評價:
初次發言, 登記都係想寫這篇感受
6月尾在胃信訂O左4G版本, 貪用信用卡有折及有原裝機套送, 用O左近一個月都無咩事,之後就開始無端端開始自動reboot, 有時係打緊game,有時係上緊網,甚至係待機時都聽到佢reboot, 之後電量顯示開始唔正常。明明晨早义足電100%, 用o左4G上網(用CSL)不夠半個鐘, 電量突然淨番3X%, 不久又自動reboot,這次仲離奇, 仲話淨番1X%, 之後攞去***旺角維修中心整,幫我換O左舊電池, 但係D APPS同電話簿都未SET完, 同樣問題又嚟過,外加义電都出現問題,有時义電足幾個鐘%郁都唔郁,再開機又話差足, 自動reboot又話得番7x%。
幾日後,第2次去整,等 O左30分鐘比師傅檢查,最後過哥哥仔話無問題, 可能都D APP尤其是防毒APPS撞O左,叫我唔好再裝,之後話下次再有問題叫我攞埋個义電去檢查。
今次都係咩都無裝,只係裝O左一個看電子書同埋看MOVIE的APPS(都係在GOOGLE PLAY內的付費版本)結果問題一樣, 今次再外加自動熄機同有時開唔到機。
星期一第3次去整, 令次仲攞埋個义電, 等 O左30分鐘比師傅檢查,佢地又話無事, 我當然堅持要詳細檢查, 結果擺低2日後,昨晚去攞,又係話硬件無事, 只幫我同置個系統。昨晚我只係裝O左個生果報動新聞APPS,但係一裝完又即刻自動REBOOT,我想今次應該放棄。
原來有諗過賣O左佢,但唔想害人, 所以都係等有合心水的平板出時TRADE IN吧, 最少唔會直接害人。
想買平板好耐,一直等到*** TAB S,先符合我理想要求,點知原來唔掂, 我第一次用***星的智能產品(電話第一部是HTC,現在用緊LG G3),點知好失望,***之後永遠入BLACKLIST。
************************************
樓上的,可能你是****fans所以咁勞氣,不過我可以發誓,這絕對是事實。
當時收機後,第一次以為換電後賨掂, 又夠鐘返屋企食飯, 所以無坐低試。
第二次,個哥哥仔一口咬定係我撞APPS, 尤其是防毒APPS, 不過當時都有駁佢, 個APPS比人裝過幾百萬次, 唔通個個都撞???而且同一APPS我亦有裝係手機上, 但佢話係有可能。我只係一名普通用家,根本唔識咁多, 所以只好信佢。之後趕住去買O野, 坐低試O左5分鐘上網,見無咩事,即走。
第三次在場內試,***的WIFI非常慢,15分鐘連上google play, login gmail account都做唔到, 4G又斷斷O下收唔到(cls真係有d廢), 所以根本沒機會試裝APPS。只好等看看電有無突然少。而且這些毛病係失驚無神地出現,試問要留係維修中心幾耐??一個鐘??半日, 定一日唔走??sorry,我有家有室, 有工要返, 無咁多時間排佢玩。
上面位人兄,你買到部機好用, 係你好彩, 而且好羨慕你有如此愉快用機體驗。不過我都無說過好用的人在講大話。
正如我用緊部電話,一樣有人說佢會成日自動REBOOT, 但我一次都無。
每個人價值觀唔同,"己所不欲, 勿施於人", 係我黑仔, 買到部壞機。所以亦唔會為O左千零二千蚊去賣部壞機去呃人,部機跌價就由佢跌,只好當買個教訓。
不過從此對***有戒心係事竇, 因為我個妹舊年,部note 2用o左半年左右, 突然個畫面全黑, 幸好係保養期內先可以免費整番, 但大家想想半年就......。
總之希望***在QC方面做得嚴謹D
現在我已經計劃把壞的畫面拍片, 拿上***比佢地看。
最後希望發表意見的人, 個個說真話, 真係把心得寫出來比想買機的人參考。因為買到部衰機, 金錢損失係一件事, 資料遺失(打了Final Fantasy IV近一個月DATA全無晒, 又唔敢重打, 怕又無晒) ,時間, 心情影響都係一種困擾。
謝謝!!
*******************************************
9月11日更新
終於在上星期(9月3日),成功拍了2條片給***維修中心看,證明在短短十分鐘內部機已自動reboot 2次, 而電量亦在半小時之內由80%跌至50%,又擺低2日,星期5取機時,他們說原來是接駁電池的電線鬆o左。
So far用o左幾日,都未遇過再自動reboot,電量亦再無突然狂跌,看來毛病已維修好。
但***維修未免太馬虎,小小毛病都要走4次,仲一直強調不是硬件問題,一味賴個客裝D APPS有問題。而且產品易壞是事實,用o左一個月已出現問題(我用時一向好小心,絕對無跌過撞過)。
樓上說OTG有問題,建議攞去整
總結:以後免得過都唔會再用***。