以下是本人的親身經歷, 本人仍誠實買家/賣家, 並不是開新account 散播謠言, 有懷疑者可參考本人過往與其他師兄的交易記錄。
本人去年9月IPHONE 6岩出第一個星期向一位炒家購入一部未開封的細灰128GB自用, 11月親自拎機去APPLE STORE購買applecare+ 延長保用至2016年9月, 及後今年3月嫌MON細另買了一部大灰, 最近決定將部放細灰128GB放上DCFEVER求售。雖收到不少師兄PM, 但大多是二手佬大幅壓價或一些留了電話但再聯絡佢無覆我的師兄。
直到上星期四(5月14日), 有位ID "ZilverXXXXX"的師兄留了電話 5181-29XX, 本人whatsapp聯絡佢, 對方全程英文回應, 說要星期六日先得閒交收, 又話因之前買ip5s被人呃換過入面的零件搞到冇保養, 所以要求去apple store 俾職員check完機先交收。本人因星期六有事故約左佢星期日晚於IFC交收, 對方同意, 但要求我先俾部機的sn序號佢先CHECK, 本人於是當晚將包裝盒背左下角有機身型號, sn序號及imei的相send左俾佢。
到星期六晚, 本人再whatsapp佢confirm交易時間及地點, 依個師兄有online但無覆過我。我以為又遇到一位放飛機的師兄所以都無再理佢, 及後delete左與佢的whatsapp對話, 因此無法提供之前與佢的對話記錄做證明。
到今日(5月20日)有另一位師兄有興趣, 大家約左晚上交收, 本人6點幾放工後去交收, 搭車去交收途中再send sn序號俾依位師兄check, 佢一分鐘後就覆我話部機上官網check話SN因已換過機而冇效, 及後本人也即時check一次confirm左依件事。
本人於4月29日放售當日自己上官網check過SN, 而且本人當初買返黎部機係未開封, 型號係MGXXXXZP, 所以冇可能依家手上部機係已換過或翻新機。
因由放售以來本人只把此機的SN告訴過 "ZilverXXXXX" 及今日果位師兄, 本人有理由相信有專業的不法之徒將本人部機的SN和IMEI用特別的方法刷入其他機後拎去applestore換機。
本人希望以上的經歷能警惕到其他師兄小心處理apple產品的SN序號, 如有其他師兄都有類似經歷請PM我, 指點下我該如何處理, 或能聚集有其他受害者一齊去警署備案。
本人之前放售IP6的POST:
http://www.dcfever.com/trading/view.php?itemID=3323538