Samsung Galaxy S10e

實拍照片

-5.8吋+150g重量balance啱啱好,真係可以單手操作(亦都係我揀s10e唔揀s10原因)
-屏側指紋鎖+整合開關掣,同埋可以slide down個notification bar出嚟,幾好用(唔太鍾意屏下指紋,當初用緊Xperia XZ/XZP都係好鍾意屏側指紋解鎖)
-個mon幾靚,啲色都準同夠光,係可能色溫有少少暖(我個人鍾意睇慣冷色溫多)
-infinity-o 設計,其實開頭都會有少少介懷,但用落其實又唔係好大問題同一定好過瀏海設計,家陣嘅屏佔比同Screen Ratio亦都幾正(超馬唔會似21:9咁長,睇片又夠balance)
-應該係大廠最平嘅s855機,好順亦好快,打機一定夠用,暫時用落各樣嘢都冇乜遲緩感,同埋UI夠人性化同直覺,比以前好啲(之前用Note 8)
-平面Mon(亦係我揀s10e嘅原因),大大減少咗curve mon爆mon嘅風險,同埋易搵少少mon貼(之前就係用Note 8爆咗mon,整都要最少$1500)
-影相色溫夠準同sharp,今次雙鏡頭有ultra wide angle有用好多(比起tele其實我用wide多好多),雖然係有變形但實在大大增加咗實用性,今次主鏡頭亦比起note8好好多(始終隔咗兩代),同埋今次個景深模擬多咗嘢玩
-拍片防震有驚喜,多咗個Super Steady超穩定mode,行路或郁動大少少都okay
-喇叭夠大聲唔會拆同通話質素穩定,仲有杜比Atmos 音質係幾正
-差電幾快,幾乎1鐘度就可以full charge(因為電量唔大),同埋有Wireless power share(不過好少用到)

-電量,3100mah的而且確係叫啱啱好,但用大半日(14-15個鐘)度就要充電(重度使用者可能得半日多少少),都合理嘅只不過再好啲會更加完美
-可能係個screen反應太過sensitive ,會有少少情況會易誤按
-原生會自動tune每個apps做唔做全屏,如果有啲apps要set,要特登去返setting度set返,有少少麻煩
-支Ultra Wide鏡居然唔support manual setting...真係浪費咗
-機身冇s10咁好揸手,但其實都用套,冇乜大問題
-好堅持嘅Bixby 掣,其實原生set做custom button會好啲嘅始終機身上掣唔多
-行貨得黑色可以揀(藍色咁靚都居然唔入真係玩嘢),同埋乜都冇得送(平啲買Galaxy Buds都好過冇呀)

我諗今年Samsung係想試新嘢,之前嘅A8S都諗過,但始終都係中階機同太大部仲有冇3.5mm, 所以冇換到。之後係發佈會一次過出哂4部(當然港行得3部),當中S10E真係最最最吸引,因為一向鍾意細少少嘅機。能夠將5.8吋Mon放入咁細機身仲要保留返好多基本嘢(3.5mm, NFC)都已經好難得。不過買之前都仲係諗緊S10/S10E好,因為真係差嗰$700,其實都好似爭咗幾多嘢咁(6GB vs 8GB Ram, 雙鏡 vs 三鏡, 側屏指紋 vs 屏下指紋,3100mah vs 3400mah 電 同埋 5.8" 1080p vs 6.1" 1440p), 但其實就Ram嚟講6GB已經好夠加上我好少用Tele鏡+電量都好睇你個Mon Resolution, 所以最後都係揀咗s10e ,最主要都係個size,因為真係細啲同一手掌握仲同係平面Mon(重點),絕對係今年嘅細機之王同hardware真係好有誠意(5.8"都唔係細,但以家陣部部新機都6"以上嚟講真係好perfect)