甚大
4, 我十世都唔用一次既EVF俾大家話比起NEX 6 DOWNGRADE 咗 !
5, 只能用副廠飛燈系統, 有欠大廠風範!
6, 冇反芒! 最大投訴之一!!

A6000係一部只存在「幾時買」，並不存在「買唔買」既相機

論系統鏡頭, 短距有支11變, 中距有1670, 長距有70200FE, 定焦更加唔駛講, 要紅圈虛榮既呢度齊 ------ 一堆藍標菜頭等你慢慢揀, E24 包辦 35MM界既翹楚, 光學質素完全冇問題!

論機身功能, 對焦, 唔聲唔聲嚇你一驚, 7D2, 1DX, D4都要死埋一邊, 快到痴線, 預先對焦, 連對焦掣都唔__駛按就可以直按快門! 直接(1670Z)同我左手部1DX(2470II)對決, 都贏!

論質素! 5D 2代全幅喇掛, ISO表現仲差過呢部APSC 機!! 無論RAW同JPG都輸晒! 發色, 獨特! 蔡司味呀, 黑頭白頭紅頭L頭乜頭都好, 日本仔鬥乜鬼丫返屋企啦!

都仲未提佢有幾輕便有幾單手, 呢啲嘢唔駛多講喇掛? 新手咩!

10分既, 呢部機我俾9分! 0.5分扣佢冇反芒啦! 0.5 分扣佢膠機身!
買啦! 唔會後悔!

1:對焦好快。
2:重量剛剛好
3:性價比高
4:iso過3600唔掂

無

本想買a７r，但個對焦我厭慢，所以7系未出部對焦快機前買部6000用住先，用後發現俾想像中好(當然不能同FF機比)。加上淨機唔貴抵入。