其實哩篇有D唔update, 已經是2016年既旅行, 但因為種種原因, 文章寫好了,但就一直都沒有發佈, 直至今日先真係響哩個平台發文, 希望對大家有一點兒的幫助吧. 這裏只會放一個簡短版的, 未來會出番個詳細版的. 希望XD
一個想去好耐, 但一路因為價格問題, 最後都沒有成行既北海道~~
今年因為某原因及日元低水, 所以還是決定走返一轉~~~
今次雖然唔係突發性旅行, 但因為私務太多都沒有超詳細去找資料, 去到出發前一日重響度修改緊D細節, 同埋今次行程其實比較多憂心既地方, 例如第1次經網上Rentalcar.com租車(OTS已通知冬季期間北海道地區再不租車給外國人), 雪地駕駛, 大風雪, 偏遠民宿等問題~~
不過幸運既係, 所有憂心既問題都順利過渡, 沒有太大影響~~~
先分享一下我今次個Package GE資料 :
日期 : 2016年01月31日~02月09日 (10日9夜)
航班 : HK Express+ANA, 去程羽田轉飛女滿別, 回程新千歲飛羽田轉機
行程 : 北見=>阿寒湖=>十勝=>旭川=>登別=>札幌=>小樽=>札幌
酒店 : 北見 - 北見第一飯店 (2晚)
阿寒湖 - 阿寒之森鶴雅度假村花香
十勝 - 十勝川溫泉第一飯店
旭川 - 六芸庵 (民宿)
登別 - 登別格蘭飯店
札幌 – Alluring&Roomy Apt (民宿) (2晚)
價錢 : 約 35,000 (2個人)
有左上一年沖繩自駕經驗之後, 今次決定北海道都係自駕遊, 只是因為沒有雪地駕駛經驗, 所以都花左唔少時間去查找注意事項, 上面所講既憂心有2點, 最緊要係驚交通安全問題, 行程係遊走3/4個北海道地區, 撞正雪祭, 有日重要係渣夜車個幾鐘, 所以今次幾貴都會買旅遊保, 而第二點係OTS已表明因意外太多, 今年開始北海道地區冬季不再租車給外國人, 所以我今次經Rentalcar去Times Car度租車, 第一次用哩個網站租車, 加上又有傳聞話有人北海道唔知邊間公司去到先唔放車最後搞左好耐好麻煩, 所以都怕有咩事發生~~
就因為決定自駕遊, 同埋各個雪祭開始既時間不同(小樽雪祭比較遲), 所以行程上有了這個安排, 先飛女滿別租車再一路玩返去札幌還車, 但還車地點不同會有Charge 9720円, 但我懶無再格價, 所以唔Sure係唔係佢最平~~同時又唔想渣來回浪費時間, 所以有Charge都照比.
頭7日係自駕, 最後2日係以JR為主, 自駕Total行左超過1,200km, 油都入左4次(Total ~10,000円), 咁既行程路費(10,510円)都唔平, 同時駕車時間都算幾長(平均2個鐘左右), 加上北海道1600就開始天黑, 2000就全街關門, 所以只得幾個鐘遊覽, 如果你跟我同一個Plan, 哩個真係要考慮清楚~~
**Times Car既GPS都可以入Mapcode(之前有師兄話無Mapcode功能), 用Mapcode比電話號碼好, 因為好多時個電話都係錯的….(而我今次只係查左電話NUM……)好在我有Print個地圖響手, 不至於錯得太誇張~~~(錯總是會有的XP)
因為係遊走四分三個北海道, 所以差唔多每日都在換酒店, 而因為2月份係北海道既雪祭節慶, 所以酒店既價錢都十分貴, 為左減低旅費, 有幾日我改住左民宿, 一來可以平D, 二來可以體驗一下日本既真風味, 個人覺得民宿感覺一定比酒店來的好玩, 唔使每次都係一式一樣既感覺~~只要睇得準, 真係可以又平又正D添~~睇下後面既文章你就知啦~~~
今次酒店還是用上Agoda結果還是十分滿意, 而民宿就用上朋友介紹的Airbnb, 有了這個新apps, 的確解決左我唔少酒店短缺既問題, 雪祭期間, 酒店無咩位同超貴(尤其係札幌), 所以如果你係哩個期間去, 真係要早D Book, 我1月頭Book就無咩選擇啦~~~(剩低既係3xxx到8xxx一晚.......)
Airbnb十分簡單方便, 還可以網上同屋主直接chat, 可以令我放心不少~~值得推薦~~
好~~廢話太多, 都係開始入正題啦~~~~
凌晨機唯一既好處就係有機會影埋個日出~ 羽田機場
轉眼就來到了砂場, 雪景配上這樹的形狀就如畫一般
一個不知名既地方,從摩周湖去阿寒湖途中睇到,有山有樹
時常都跟學生說, 旅行就如攝影系既考試, 要同時拍攝的題目太多, 也有太多一瞬即逝既事情, 如果你的基本功不足的話, 隨時都會考試不合格, 不過不要緊, 還是可以重考的, 只要再付費就可以了XD ~阿寒湖冰瀑祭~
來到了十勝幸福駅
Hey, 等人呀?
有時退後一步, 會比走在最前線的看得更多更闊~ 十勝川溫泉第一飯店之日落
十勝之丘公園彩凜華祭~ 星呀, 係星呀~
層雲峽日出
十勝川溫泉第一飯店
旭川旭山動物園
登別熊館, 不過冇影熊XD
大自然的美總是在於不經意~
磚瓦草木,皆有生命。
葉落並不等如結束,也是一個開始。
草木是,人生是,想法也是。
札幌
最後來到了迷人小村 - 小樽
暴雪下的小樽又是另一種感覺~
落住雪既小樽運河真係會令人唔捨得走
再走走白色戀人的許願池
最後送上一幅日落景來作個告別吧
如果喜歡我的文章:
Follow me:
Facebook: https://www.facebook.com/tim.ctlau
ig: tim_ct_lau