Canon EOS 500D

評測報告

實拍照片

-配18-55 IS非常輕，若果係男性，又唔介意帶大個D既袋出街，隨身攜帶都冇乜負擔~~~
-6千蚊價錢，買一部500D，入面係DIGIT 4 + 50D既APS-C CMOS，講緊既係用50D一半既價錢，買左一部入門級操作介面既50D，性價比真係一流!!!
-1510萬像.......雖然話都係幅相大左姐，不過像素大左，後製時裁剪都方便D
-快門聲好聽過另一牌子同級.....(見人見智啦呢個)
-1080P拍片....不過個人好少用，相機係用來影相的.......
-手感好~~~~比起450D既膠感，佢機身多皮位，正好多~~~~~
-最佳ISO 400，可用ISO 1600，算係咁啦，無謂同D3S比........
-成像同50D差不多~(當然啦，跟本係同一個CMOS......)
-開機速度，反應等等都好快，而且操作簡單
-跟機閃光都算夠力
-個LCD MON真係靚到呢......
-粒電好耐用，用成日都唔係問題
-周邊亮度優化，減少黑角.....不過個人冇開，但有好過冇

-就係輕得滯.....都幾易震.....
-一配重少少既鏡就會頭重腳輕
-LCD MON太靚，你返上電腦睇就會覺得原來唔係果回事~~
-冇機身MOTOR....不過入門機，算數啦
-9點對焦點有時唔多夠用，個AI對焦廢廢地，連拍果時失焦問題極嚴重，不過單張自動果時都叫準，都算"明白用家所想"

用左3個月，未去過旅行，都係自己/同FD出下去影，感覺良好~~~
反應真係幾快，幾乎一開機就影得，而且粒電真係好勁，只要唔係不斷閃，唔係係咁睇相，影成日都仲有電剩~~~
1510萬像有冇意思呢個就見人見智喇，細節多左係好既，不過影RAW果時個檔案又會大左，8GB卡影RAW+JPEG，只可以影到250張左右~~~
成像方面有保證，而且部機又輕，我有一輪幾乎日日帶住向身，重量同帶多本書仔冇咩分別，係大舊左......
不過呢，LCD MON呢個係問題來，你影完睇果下覺得PERFECT，返到去分分鐘發現原來你畀佢呃左.....要時間習慣~~~
同埋QC方面，我果部個VIEW FINDER睇出來係水平，但影出來會有少少斜，而且唔係淨係我果部係咁.......
不過OVERALL來講，呢部機個CP值認真一流，你話入門級會有幾好丫，不過我覺得至少佢向規格上好過另一大牌子同級先~~~~

小弟係新手來，第一次寫REVIEW，之前都對攝影有少少興趣既，不過一直都係用DC
之後有一次借朋友既450D來玩，當堂畀人毒親...唔得喇，一定要買部DSLR!!
然後機緣巧合有個親戚要買5D2，咁我就跟埋佢去順手出部500D (百記見我地訂5D2，順手做埋個優惠畀我部500D，果時8月中，500D KIT標價係6980，佢收我齊頭6千)
買左返來，都有朋友話我傻，話若果有心玩，點解唔買50D或者D90，若果唔知自己係唔係有心，買450D/D3000好過喇~~~~~
但係而家知道既野多左(雖然都仲係好嫩...)諗返起，我都覺得買500D係正確既
500D個CMOS，跟本就係50D個CMOS，所差既就係ISO微調呀，對焦點呀之類既中階性能姐，但係就平50D一半
而且仲同50D一樣係DIGIT 4
相比之下，450D平一千蚊，只係DIGIT 3，色彩同反應都冇咁好，少200萬像，冇1080P
唔係話450D唔好，以入門來講，450D都係好機來，我就係因為用過450D而中毒的
你話1080P我唔會點用既(好似我咁)，果200萬像又冇咩意思姐，但係，你為左平1千蚊唔要佢地，到你有一日失驚無神需要果時，用1千蚊係買唔返佢地架......
所以若果係新手，出得起果一千蚊，又對成像有D要求既話，500D係夠用有突啦
講真，我有考慮過D90架，講規格佢係500D同50D之間啦，不過聽過一次個快門聲，下........再加埋唔想用咁多錢，咁就放棄佢=.=
同埋之前用DC仔都係用C記，點都有少少BIAS既.......
全部係個人意見，希望幫到各位想買入門級既買家啦......

1）高級ISO
2）慳電
3）色彩Sharp，mon靚
4）$6000有找.....算ok！

入門機，細部；外表膠膠地，無手感，Mon d相同屋企睇有相覺餘地！！

我自己用5D Mark II，呢部機係我送給老婆學映相入門，輕便，價錢相宜，質數高........又有高清拍攝，X射入手$5980[ Kit Set ]，同我Mark II 比，本人覺得係像素，FF，外表會輸之外，真係無咩會輸囉！！

1. 控制noise 入門機算做得好好
2. 輕, 女仔都岩用
3. 個mon靚
4. 一粒電可以影好耐,

1. 比中高階機少左個轉盤
2. 個mon太靚, 有時真係會俾佢呃左~
3. viewfinder 無100% , 帶眼鏡睇睇唔晒
4. live view 慢(其實dslr 無一個lv係快)
5. 較暗既環境比較難對焦

其實d缺點算係蛋殼裏挑骨頭
咁既價錢, 有咁既質素真係好高,
入門既best choice, 但如果有錢真係上7d/5dmark2 好過~

實用, 夠輕 ,女仔用不錯

雖然有live view , 但自動對焦極差,影出黎對焦慢 , 有時對唔到焦 , 不可接受 .............

感覺不錯~易操控................

ISO 12800可接受
ISO3200用得，方便好多
有高清拍片，真係好清
新kit lens質素好左唔少

外殼為塑膠，且很易刮花
新model 轉用磨砂殼 用耐左好易被磨光
拍片自動對焦很慢，要手動對焦
liveview 大食電

入門單反超值之選！

用觀景器對焦快
拍D片好清
收音好過我部傻瓜機好多
個Screen真係多角度，又好清
就算ISO 12800 D雜訊都幾少
(開左消除雜訊)
IS 幾好

Live View好食電
(原本係滿，開左唔夠五分鐘就一半電啦)
Live View對焦超慢，仲有唔係幾準
自動曝光成日都好暗(我用Av Mode)

我買左18-55 IS kit
價錢同質量相若，比我想像中差
尤其是係Live View個自動對焦
我部傻瓜機太舊，所以先買
之前都唔知要D5000定500D好，不過都係揀返Canon