季節限定~黃花風鈴木

近呢個星期個facebook比黃花風鈴木瘋狂洗版

禽日放假終於可以去影下喇

為免同人迫,天未光就出門口。正確黎講係成晚都無瞓過...

南昌站D1出口,南昌公園,距離地鐵站大約5分鐘路程

嘩!呢度真係好靚!

可惜天氣不似預期,繼續灰灰陰陰

雖然香港好多地方都有風鈴木,但呢度兩排種左大約三十棵,又真係好靚

一早已經有好多晨運客,有d耍太極、跑步、打羽毛球,仲有野餐

屋企樓下有個咁靚既公園,真係住得人都開心d

仲撞見好多影友添,當然唔放過佢地,幫手影返張到此一遊啦 XD