Samsung WB2200F

60倍變焦相信除 N 記外佢倍數最大，價錢平，不到 2千元，有齊 wifi 連接搖控及過相，極之方便。鏡頭冇 Sony hx300 咁化學，須則全機膠做，只要唔跌落地相信問題不大。
以我所見，光學質數俾其他大廠不會落後，操作也不覺有何困難，機身大，好多人唔喜歡，卻有利於把持，本人接受。
20mm. 至 800mm. 完全可拍到驚喜照片，影人像極之討好，膚色自然，髮絲清晰可見，令人喜愛。

光圈最小得 F8，影風景未有問題，可是想將陽光的光班入鏡，光圈就不夠用，有點浪費了 20mm. 的功能。總體而言，任何相機都有多少問題，但只看價錢，你得到的回報已可抹去所有缺點，何況除了膠機身及稍大外，其缺點實在不多。

本人對攝影抱著隨手黏來心態，並沒有那些大師的功力，亦沒有後生仔的體力沖勁，但所寫之器材均使用超過一年，經多次使用有了認識才介紹，每次見到某些人只接觸一兩次，甚至只在相機店內影一兩張就寫心得，實在不敢苟同！
每部機須然操作都大同小異，但要熟習其性能就必需使用多次及多方測試方能作準，就以這相機為例，本人由去年購買後經常用來拍攝多種題材照片，由初頭拾張都冇一張入眼，以至去韓國及日本旅行，越用越喜歡，最後連 Sony 都平價賣走，無謂浪費。 Samsung 的相機很多人唔喜歡，但用過你又唔想放棄，又愛又恨，C 記菲林年代，所有型號本人幾乎玩過，但到數碼年代，令本人最喜愛的就是柯達及三星，平價質高，柯達已名存實亡，三星又叫好不叫座，半生不死，可惜！

平, 方便, 好揸手, 20mm幾wide, 過相幾方便. 粒電幾耐用, 好似係nx30果粒.

開機慢, 對焦慢, save相慢.

用普通class 10 card 可以啦, 用靚card save速度冇物分別. 55mm filter, 最細光圏F8.0, 一般DC, 但質素幾好. : )

60X 光學zoom，重有超廣角
有wifi同nfc,過相方便
配合三星原生手機app,可以用remote viewfinder玩手機自拍
外型似足單反連直倒
連8拍，爽
功能鍵不多，但內裏清單選項都夠用
千六萬像加全高清拍片夠晒用
立體聲收音，能遠zoom拍片
比想像中輕巧，708g
可用手機usb插頭充電，煩少樣
旅行一機搞掂

連直倒，視覺上有點bulky
整體偏向膠感
鏡頭係prosumer機設計，有點像DC feel
用開單反朋友未必接受到
ISO去到1600開始暈暈地
夜攝，尤其燈光微弱再加遠zoom你一定會投降

今日買，喪試左一整個下午
平, 全新水貨二千鬆，抵到喊
買機原因係因為佢有長zoom 60 倍
一直有留意長zoom機，之前玩過nikon p510, 果時買三千八行貨已覺得好正，買完之後又心思思成日去門市試第啲機，過去兩三年都無再入，係因為想等啲師兄玩厭左平放，然後執二攤，可惜，呢兩三年好少見有好野放，真既，真好少人放，但凡30x以上，真係超少，有都郁啲過千元。
而家二手場見到所謂18倍zoom 機，七八年前貨都叫價六七百，抵唔抵見仁見智。
呢部水貨索價二千，真係好平，平到無朋友 ，買黎打雀影月球影人影景影動物，都叫做到，只要唔好咁強求，呢部夠找數有餘。
下個月去台灣四天，一定會帶佢出trip