Nikon D800E

實拍照片

1.畫質，唔洗講，因有成3千8百萬象素關系，聞相聞到令機主自慰既機^ ^!!
2.對焦，絕對又快又準，準同快過D300s,D7100,D600，唔會掙D4好多！
3.lcd夠大,夠色準,夠仔細
4.可自動幫你剪裁DX鏡格式，NIKON黎樣野諗得幾好，可用回DX鏡！
5iso既表現可以係優點和缺點，黎度係用後感再講............
6.機身結實，一貫nikon機既傳統
7.後製空間好大

1,連拍，其實唔算慢，但如果影生態或小朋友時就唔多夠用.....影落其實ok.......
2白平衡，晚上室外用自動白平衡有時會比較差，自己手動會好好多.....
3.數據容量大，黎個應該係好多D800e用家最無癮既事情,電腦慢D都死，但好多時唔係張咭唔夠快，係個讀咭器出事，用後感再講......
4.電池既續航力，真係差左好多，之前D300s果粒電影兩三日都無問題，而家粒電影1日多D好快就無電.............

小弟主要係影下生態同小朋友，其次係風景，咁D800e其實唔用呢？可以答大家係用的！用影蟲為例，小弟第一要求既野係對焦要快同準，支鏡有高速摩打同防震係好有用，但都要機身判斷對焦要夠準先得，何況小弟得支騰龍90mm電鑽同384兩支好鏡用........但當你用開D300s加lee兩支鏡練到一雙石糕手後再用D800e撘lee兩支鏡後，你會發覺成個攝影過程得心應手好多，第一係對焦快同準左，二係iso好過D300s兩至三級，(300s頂籠iso800,D800e一般iso到2000都無問題)換黎就係梗高速既快門同梗細既光圈，加上係3千8百萬像素(簡直將你手上的鏡頭解放),再任你裁相後製既空間,除時都可得出一幅好細致又好多細節既畫面,各位有影開蟲既師兄姐，影灰蝶既，一般都好細隻，如果係尾部影佢對假眼，大部份都會用微距鏡影的，但小弟有次用384影完回家係電腦睇返，竟能裁至約一比二都能清晰地展現出黎，如果你係以影蟲或微距攝影為主的，快D入返部！
有樣野唔知各位師兄會唔會無留意呢？就係你家中個mon,用此機最好有個靚mon，先可以so到最多細節同色彩比你聞..haha...最好夠大添啦！
iso方面，小弟都覺得比較係正面的，好似有D保留..我用了兩個幾月後，聽過有師兄話1600都唔掂，有D就話6400都接受，我就覺得係一般情況，3200係可接受，乜叫一般情況--一般夠光就得！唔好係晚上得幾支路燈果隻，越多黑位，張相既雜訊越高，iso1600都死，lee個可能係高象素既缺點........但已好過D300s....
相片容量大.....真係幾頭痛，以前用D300s，插張咭到讀咭器後，係電腦睇才過相到電腦度，點張相睇下，即刻播到出黎，一點遲滯都無，現在用D800e就煩，張張相都要等，換張快咭都無用，快得果少少，最傻瓜做法就張張相過晒落電腦後先再睇，好費時，之後問人有無辦法，有人介紹用另一讀咭器，問題解脫了，能用返之前果個辦法睇相同過相，又少左一個煩惱....
總結:用此機，有缺點有優點，唔係人人用，由其是要高iso夜攝的，D4,D3s.Df先，而真係一心想要高畫質既，有兩樣野要刻服的，一：佢可能係ff機中，最多雜訊的，但唔係你想象中咁差，如果你係用ps或LR後製，一般雜訊係難唔到你，二：容量，如果你部腦個硬碟唔係以TB計的話，又唔係執相快，又唔係過相快，請換機，如果唔係你會用得好.....
兩樣都無問題了，咁仲有乜問題???只有放底20000了.............
多謝睇晒我既評語，有心！！

