Sony Xperia XZ

評測報告

實拍照片

Smarxxxx客戶淨買4398抵玩，現有合約叠住簽半年！
Xperia Z1升級，相隔3年，中間隔咗5部機，mon色水及相機都有長足的進步，尤其對焦速度
終於用usb-c插口！

M mode 1秒長曝有Ｄ到喉唔到肺(最小希望有10秒)
3gb ram最為人詬病，雖然原廠tone得不俗，但ram無人嫌多，如果出4gb ram,加上天時地利人和，趁隔離領野可以搶到多少客，sony高層要諗諗佢！

指紋解鎖間中要再圖形解鎖才可以，唔知係bug定我set錯

反應快
五軸防震拍片, 但不適用於影相
影相色水好, 但質素夠光先OK
但拍一般生活照OK
STAMINA好掂

影影下相Hang咗相機, 唔知點解, 可能Firmware未夾機.
外於喇叭唔掂, 睇youtube在少少嘈o既地方完全聽唔到佢把聲但Feel到震,
但聽電話就夠大聲.

除咗STAMINA外, 每個分唇都係半桶水, 雖然有五軸防震拍片, 但只可以1080p 30fps. 部電話無咗昔日索尼K800或W800光煇.
除咗STAMINA同五軸防震拍片, 可能細粒米821國產機仲好.
上述只係個人感受, 大家最好都係親身去嘈o既舖頭試下 ....

對焦更快，影像比xp及z5銳利，個人較喜愛5.2吋屏幕，以前用過5.5及更大屏幕，始終5.2吋手感較好，外型非常討好，白平衡可能有咗RGB Sensor比以前所Sony機種明顯進步及Sony獨家嘅可直接鍵盤上手寫，不須轉換輸入法（其它手機都要轉換）

油畫及雜訊問題睇你點映，可用m mode處理 尤其夜拍
無咗獨家手繩位
機身喇叭音量唔及三叔，生果i7

其實部部手機都有優劣，只係我較喜愛Sony音質，及直接鍵盤手寫功能，所以始終又用番Sony
睇番之前兩位人兄所謂的Xz心得，做打手都醒d,部機只係出咗3日，何來用了1個月？荒謬

因為鍾意sony
五軸防震
終於講電話聽電話夠大聲喇（呢個跟本唔算係優點）

5.2吋細左D
觸控反應經常lag，慢一拍咁
部機功能細節比較三叔旗艦差一D
作為相機大廠，影相能力一般
機身唔似金屬，有點膠感
唔用機套好線手
雙喇叭比較細聲
配件幾乎係無，慳返D錢
保護貼貼唔哂個畫面
真機同廣告相有出入
影相真係真係好差
雙喇叭開到50%左右機身中間位置有明顯震動，剛好係手揸住個位，感覺非常唔好

曾經用過z3超過一年，覺得真係唔錯，後嚟轉左note 5 note5整體好滿意，唯獨聽歌有D怪聲可能係我部電話個別問題，所以一路等xz，一出果日就買，用左兩日，之前用開呢個牌子，聽歌都係用同廠zx2 所以都快上手，部xz聽歌方面推力應該比note 5差D，聲音取向同zx2有D似，冇以前咁重味精，個人覺得屬於三線平均，我用fxa7 聽低音小左，冇note 5咁勁，但係細節多左，推力就一般，要用到差唔多九成音量（個人）以電話嚟講我算滿意。一般上網睇片打機都冇咩特別 一貫android旗艦水準，電量掹車邊朝早7am-7pm倒就應該收得工，電量比note 5差左三成左右。至於影相都係手提電話既水準，唔夠光D位起渣，其實影相應該係sony既強行，一吋dc王rx100 都咁勁（以細機嚟講）點解手機方面咁唔爭氣，至於拍片同防震方面應該算係最好啦，起碼唔係一無是處。機身發熱又唔係好厲害，有D熱，屬於可以接受水平。買左機日，係街度幾乎見唔到有人用，真係幾另人擔心，好似落雞亞咁，最後被迫退出市場。整體嚟講係滿意，價錢唔算貴，用落有79分，對於用開android又唔想用生果既朋友，碌七又會爆炸既情況底下，咁旗艦可以揀又要有水準，我個人覺得可以一試。（修改）再試真D個相機我要用慘不忍睹嚟形容，光線唔夠既時候起哂渣，大部份人形容為油畫化而且好利害，雖然個人嚟講我從來甚小用電話影相，但係大部份人都對電話影相呢個功能睇得好重，所以鍾意用手機影相既朋友就唔駛考慮呢部機。希望準備入手既朋友慎重考慮
12-10-2016更新
唔知係網絡問題定部機問題，開左volte講電話經常斷線，熄左就冇呢個問題

外型：
— 環形機身同ALKALEIDO用料設計前衛，用色好靚好型
— 改用返金屬邊框

影相：
— 對焦非常快
— 終於有手動模式，快門、ISO、對焦都有得較

硬件/效能：
— 有USB Type C
— 操作非常流暢
— 喇叭音質有唔錯嘅提升
— 機身發熱少
— 電池雖然只係比XP多咗200mAh，但好襟用

外型：
— 角位變成直角，有啲頂手
— 真機感覺同宣傳圖片差好遠，雖然依然好靚
— 通知燈擺位有啲奇怪
— 冇吊飾孔

影相：
— 依然嚴重油畫化，電子加銳非常明顯，唔好期望會有靚畫質
— 個五軸防震依然係電子式，所以畫面四邊會食咗一部份
— 防震只限拍片，影相係依然冇防震嘅
— M mode冇得較色溫K數
— M mode快門同ISO只能二揀一，較快門就冇得較ISO，較ISO就冇得較快門
— M mode快門最慢只有1秒

效能/功能：
— 得3GB RAM
— ClearAudio+、DSEE HX等音效功能淨係內置嘅音樂同影片app先用到，Youtube睇片同其他app都係用唔到，有等如冇

成部機冇乜優點冇乜缺點，因為部機實在太普通，規格功能各方面同XP 95%一樣。唔明日本人做生意咩思維，夏天同冬天都要出新嘢，一年兩部新機，但CPU同OS都係一年出一次，結果兩部機整到差唔多咁。今年嚟講Sony明顯夾硬將XP個spec㩒低，例如縮細咗電池、閹咗4K拍攝等，到XZ再加返呢啲嘢落去，就當升咗級，都唔知咁樣出機為乜。

五軸防震無可否認係好強，但依然唔做OIS令人費解，最奇怪係竟然只限拍片，影相係冇防震，我諗應該絕大部份人都係影相多過拍片，但Sony偏偏整到咁，唔知做乜。

以前Sony啲機係真係創新嘅，3GB RAM、防水、高像素鏡頭、Hi-Res等等功能都係Sony率先使用，但到近年Sony幾乎冇進步過，當其他機紛紛整一啲感覺好勁嘅功能，Sony反而自閹，變成一部冇賣點仲要比人差少少嘅機。今次開賣賣價仲比XP貴咗400蚊，預訂贈品又唔吸引，真係好趕客。

講真其實呢部機係部好機，用落感覺係唔差嘅，更加係今年唯一一部旗艦有前置雙喇叭，另外獨有嘅實體快門制都係一個好好嘅地方，衰就衰在功能上真係非常一般。如果係外貌黨或者Sony fans，其實呢部機都買得過，但如果想追求功能嘅話，呢部可以bye bye。