優點:
1. 輕身和体積細, 便于携帶, 結合了高清影片, 真是一流。
2. 鏡頭銳利, 色彩飽滿, 層次感豐富, 表現在陰天或世界光時侯特別好(一貫Leica本色), 特別是正常曝光調低三份一級時侯;
3. HD movie 畫質好, 與Cam Corder 沒有甚麽分別, 非常順暢, 追焦沒有問題;
4. 防震表現非常好, 在600mm 時, 完全感覺唔到手震; 影雀仔就最好用
5.25mm 廣角影風景及建築物非常合用
6. 連環快拍功能好好, 同單反有得比, (貼士: 按完抉門馬上再半下便可回復拍攝狀態, 若等儲存完成要等一會才可恢復拍攝狀態)
缺點:
1. 都是雜訊問題, 超過400度巳好明顯, 不過prosumer 機沒有辦法, 感光元件細, 不能與單反比較。不過室內一般測光都是過光, 調低三份一或三份二級, 可改善訊噪, 亦會啱Feel 些。或者買埋部D-Lux 5, 用佢影便解決晒!
2. 用開V-Lux 1手動變焦會感覺電動變焦慢, 故要適應。
3. 鏡頭伸長時容易(痴)塵入機身, 故要勸掃塵。
評價:
用了差不多半年, 覺得物有所值, 一鏡走天涯, 不用長炮短炮, 輕裝上陣, 一家大細旅行及家庭照最好, 簡直是大解放。由 V-Lux 1轉到這部機都要些少時間去適應操控, 特別是影人像, 用24mm會變形, 故需要調到35mm影效果才會好。
要評這部機, 千祈唔可以同單反比, 要知道現時單反的天涯鏡最多是18mm-200mm. 乘1.6都是24mm-320mm, 点影雀仔, 買一支有防震600mm長炮要多少錢?重量是多少?帶住咁多嘢点旅行。所以這部機性價比是超值。
同Panasonic FZ100点比? 兩部我都影過, 一般用家可能唔會覺得有分別, 如對Leica有認識的用家便會知分別在那裹, 色水是唔同的, 據代理說Firmware 是不一樣的, 影出來是有那種Leica味, 所以分別唔出唔好話人地貪慕名牌, Leica 的金漆招牌不是浪得虛名, 貴些少是有道理的, 識便覺得值, 唔識便覺唔值。