像素超高
色彩調控功能多
ISO 6400可用
操控十分方便
拍攝速度夠用

壞過一次，似乎冇以前嘅Nikon咁耐用
電池續航力較差
觀境器人面對焦感覺冇效！奇怪

買入D800後D4放入防潮箱成年,再購入D800E,真驚喜。
影像質素再超越D800，之前啲人話放到好大先有分別，我朋友用15吋手提電腦同時睇同一影像已可分出800/800E.
控制設定十分方便，眼睛不用離開觀境器，已可調整大陪份設定。
至於人人關心嘅咩嘢紋，講真，我連影婚紗都見唔到，唔通我好采！
仲有就係ISO,6400都有好好嘅表現
我冇用過Canon,不過希望啲人唔好亂寫！如果唔識就唔好用到咁高像素相機，到時啲相張張唔sharp又話部機唔得就冇謂啦

sharp
閃燈相靚
無論裝支新鏡還是舊鏡古董鏡，都好能够表達鏡頭特性，因爲sharp。

除咗價格貴D，我諗我未夠班彈佢，真係要講，就係重囉。

相當好嘅相機，由于像素高，加上處理器質素高，裝上舊Nikon頭或者轉接其它M42鏡頭，都可以好清晰細緻表達出該鏡特性同特質，作爲紀錄工具使用的話，暫時135機身無出其右。
講到摩爾紋，可能我拍婚紗之類少，用咁耐都係見過一次，係一小塊，相信就算有低通濾鏡嘅型號已未必可以完全免卻。
某家用戶好喜歡亂作評論誤導人、詆毀人，好心喇，人家唔係傻瓜。
“2M高處水泥地或石地跌落絕對無問題！本人親身體會！”，你係想講水泥地同石地，你都試過2M高跌過落嚟，還是想呃人攞部機去試試？冇人肯試嘅，部機咁好，邊個捨得吖！
“任何角度都會出現摩爾紋！”，我真係想知道你用邊支神鏡，可以隨心所欲拍出摩爾紋，請指教！
各家各玩，唔好亂作嘢詆毀人，自辱而已。

高像數、機身結實、2M高處水泥地或石地跌落絕對無問題！本人親身體會！

操點大、任何角度都會出現摩爾紋！特別影夜景！只有在光線充足下影像，寬容度連三星手機都比不上！部機真係好差！差！差！

買咗呢部機好後悔！

3680萬像素，風照攝影師首選
雜訊可用iso 6400都還可以（個人認為）
停用左低通光學濾鏡，細緻比D800更高層次

連拍感到不爽，有種慢慢黎既感覺
iso到1600時，放大聞相有明顯雜訊
一闊三大～～～

我第一部FF機係D800，之後因為忍受唔到身邊朋友個個都用C記而轉左5D3
後來一次機遇之下，我用5D3拍下好多風景照及夜照，比較過D相，D800既3680萬像素比起5D3細緻好多，特別係D800配1424／1635呢兩支鏡，如果要同5D3配1635 II／1740L既話，可以話D800 WIN晒，由相中心位到邊緣都已經利好多，可能係D800高像素關系，咩都SHARP過人！
可幸我用完5D3之後，再選擇D800E先知道影風景最好當然係佢，由於停用左低通濾鏡，所以同以前D800影既相比較下，D800E更加細緻同埋清楚！
我唔係專業攝影師，但我只懂活用器材，而且我好鍾意影風景同埋人像
如果要用D800E影風景真係現今最好既FF單反
好多人都話D800E一定要用金圈鏡先發揮到3680萬像素既威力，兩個字“o徒氣“
我用支35 F2影出黎都SHARP到嘩嘩聲

再講，係追焦方面好正～51點對焦用3D追焦，試過連打10張小朋友跑來跑去都係一張走左焦，所以小朋友一般家庭相都幾好！
而白平衡方面小弟覺得D800E係比起5D3更好～而且好準


總括：(5D3 & D800E比較)
白平衡準確度 D800E WIN
連拍速度 5D3 WIN
細緻度 D800E WIN
高Noise 打和
追焦 D800E WIN

1. 解像力無懈可擊
2. 高ISO表現卓越
3. 手感良好, 造工扎實

1. 大食, 一張8GB於好快玩完
2. 重, 不利旅行拍攝
3. FX鏡比DX鏡貴得多
4. 快門聲不夠清脆(與D300S比較)

由D300S+17-55上, D800E+24-70, 感覺升了一個檔次, 雖然D300S已經很強, 但我始終嫌ISO表現麻麻, 我常影BB, 不想用閃, 高ISO對我來說很重要。D800E ISO表現一流, ISO3200仲好「打得」。機身手感好, 比D300S更加「聚」手, 雖然影響機動性, 但反而減少手震機會。我12月尾買, 已無之前所講左邊走焦問題。