新聞互動
黎到Kununurra都係住YHA, 價錢比Broome嘅Kimberley Klub YHA平 (125AUD per week)
但係呢度簡陋好多, 被派左去三人房
一入門口就遇到一個叫Jacob嘅意大利男仔
Ice-breaking後發現佢由Broome上黎Kununurra用左兩個月
中間嘅工作包括去左個荒島做漁夫
仲做到警局以為佢失左蹤
Jacob同我講聽日佢生日, 問我想唔想同hostel其他朋友去附近既Lake Argyle
今次坐其中一個hostelmate嘅貨車去
Haha大家係貨車入面成個鐘都焗到好唔耐煩 好彩我坐得近窗
仲有第一次飲袋裝白酒, 佢地叫Goon
價錢比較便宜但唔係度度都買到
聽講呢包係有人喺Perth買, 喺貨車上傳黎飲
黎到發現要俾入場卷15AUD
正當大家覺得太貴想轉場
點知負責人話見我地咁多人又係backpackers
俾我地5AUD入去!
我嘅第一次Aussie style bbq
同第一次食袋鼠肉
其實味道同質感都好似食緊吞拿魚
不過我就懶唔想溼身啦
加上Lake Argyl有35000條鱷魚(Double check左的確係咁多個0)
雖然個湖好大但都係唔搏喇...
所以最後咩都釣唔到 :(
但係浮台黨釣左好多條
夜晚仲拎左黎煎添!
回程時發現Jacob俾catfish吉親
本來諗住最多裨裨地, 第日無咩野
點知Lake Argyl負責人話佢三年前俾catfish吉到到而家手指都仲裨緊
然後佢就去左睇急症
籌錢買BBQ食物時大家都好猶豫同緩慢
然後呢個男仔忍唔住跳左上臺問大家係咪要等佢表演定除褲先肯出錢, 拜托大家快手快腳拎錢出黎
場面搞笑得黎亦欣賞佢嘅義氣
夜晚同大家閒聊
中途去左廁所, 留低左相機係臺面, 第二朝一打開相機
Hahahaaa 發現老外嘅招牌小吐舌同大伸俐
就好似亞洲人嘅招牌V字手勢咁
關於上回提及既北澳山火 (Top end fire), 喺Tourist Information Centre見到有網站提供詳情
發現原來呢d經常發生嘅山火,係由國家公園嘅保育員工定時縱火
此舉係有助北澳野生動植物維持番生態平衡, 避免某種動植物過度繁殖/絕種
你可能問: 咁唔會好多動物被燒死架咩?
原來係山火區居住嘅動物同種子,好多都有火焰下生存嘅抵抗力!!
什至山火過後先發芽, 神奇的大自然!
Facebook page:
https://www.facebook.com/sailortravel
Instagram:
www.instagram.com/sailortravel