Casio EXILIM EX-ZR800

高速, 做甚麼也很快, 無論對焦, 影相皆很快。影完一張即時可影下一張, 不用等。

電池續航力高強, 去旅行的話影數百張一日是沒問題。

軟件功能豐富, 非常多樣化, 這個在CASIO相機都很出名的了。強勁的相片自動優化功能, 會針對各項場景優化, 本來很普通的相, 比佢變為很美的相。(但要小心過分靚到有點假) 但技術一般只懂按快門鍵的用家很適合的, 亂按都影到好。

相片唔知點解很勁的銳利, 解像力極高, 唔知係鏡頭好, 定係軟件優化。

3" 92萬像素屏幕, 感覺幾好, 在這價位少有, 但沒有觸控(但我並不喜歡觸控)。

標準的MICRO USB (B)頭, 用來充電或過相。出行唔使拿多個充電座又唔使拿多條專用綫, 亦沒需要帶多粒電出街。

價錢係重點, 平到呢...

佢機身設計預期係好, 但造工同QC那個求其...我買時1部機頂有大量黑點, 係噴漆造工不良。第二部返到屋企先知, 係開啟閃燈後, 見到個蓋係嚴重脫色, 應該係噴漆馬虎問題。所以買機記得CHECK清楚外觀。

機身有大鏡頭同大電池, 機身頗重, 期待佢能夠推出像SONY WX300那樣輕細。

鏡頭噪音頗大, 感覺似劣質, 但不知實際係唔係。

品牌係拖累的主因, 唔係品牌, 應該會很好賣, 唔使淪落到監平監X咁賣。像CANON SX系, 我看不到佢有咩特別長處, 只係四平八穩, 但佢就可以賣得OK。

代理我當年領教過討厭至極, 捷成洋行差劣到唔識得講。

CASIO相機並沒有一般人所想的不好, 而且我還覺得佢幾好。可能係佢沒有出大機, 甚麼巨型全片幅單反的旗艦省招牌。宣傳亦不覺得多, 有時僅可在地鐵站見到。

但佢解決了很多消費者的問題。如不懂執相, 就優化到靚直出。最討厭的快無電, 就整粒大電。想要反應快, 佢又比到。出行要方便, 就整個USB頭搞掂。一間廠咁friendly的做法, 很少有。其他廠就唔係無呢樣就缺少那樣, 總係有D野。影相就係影相, 弄什麼GPS, NFC....對影相無幫助, 我其他機都有這些功能, 但一次未用過。最多整個WIFI過相去手機SEND比人就完美。

佢軟件真係好比心機做, 佢的介面很friendly, 設定容易, 大部分功能可以即時知道效果。多樣化自動優化功能。仲可以來個RAW玩手痕時執相用。