親子大坂京都遊 1/6
早排買落平機票，同幾位長輩+自己一家人去日本6日遊，
真係齋坐有d唔慣但價錢太靚所以無所謂啦，
都係hea hea 地因為太趕唔係我style，
主力係食食食同食！
今次一機3鏡 6d + Sigma 20/50mm f1.4 art + Canon 135L f2
根據我style腳同燈唔拎是常識吧，好多人都問我 Sigma 支 20mm 表現如何，
今次正正就係用佢最多，因為變形小可近攝仲要大光圈，我去嗰幾日天氣十分麻麻，多雲仲要落雨，
而夜晚有f1.4-
又有人問我點解唔用5ds我會答你第一我懶，
除左影相同家人感受所有更重要，
夜機去，零晨到埗包車去大坂市，淘寶700水人仔，抵！
去相～
難得夜機阿女仲超活潑，一上機即瞓yeah~
老婆終於肯著Jordan可惜唔係11
廉航真係乜都無，我差d以為連廁紙都要收錢
一早起身梗係食先啦，街口阿伯既小檔已經好好食
大坂住係今里近鐵站附近，airbnb 搵既，都好平好方便，
但因為個站只有普通車到，變相急或以上既車已經飛站，
即係等車會耐左，
車廂真係靜到爆，敬請入鄉隨俗
好貼心既設計
旺角都有，但人地橋得好鬼靚
有人力車坐，我地太重，唔想攪出人命所以無坐
好勁既街頭illustrator，我會話有廣告級
第一日先去奈良公園餵鹿真係週圍都有鹿，
唔好一次過俾太多，仲有記得唔好摸細鹿，太多人味佢呀爸呀媽會認唔到佢
呢間雪糕好食，仲有個年糕，推介~
食食食~
其實如果你唔係好鐘意入寺廟或拜神，
d鹿見到餅都幾狼下，阿女有d淆底haha
記住帶個膠袋，因為你方圓百里都唔會搵到劉江華
有餅係手好易俾鹿圍......
點解日本學生咁多戴口罩?
東大寺，好有氣勢，好鬼多人
連模型都好靚～
我地三月頭去，無預會有靚花睇，有少少已經yeah
好鬼sweet
老老豆豆，影開又鐘意志蓮黎日本真係唔想走
呢間專食鰻魚既老店江戶川，無論服務裝修同食物都一流，必試！
如果魚再厚身d，我會話佢近乎完美
Sigma 20mm 影近野真係直樹舞子，一流～
記得預時間行一行，
食完鰻魚行商店街shop完ping再返近鐵站 yeah～
估佢唔到，係住既附近有間拉麵店，細細地但又平又好食，
第一日完，待續(2/6 動物園/hep five/梅田藍天大廈)......
