如果大家希望買一部又輕又爽的無反相機作為日常使用,最新推出的 Sony A6300 可說是其中一個好選擇。集合 4D Focus 對焦技術、11fps 高速連拍、4K 高解像攝錄於一身的 A6300,在拍攝及攝錄方面都提供相當極致的體驗,拍攝運動題材又得,幫小朋友拍攝成長片段亦得。
A6300 淨機身賣 HK$7,990,有人可能會話點解唔直上 full frame?老實講,A6300 在對焦、連拍、拍片、重量方面都比入門 full frame 優勝,原廠又有電 zoom 鏡,拍片效果更好。而且 A6300 又有內置閃燈,如果不是用來接高要求 job,其實 A6300 可能更適合一般攝影愛好者日常使用。當然,如果「世界上已經無野可以阻止你買 full frame 機」的話,咁你當睇唔到呢部機算喇!
點解 A6300 貴 A6000 咁多?兩部機既型號只係差一個數字,所以有人誤會左佢地係同級,但 Sony 話 A6300 係高一個檔次既型號,千其唔好搞錯呀!首先 A6300 個 sensor 同 A6000 係完全唔同架喎!A6300 粒 CMOS 線路以銅質代替鋁質,配合 BIONZ X 處理器,最高感光度提升至 ISO 51200,而且高 ISO 表現亦都比 A6000 好好多,識貨的話一定會留意呢樣野。連拍大家都係可以做到 11fps,不過 A6300 就有更先進的 4D Focus 對焦技術以及 425 點相位對焦點,Live View 既遮黑同埋顯示都有所改良,對焦及追焦反應更接近高階單反。再加上 4K 拍片、S-Log 伽瑪錄影,以及 Full HD 120fps 慢動作,都係屬於高階既規格。「不用分那麼細,因為他們都是叫 A6_00。」識影相既你應該唔會咁諗掛?
好啦,如果大家想 make sure 第一時間買到 A6300,又想拎埋個優惠,就不妨去 shop@dcfever 網上店登記預售,成功登記可以免費獲得 Sony ACC-TRW 電池套裝及 Sony LCS-SL10 相機袋(價值 $950),更可於 17/3 優先取機!
Sony A6300 網上預售登記 by
shop@dcfever