Canon PowerShot N

實拍照片

細,靚,輕,型
影相質數好過電話好多
可即時Wi-Fi send相比自己或share 去facebook
簡單,易操作
Touch mon易用，好似用電話影相咁，放大縮細撥下一張都同電話一樣

冇得反MON自拍(不過就算有我都唔會咁做)
只有3.0光圈
因為太細,所以驚甩手
唔包保護帖,唔包相機袋
用左4日,發覺舊電唔係好襟用,因為用wi-fi用好扯電,所以要買多粒副電(用左4日後加既感想)

本人第一次寫評語係因為見到咁好既相機竟然冇人寫,所以忍唔住寫幾句!!
本人係5D Mark ii 用家, 影開相都係用大機再起碼帶3支鏡頭,
而平時日常生活都係用SAMSUNG NOTE II 影相,
雖然係方便,但質數真係完全唔掂,
自從G10打柴之後我一直都想買多一部細機for我日常生活影相,
加上我BB下個月出世,我真係唔可以接受用電話影佢,
所以我睇左S110 同埋G15二選一,
但我睇來睇去都冇買既意慾,
可能我因為用大機太多,所以一拎起佢地我一定係用M MODE,
到時玩下玩下又會覺得不如都係玩大機,始終質數爭得遠,而佢又比到一種唔湯唔水感覺比我!!
直到前日我係毒氣工場比我發現到呢部POWERSHOT N
操作簡單,又有幾個MODE可以玩,影出黎既質數又正,
又可以即時Wi-Fi share 張相出去,
最緊要佢係夠細,佢細過一張卡片,細過一個mouse,
如果男人帶出街等如帶多一包煙咋!!
如果女人帶出街等如帶多兩條M巾!!
如果普通人帶出街等如帶多包細Tempo 紙巾 (佢個size最接近一包細Tempo)
咁既質數,咁既價錢,咁既玩法真係夫復何求??

買左一日,玩左半日,越玩越過癮,越玩越開心,
平時用黎影生活相,正呀~~

以佢個SIZE 而做到咁多野加上呢個質數,超值