來大棠睇紅葉啦喂！【Weekend拍什麼？】

11月上Facebook，有無被朋友響日本韓國啲紅葉洗板呢？無假，或長期糧尾的您係唔係好心傷呢？如果係，去元朗大棠走翻轉，可能幫到您治療一下。

為o左響香港影到紅葉，您可以去到盡？

因為大棠，真係無雷公咁遠啊救命。政府都講到明，交通不便先可以避免太多無謂人去郊野公園，咁先可以保護環境，呢種做法對與錯？每個人心裡都應該有個答案...

上次o黎大棠已經吸係10年o既事， 當時朋友畢業，我們竟然來了這裡拍畢業照，回想起來都覺得自己當年都幾痴線。

呢次我在12月的星期天上午來這裡，停車場在早上8點半就已經爆滿，而且旅遊巴的位置都被泊滿了私家車。要乘搭公共交通工具來的話，有以下兩個選擇：

-港鐵巴士K66（朗屏 – 大棠）朗屏西鐵站上車，大棠山道落車，車程大約45分鐘。

-紅Van（元朗 – 大棠）元朗千色廣場附近上車，在大棠山道落車，車程大約30分鐘。 

山場水遠入到嚟，當然唔會令你失望。

落車位置只不過是在大棠山道的路口，即係落車後仲要跟著車路往上行，行半個鐘左右啦，就會來到這個閘口位置。裡面是禁區，醒目o既您就會諗搭的士，我就唔建議喇，好日都唔outdoor吓，再睇睇自己個肚腩，都係行下算把啦。
 

入到去都係繼續行....
 

繼續行...
 

間中見到人影吓樹...