快
電池足夠一天
反應快
顯示： 7 - 12 (最新發表)
優點:
1.最緊要講重點：相機，可以挑戰而絕不會輸蝕俾現時旗艦級Sony XZ2、HTC U12+及LG G7+，影出嚟相片嘅效果質素真實性好高而冇油畫化。2.粒Snapdragon 636同等於Snapdragon 660，慳電過660，效能其實一模一樣，完全温度非常冷靜。3.打現時全部嘅食雞遊戲絕對冇問題。4.輸出喇叭或插耳機音效比較Zenfone 4進步，呢次靚咗好多。
缺點:
只有一個問題：就係俾三仟多蚊嘅手機價錢，嗰個跟機充電器係10W，唔跟18W快速充電器，真係非常極之“孤寒”。用家要去專門店度另買，俾錢買無所謂，仲要多多要求，好麻煩！快速充電現時非常流行，Asus貴公司又俾Zenfone 5擁有快速充電呢個功能，又唔俾快速充電器，檢討下啦！就係呢個問題就被扣分
評價:
Asus Zenfone 5三仟頭呢個價錢絕對值得，對得住嗰D高要求又預算唔高嘅用家。多謝各位師兄師姐用寶貴時間去睇小弟呢個使用感，希望能給你哋嘅意見
優點:
1/6.2吋大屏幕，睇片爽，全面屏感覺震憾，須然唔係2K屏但顯示十分清晰相細膩
2/造功比上代進步，玻璃同金屬之間已經再冇膠條
3/立體聲雙喇叭比上代更大聲低音更重
4/呢粒636我估根本就係660嚟！高通見比較少機用存貨太多，所以將佢降頻再換粒509gpu就當係新soc，超頻跑分仲高過660，又慳電啲，幾個apps都顯示係660
5/相機睇落好似同上代一模一樣，但影完睇真啲真係進步咗，雜訊少咗啲啲，銳利咗啲啲，油畫化輕鬆咗，人像模式進步咗好多，上代跟本唔用得，依家做得幾好！
2/造功比上代進步，玻璃同金屬之間已經再冇膠條
3/立體聲雙喇叭比上代更大聲低音更重
4/呢粒636我估根本就係660嚟！高通見比較少機用存貨太多，所以將佢降頻再換粒509gpu就當係新soc，超頻跑分仲高過660，又慳電啲，幾個apps都顯示係660
5/相機睇落好似同上代一模一樣，但影完睇真啲真係進步咗，雜訊少咗啲啲，銳利咗啲啲，油畫化輕鬆咗，人像模式進步咗好多，上代跟本唔用得，依家做得幾好！
缺點:
冇防塵防水，冇真三咭，電量唔做返大啲？
仲有影相如果㨂18：9嘅話，會變咗一邊係直角另一邊係園角，華碩應該出更新將18：9相片兩邊都變成園角咁就靚好多喇！
仲有影相如果㨂18：9嘅話，會變咗一邊係直角另一邊係園角，華碩應該出更新將18：9相片兩邊都變成園角咁就靚好多喇！
評價:
本來用緊zenfone4冇諗過換返5代，因為覺得除咗款式唔同之外，入面嘅嘢都係差唔多一樣，但係喺呢個價錢我真係搵唔到有邊部機好過佢？一係冇nfc！一係相機冇防震！一係影相唔掂！好似本來我見G6賣$2898，始終都係旗艦機吖，又有ip68防塵防水，個屏幕又係2K又靚，但一試佢個相機真係油畫到離晒譜，zenfone5個相機真係贏G6幾條街呀！睇來睇去都冇一部有佢咁平均，咁最後都係又買返zenfone5囉！不過真係冇買錯！佢每樣嘢都進步咗，真係可以當佢旗艦機嚟用，甚至好過一啲所謂旗艦機添啦！如果佢電量加到3800—4000咁就真係冇得輸，性價比高到冇人有！不過依家都唔差吖！(今日2018/5/18DxOMark評分拍攝為93攝影為86總分90，和一衆旗艦機看齊，係最好嘅中階手機，證明我唔係買咗佢就亂吹一通㗎！)(2018/5/20更新：再用落去發覺呢部機嘅636soc真係同660soc冇分別！連用電量開屏使用時間都差唔多一樣！除咗冇打機，冇影相拍片，只係一般普通用途嘅時候用電就會少咗好多喇！咁不如用返660好過啦！但660又好似冇Ai喎？其實我覺得最好嘅中階soc其實係高通嚟緊嘅670或710，佢哋用兩75大核+六55細核，呢個組合要快可快，要省電亦可，跑分高過660，但省電過660不少，肯定可以做2018-2019年嘅神U！剛剛又走電器舖同S9+做過外放聲音測試，兩部機嘅聲響差唔多大(好似zenfone 5大一點點？)音質方面我覺得各有各好。講咗咁多其實如果zenfone 5肯用4000大電嘅話，可以有多三分之一嘅銷量！真㗎！希望華碩有睇到啦！咁下一代或者有希望？(我對呢部機唯一唔滿意係用電量，我喺網上睇到評測話紅米note5好省電咁就買咗部玩下啦！點知一試之後發覺可以用到成11小時開屏時間，流暢度只有更好，因為6gb ram，依家先知原來華碩個rom真係寫得比較差，電原管理唔好所以大家都係636點解紅米可以用成11小時，而華碩得6小時，你可以話紅米電量多啲，但你計返個mah就知道小米個rom真係寫得好過佢，用電量真係少好多！所以我上嚟改返個用後感囉！
最後更新：2018-06-07 15:15:56
