今日下午去平時旺角花園街好景商業中心地下影印，由於幫襯開嘅舖頭今日假期休息。於是就搵另外一間有開舖嘅幫襯，平時嗰一間幫襯開嘅超過100張都係一毫子一面。點知今日黑仔幫到呢一間謀人寺！116頁紙仲要係影雙面，收我五毫子一面，比平時影開嘅嗰間足足貴咗五倍！最主要睇舖頭嘅呢個哥哥仔非常唔老實，我一去到問佢幾多錢一面，佢就先叫我將File WhatsApp俾佢，佢收到File就問我影幾份？我就話影10份，都未講俾我聽價錢佢已經開始幫我影！跟住仲帶有黑社會嘅口氣話，影嗰100、幾十蚊嘢仲要間間去格價！而家已經影咗㗎喇、點你都要要㗎喇！呢一種行為非常之可恥，做買賣唔係心甘情願嘅咩？我都未知道價錢佢就已經幫我影！各位學生哥認住呢間舖頭！