今日要同大家介紹2樣野，第一係機身輸出Jpg，第二係有兒童電梯玩嘅坪石公園，關於公園可睇反筆者之前的post...
http://www.dcfever.com/column/read.php?id=4151
關於機身輸出Jpg，好耐以前坊間已經有個直出傳說，就係機身影的jpg就是直出，只要設定中性就最能看到機身的發色云云，其實機身輸出的jpg已經過機身內置軟件處理，包括雜訊/鋭度/顏色/對比等等，就算設定為最中性都只能表現出相片資訊的其中一部分，真正的最原始直出應該係用電腦軟件開Raw轉Jpg才對，而睇到最多所有資訊一定係Raw裏面，咁機身輸出的jpg值得影嘛？可用嘛？
科技軟件進步神速，現今機身處理能力越來越高，設定得宜會令你省卻大量後製處理時間之下輸出不錯的影像，當然凡事都有利有弊，方便背後就係帶來不能大幅度個性化影像及作無償調整的代價，但如果拍的照片性質比較日常生活化或大量，尤其對爸爸媽媽來講，放一次電隨時幾百一千張相，調節得好的機身輸出絕對幫到大忙！
今日同阿女例行放電，心血來潮的想試下機身輸出jpg試下效果，設定如下...
Av Mode / 筆者大部分時間都全開光圈，第一懶，第二推高快門，第三想要最淺景深
Picture style / 設定好因人而異，我會建議多試多看，尤其不同牌子輸出特性分別可以差天共地，個人比較喜歡成象銳利但顏色自然
Sharpness 6
Contrast 4
Saturation 2
Color tones 4
矩陣測光(Matrix/Evaluative Metering) + 中央重點測光(Center-weighted Metering) / 測光對機身輸出非常重要！尤其係大背光/大側光環境，準確測光甚至應用内置HDR都可以令輸出相片一步到位
AI Servo / 影移動中的小朋友追焦必不可少，高級機身可用自動點數較多亦準，如6D此類入門單反我會建議只用中間一點再裁切會更易掌握對焦判斷時間
White balance 5400k / 室外光源唔會大上大落通常會一個個數影晒佢，一來方便後制，二來影多左會更了解k數設定值的變化同應用
White Balance Shift A2+M2 / 呢個亦係好個人的偏好設定，係室內尤其重要
Canon 6d + Sigma 50 f1.4 art
呢個升降機真係人見人愛，記得要提小朋友守規矩派隊
要準確無誤影到跑向你的小朋友追焦近乎必須的
用機身輸出Jpg其中一個最大優勢就係有HDR，就算大反差都可以一步到位
用盡最大光圈得到最淺景深幫你淡化背後雜物同人
好嘅測光可能幫很大，機身輸出Jpg變得更吸引
放電乃日常生活之一，不用下下用電腦處理真係好方便
AI servo+中間單點對焦，就算呢種超高速移動對焦都毫無難度
影小朋友切記要同佢地平起平坐，視角太高會令佢地覺得你唔係同佢地玩，淨影相佢地好快無貨交哦
我用定焦的其中一個主要原因係可以更集中捕捉表情
手動set white balance好處係用得越多你會越容易感受到現場顏色的變化，一般日光5000-6000k，太陽就走/無太陽到或天陰要推返高少少6000-7000k，如果機身直出Jpg White balance 的準確度十分重要哦
後話
好多爸爸媽媽買的第一部＂認真拍攝系列＂相機都係因為有新生命來臨或為左留住小朋友珍貴時光，但並非每位家長會花大量時間處理相片後製，機身輸出Jpg+wifi+少量手機/平板電腦後制=網上分享的確係一個好吸引的方案，當然缺點係不能作深度個人及優化處理同後制空間比Raw少得多，而要用機身直接輸出Jpg對於拍攝者的要求其實比用Raw的更高，因為更講求所有設定的準確性同需要進一步了解機身同品牌特性以達致一步到位的效果，最後安全的講一句，最好還是Raw+Fine Jpg，就可以真正方便與可能性集於一身，爸媽買多幾個tb吧！
爹娘喜歡攝影想分享想進步可加以下group 呀親！
@愛拍攝爹娘親兒協進同鄉會
https://www.facebook.com/groups/198397067322909/?fref=nf
www.facebook.com/inghohk
www.facebook.com/adorbyhongkong
www.adorbyhk.com
