優點:
下面咁多個用家評價都已經講咗好多 呢度再略略講一啲大家比較關注嘅嘢
缺點:
樣衰(痴幾塊skin上去可以解決)
冇咗背置式操作鍵 得返粒電源鍵
Sd卡唔再支援2tb, 只係支援256GB
自拍鏡頭得返一粒 如果唔用廣角嘅話其實係用廣角鏡Corp返出嚟 畫質有降低
評價:
首先回應一下下面的心得 好多人都話佢冇防水功能係一個缺點(其實買日版就可以解決呢個問題 lg日版機防水嘅 分別在規格可能會有少少唔同),係佢有一樣其他智能電話都冇嘅功能,就係通過軍用撞擊測試。唔係話乜嘢,到呢個時候都仲要質疑lg嘅做工? 最大嘅優點就已經係全鋁合金機身仲有得就咁換電,唔使用sim card tool就可以換到sim卡同sd卡,而且sd卡唔使同sim2共用,要做到呢啲功能而且係一部旗艦機而家都只係得番lg一部。
如果有留意開啲評測片就會知道lg v20今次喺ram management埋嗰度落咗好多苦功。由於今次係android 7.0 nougat,加上lg ux 5.0 plus,系統上面嘅優化一定會畀G5或者之前嘅lg手機更加好 。
正當各大廠商都考慮取消3.5 mm headphone頭嘅時候 lg繼續別樹一格作風 繼續升級3.5 耳機頭嘅音質。
正當各大廠商Sd card都要共用sim2嘅時候, lg選擇繼續額外加一個sim卡槽 。
正當越嚟越多機為咗靚而用雙玻璃面加金屬邊框或者一體成型嘅鋁合金機身嘅時候,lg繼續絞盡腦汁都要搵到一個換電嘅方法 。呢份執着應該已經吸納到一大群實用型嘅玩家。
效能嗰方面唔需要擔心,唔係決定買唔買機嘅理由 ,喺度唔多講
喺呢度講一講下面咁多個評論都冇講過嘅嘢, 就係相機同埋其他嘅實用功能 。
首先相機個方面 1600萬像素f 1.8光圈 ois防手震。 雖然冇好似宜家其他廠商咁樣用dual pixel,但係只要一拍埋其他旗艦機影出嚟嘅相就知道lg真係清好多,呢個就係高像素嘅優勢 。另外lg嘅曝光時間可以去到30秒,比現時大部份嘅旗艦機都要多 。雖然光圈唔夠Samsung大 ,但係喺夜拍個方面只要配合埋腳架嘅話絕對唔輸得 ,再加上佢有135度嘅廣角鏡頭 ,連自拍鏡頭都有120度。再加上手動嘅拍攝模式可以fix一個iso嚟拍片,教埋左右聲道,前後收音,大細聲,隔走風聲等等。 而且係24 bit嘅收音,雖然唔似Sony咁樣有模擬五軸防手震, 但係佢有曬而家任何智能手機都冇嘅功能。
Second screen嘅功能亦都係非常豐富 比起samsung edge display 更加實用