評價:
基本上, 用呢個價錢買呢部手機, 我一定喜歡sony呢個品牌, 同佢型仔外型,
我個人又鍾意聽歌, 對音質有要求, 而呢部機主力宣傳對音效技術有加持, 加埋3.5mm插頭既關係, 佢一出我就入手喇。
基本上, 我既comment係, 我唔明點解到到呢代既旗艦, 個自拍鏡頭質素仲係咁差, 基本上可以話仲差過我用htc 10個時代。響呢個咁流行個個selfie時代, 個自拍質數係咁呢, 去到呢一代既旗艦, 係完全唔能夠接受。唔係失望咁簡單。 因為我同時買左一部送比我朋友, 對方可以係因為接受唔到個自拍仲差過佢部舊htc, 而寧願用番佢部舊機,比番部機我叫我拿拿林賣走, 仲好話我嘥錢....
所以我奉勸各位如果你係成日鍾意自拍既, 你唔好諗呢部了, 你會好失望。
同埋佢出左Photo Pro,同Cinema Pro功能, 去令到影相果陣好多設定, 好似用緊DC咁, 不過呢個又係奉勸好睇你個人, 就算我有sony DC RX100, 呢部手機入面整到好似DC咁, 好專業仔細, 我用手機影相, 最緊要方便, 簡單, 基本上大部份時間都係auto, 佢本身auto detect環境, 影, 就係咁就夠, 所以某程度, 我覺得我仲好喜歡htc果陣個影相設定。最衰佢用手機原生影相app,. 又冇佢個cinema咁靚。(我感覺上係) 就算呢個功能有機專業, 影得有幾令, 我真係冇時間慢慢影張相都要set呢樣set果樣, 亦都冇興趣去研究, 手機就係手機, 最緊要方便, 快, 影得令, 聽歌好聽, 外型型仔, 電時間夠長~ 反應快, 呢部機對於鍾意簡單方便, 唔洗煩既用家, 你要再諗諗, Fans就例外, 因為Fans你點都會撐。
我都其實好中意sony, 不過比我個朋友買左三叔S21 ultra, 佢真係好方便, 後來發現, 三叔佢聽歌音效功能都有加持, 不過人地冇大聲去宣傳呢個功能, 我唔知原來都咁靚聲既。
好坦白, 我真係一直都唔會考慮用三叔嫁, 不過隨住我睇到個進步, 基本功能上就係我要既野~ 只不過如果講個品牌同外型, 我梗係中意sony多D啦~
不過, 你買完響手. 型一日, 一個月, 個殼包住左, 基本上, 係入面既所有野, 係咪你本來最鍾意, 最岩你, 最方便到你自己既呢?
呢部1iii 話比我知, 唔係.........
係好型好型, 不過,,,,日日望住佢型仔, 自拍完睇番次次都吊, ,,,
追得旗艦手機既用家, 一定想黎緊果部一定係比之前用緊果部既野, 係更多, 更好~ 先至去追。如果有d自己常用既項目, 個表現係仲衰過你之前果部, 甚至衰過我之前再之前再之前果部,...... 我準備趁有價放出先, 比番d唔係咁重視selfie既用家用去佢買仲好~
所以, 如果唔係咁重視selfie既用家, 基本上, 講個Brand "外型、音樂、影相、屏幕" 呢部係好機黎既。
不過響我個人心目中就係掙D, 唔係我心目中既全面滿意既, 最新旗艦級手機喇。
等佢改善同加強番呢個功能再入手啦~完。