今日一早本來要入長洲,朋友病了去不到,但阿女好想去沙灘玩沙玩水,加上連未來Jackpot特首近日都去左大澳一遊,所以即刻潮plan返個一家大小都啱玩嘅香港威尼斯一日遊,最後選了東涌>長沙>大澳一日遊~
揸車可考慮拎通行証就可由石門甲入大澳或者由屯門坐船直入(記得買來回飛如果唔係回程有機會無飛買),九龍如果近龍翔道就機場巴入東涌轉11號巴士最快,或者香港區坐船去梅窩轉大巴,要注意係入去唔難,重點係出黎哦,大澳已經今非昔比,我地今次就係公眾假期入去,係大澳食埋飯先出來等巴士仲要等了大半小時哦,所以回程最好早少少或再夜一點甚至係大澳住上一晚吧(貴有文物酒店/平有歸田園居)!
行程係坐機場巴先去東涌富東邨食過早餐,整理好行裝就坐11號巴士入上長沙沙灘,記得入夠八達通因為交通費不少的,玩完就入大澳食食食同坐船睇中華白海豚行海濱長廊睇日落買蝦醬食海鮮返屋企~去相!
本來諗住全日35.4但諗諗下要玩水玩沙睇白海豚所以最後用返最愛50.4art,一鏡到尾哦。
Canon 6d + Sigma 50mm f1.4 art
同6d+50.4art基本上已經老夫老妻,同太陽玩遊戲最有效
入長沙其實好快,車都好密下,一去到阿女已經9秒9跑左去玩沙
長沙真係灘如其名,長,但其實有少少窄,今日意外的人很少,沙幼但水不算清,下次去埋塘福比一比
玩水玩沙比所有玩具更吸引,所以別怪小朋友會追求物質,他們的價值觀全靠爸爸媽媽一點一滴累積出來的,你給什麼他就會變什麼呢
天空+海是最無敵的組合,就算大人也應抽空好好hea一下,水滿了就要倒掉一點吧
發掘生命是另一好玩的遊戲
Sand spa,阿女好識玩!
不藍的天,但雲總是吸引難測
更深度spa......
Sand angel,佢想玩左好耐
玩完沙去玩水
畫畫的時候到啦
剛剛寫好自己個名俾個浪一野KO左,omg......
人真係唔多
沙城堡必備是常識吧
大大力頂光真係6d大敵,個1/4000快門真係......
阿女最愛藍色之牆(韓劇?)
阿女話開邊蒸yum yum......
跟住就再坐返11號入大澳,途經石壁水塘好靚可惜無位坐所以無手影相
大澳基本上同我上一次黎(10年左右)已經好大分別,今次見直頭好有台灣9份感覺,週圍都有小食,紀念品店,cafe,餐廳,當然不變係蝦醬同傳統乾貨做手信啦
人多到爆,尤其講國語的大陸同胞,還好沒見到什麼過火不文明行為
等睇中華白海豚(約20-30蚊一位),阿女超期待但我地知未必睇到,因為20分鐘船程只有5-10分鐘係睇海豚的
上左船先U turn睇下大澳入面,其實真係好多垃圾,真係應該好好清理因為好鬼難睇
多左好多特色店,如果做得好其實大澳真係可以好靚,但發展同保育真係要好好平衡下
未見到海豚已先興奮!
4photos>1 / 尊貴同人命合而為一的港珠澳大橋,值得嘛?I really don't know
我地好好彩,因為有魚船係附近捉魚而引到佢地黎食魚,
所有我地見到幾次中華白海豚跳出水面!全船都好Hi,可惜都幾遠,揸住50嘅我已經放棄左打豚念頭,專心用眼睛睇白海豚
阿女落左船仲想睇多次白海豚同想帶佢返屋企,可惜時間同屋企地方有限養唔到海豚唯有買隻細嘅頂住先啦
好多咪星人
唔係講笑,小食店真係好多,其實變9份咁都唔差
主人又出現
好靚嘅咸魚呀
My Lord~
呢個正,好似藝術品
新碼頭好舒服,可惜設計同大澳舊建築格格不入
海濱長廊,旁一邊有鹽田,勁多蟹仔
等左一陣放棄了影一張無乜人的相嘅念頭,因為人真係源源不絕咁湧埋黎......人人人人人
救命,現場真係舒服到唔想走!
最痛苦的時刻到了,食完飯要走,估唔到出面仲係咁多人,阿女已經要抱抱瞓覺,好彩見到牛牛醒晒,又話要帶牛返屋企......
後話
如果再去一定會住一晚,一來唔駛咁趕可以係塘福/長沙/貝澳沙灘玩耐d甚至試下住係塘福露營車,二來如果第一日睇唔到白海豚仲有為二日補飛,三來第一日可以係屯門同黃金海岸玩完再三聖食海鮮坐尾船入大澳瞓一晚第二日先慢遊大澳,只要有2日就可混合地點,行程編排真係好多變化,其實香港都唔係好細啫。
爹娘喜歡攝影想分享想進步可加以下group 呀親!
@愛拍攝爹娘親兒協進同鄉會
https://www.facebook.com/groups/198397067322909/?fref=nf
www.facebook.com/inghohk
www.facebook.com/adorbyhongkong
www.adorbyhk.com