之前係fb總會見到有人post白兵群係樓梯的相片,就正正係今次香港玩具傳奇出面的樓梯,今次可以話係近年做得比較有心全面的一次玩具展覽,無論你係男係女/90/80甚至70後都會有共嗚,見到好多兒時的動畫主角同有趣玩具,相信你都會情不自禁提起相機拍完又拍即刻打卡同已經人老珠黃/風燭殘年的中佬同學朋友好好懷緬過去一下,快樂回憶係腦中放映完後便發現自己的黃金童年原來已經一早走得好很遠(請用朗誦技巧稀虛地讀出最後一句)。
去相~
Canon 6d + Sigma 85mm f1.4 art
終於有日好天氣,認唔住要yeah一聲,yeah!
傳說的白兵群,eeee...原來個scale唔係1:1,目測大概1:2左右
如果1:1就perfect池
阿女都好鐘意白兵
真係好有氣勢!
旁邊仲有Thomas俾你影相打卡
大堂左手邊就有個好好玩的摺紙區,可以練手仔同創意色感,very good!btw記得有托管行李服務,如果無特別貴重物就可以安心放低輕鬆睇展覽了
有好多港式插畫場景可影相哦
呢d細細個膠毛波波可以痴埋一齊好好玩!
入場就即刻有個小朋友玩樂區,有mega block任玩,有紙盒層層疊,仲有Hotwheels車仔同軌道(可惜太少小朋友能參與)
一入去係懷舊玩具:以前的學字卡,依家一部iPad攪掂
有無人知呢個點玩?
Princess watch,阿女都話buy
真係有d攰,原來toy story的彈簧狗係懷舊玩具?
鐵皮玩具真係好有感覺,舊了更好看!
呢個我細個有一個好似的,用手拉下面個制佢會轉
今次都係懶所以繼續6d+s85.4art算數,估佢唔到用最近距離對焦又ok影到
以前小弟有呢個消防員上梯的膠版,相信好多人有共嗚
好典型的肥嘟嘟臉
嘩!窮人必玩的手指青蛙,彈下彈下又玩一日
男仔最愛機械人系列
以前d cosplay邊有依家咁pro,戴個面具+條毛巾攪掂
有錢仔系列一,火車連路軌,細個夢寐以求的最想要玩具之一
槍王之王玩具編,玩都要玩得有氣勢!
Omg!啪啪紙槍!好懷念兵捉賊無人肯扮賊的童年
海陸空玩具都有齊,男仔最愛始終係車仔
睇得toy story多成日覺得佢地會夜晚自己走來走去....
經典米奇,高飛個patpat插住支野係咩玩法?
5"batman figure,突然覺得千值練真係好偉大
可以由上世紀賣到依家的玩具並不多,Babie係其中經典之一
椰菜娃娃我細個都有一個,但完全記唔起邊個送....
細個儲錢想買海邊大屋都係靠佢,估唔到依家想買個廳都有難度
男仔最愛之一,登登登登!變形金剛!電影版figure真係好靚!但可惜那有錢+太大隻+我不是古天樂....
最愛大黃蜂!
新版麥加登變得最勁,但我buy
全迪迪尼公主系列,阿女尖叫了幾秒,我最愛係長髮公主~
好多米奇老豆,但點解無米奇老....
"撒阿人生於這個地方稱呼叫悟空,稱呼叫悟空..."小時候最受歡迎動漫一定係龍珠,變超西更加係同擁有一隻叮噹一樣的夢想排名第一位!但點解無閃卡?好懷念閃中閃.....
海賊王幾時有真人版電影先?
人人期望可達到的叮噹,依家叫多拉A夢,細個想要成隻叮噹大個現實d你俾個百寶袋我算吧啦....
每個星期死都唔瞓等到半夜12點睇的就係星矢,近年的聖衣神話系列真係完美咁修補好多人細個買唔起星矢figure的遺憾,出來吧嘆息之牆!
有錢仔系列二,Gameboy之前的高級電子遊戲機,一部一隻game,同依家月光寶盒幾百一千合一真係差天共地
Micheal Lau系列figure,當年好欣賞他的作品,大膽有創意又夠仔細,但當年俾人炒到hihi比依家hottoys有過之而無不及
呢個我唔識但阿女好鐘意
Enterbay最好賣之一,Jordan系列,可以話係藍球迷必備!
未有hottoys同enterbay之前其實大部分男仔Pro玩action figure都應該係軍士同紀律部隊為主因為服裝設備多,所以本土電影+消防其實好吸引
民間特首mark哥,figure都咁型,不得了
武神李小龍!呢個版本真係好似!
紅白+超任,好多人當年新年利是就係俾曬佢地,當然包括小弟啦
依家已經發展到帝王鐵甲萬能俠,但始終都係舊版有味道
Gundam,另一個係男仔都想擁有一隻的名字(1:1哦),細個發夢無數次變住超西著住人馬座聖衣揸住Z Gundam搵關芝琳食雪糕
經典之一的鹹蛋超人,老老實實因為個名所以我真係麻麻,加上會變大有d離地
黃金戰士!勁classic
細個真係俾日本仔d卡通完美攻陷,人地侵佔過我地3年零8個月都可以一筆勾銷,所以話娛樂文化教育係何等重要,反觀依家大陸只有喜洋羊....
同Gundam一樣令人熱血沸騰的機械人動漫超時空要塞,設計更似當年美軍戰鬥機但可以變半/全機械人型,貼地感大增另外愛情故事極吸引,當年死儲爛儲先買到一隻的馬輝號
美國特種部隊系列,美帝fans最愛
非常原祖batman figure,都係依家黑色型好多
Batman美式動漫系列,如果batman crossover名牌應該幾正
經典中的經典Starwars~少有地係奸角比主角更受歡迎,黑武士紅足幾十年,我都係fans之一 may the force be with you!
007大富翁,有d唔夠剌激
呢部高階野當年我記得好貴,今日一個apps已經取代了
8mm movie camera,呢個size當年已經係極之輕巧,突然想買返部玩下
海陸空古怪系列
古典用腦的玩具最歷久不衰,真經典
一定要擁有的鐵皮飛機
棋類係另一個永遠都會有支持者的遊戲,可深可淺,當年都迷過下因為動漫棋魂
其實點解唔整返有冷氣懷舊巴士?係路上行型到無朋友
行完梗係去tea一tea啦
呢間叫康融的茶餐廳有特殊人士在工作,他們的禮貌甚至細心俾好多街外侍應好得多,食物不貴,大家請多支持!
旁邊有間精品店,有時間行一行吧,有本土創作有書有玩具,可能有意外收獲呢
玩埋扮火車就開開心心返屋企了
後話
今次很滿意這個香港玩具傳奇展,雖然不算好大但入場費平到笑,種類多又照顧到小朋友,希望可以諗下次將玩樂區放最後/加入VR試玩,另外如果地方再大d同那些熱門動漫再多d玩具會更好!(如龍珠及Gundam太少了)
人好多如果大家想影靚相記得請耐心等候,想少d反光就盡量貼玻璃吧,行一行細個d回憶即刻返曬黎,拍貼紙,四驅車,閃卡,打機,影沙龍....但真心如果可以會再同朋友兄弟去一次,因為有小朋友去佢會寧願留係玩樂區"真玩"多過入去"睇"玩具... 總結是:必去!
爹娘喜歡攝影想分享想進步可加以下group 呀親!
@愛拍攝爹娘親兒協進同鄉會
https://www.facebook.com/groups/198397067322909/?fref=nf
www.facebook.com/adorbyhongkong