評價:
-很強的機動性
其實機動性能已經比中當單反80D過之而無不及, 例如有星星模式, 可以拍攝星軌.
- 機身輕巧
跟單反/APSC無反比較, 輕巧完勝, 同級但細過佢既只有Ricoh GRI/II (但定焦喎), 一吋Sensor機雖然全部細過佢, 但唔同級數, 唔需要比較.
- 質素相等於單反.
APSC sensor目的就是要取代單反. 而G1Xm3用了2400萬像素Duel Pixel APSC. 根本同80D相同. 所以話佢就係迷你版80D, 都唔不為過.
覺得今次Canon將80D硬件完全下放至G1Xm3, 可見其誠意之作.
- 雙像素 CMOS.
可能有人到而家都唔知佢係乜, 簡單講就係同一粒Pixel可以吸光同埋對焦, 其他牌子出得好勁, 話自己部無反機係3XX點對焦點, 其實如果無反唔係用雙像素去做Sensor既話, 越多對焦點, 其實會影响像素, 因為抽起部份吸光的Pixel換成對焦點去對焦, 這就會損失部份像素來吸光, 不過似住有幾千萬像素唔太覺得咁解啫. 所以其實其他牌子話部無反有3XX點對焦點, G1Xm3就有24,000,000點對焦點.
對焦速度, 以拍照片來計, 感覺唔到有分別, 例如快得果0.0幾秒, 有感覺嗎? 但講到拍片, 雙像素效果好顯注, 100%邊拍邊對焦, 只要影開果件野仲係個畫面度, 一定完全天候對到焦.
以上是我個人理解, 有錯請指教.
- APSC潛水機
遲下會出防水外殼, 多加兩千幾, 成為1部APSC潛水機, 如果唔係, 買部單反加防水殼, 單係個殼已經超過$10000.
APSC吸光能力, ISO表現在水底, 絕對比其他DC仔/1吋Sensor機強.
-操控性
我買返來第一件事是試下M mode方唔方便用, 後來我自定一個C1 mode, 就是把鏡頭圈果個轉輪set做MF對焦, 其餘兩個轉輪照舊為光圈及快門, 我另外set一個key用來調ISO, 使用ISO都手動埋. 講真, 影係全手動上來好方便.
- 有扭Mon
其實我好唔中意反mon, 如果部機冇EVF, 反得唔錯, 可以拍到自拍. 但有D機為了瘦身(還是節省成本?) 有D反mon只能反上不能反下 (想點啫?!). 如果D機有EVF什至不能反Mon向上自拍(例如Sony 6000系列).
但扭mon就唔同, 有EVF照可以反到去自拍, 我以90度扭, 打直部機影相都可高低抄. 好方便.
x 電量用得快
用的是13L電池, 是細機G7X用的. 明白因為瘦身用的, 如果G1Xm3改為用粒單反/無反電池落去, 攪笑咩?
x 擴充性很低
擴充性其實只限於加外閃. thats all. 我上面講過"影相效果理論上質素同單反相同", 意思是如果G1Xm3同80D加kit鏡效果理論上會相同, 但單反擴充性大好多, 可以換支紅圈鏡就sharp爆G1Xm3, 換支遠焦又KO左G1Xm3, 鏡埋支定焦光圈都大埋. 又可以加閃燈, 控制閃燈, 引閃, 玩埋後席快門等等... 全部G1Xm3做唔到.
x EVF 佔太多位.
成部機向上凸起, 同向後凸起, 全因為多左EVF, 我自己少用, 唔知係唔係有人會一味係咁用, 但市場要求一定會有先定義為高當機.
x 有點貴.
定價 $7980, 如果當自己買左部80D, 心會好過D.
x 冇4K拍片
$7980, 如果有4K, 好多人會唔洗考慮就買佢. 可以完美KO sony的RX100 I/II/III/IV/V ... 6代...7代...8代..., 但而家冇4K, 窄左少少. 4K都係一個趨勢呀.
使用心德:
本人用開EOS-M, 有支22mm定焦鏡, 口徑為43mm, 我投資左好多濾鏡錢, 如星鏡, 柔焦鏡, CPL, ND鏡等等. 去到G1Xm3可以用得返晒, G1Xm3係37mm口徑, 用幾十蚊加由37轉43既接環, 就可以完全用返43mm既所有濾鏡. 而且, 口徑只差6mm, 唔影響外觀.
結論:
玩左三日, 部機會仍然痴身一段時間. 真係方便, 有部APSC旁身.
咩野人會買呢部機呢?
如果有單反, 可以考慮佢做後備機, 副機, 旁身機.
如果玩開手機影相, 想去旅行影好少少相片, 又唔想買單反咁重, 可以考慮佢.
如果想買GRII, 富士X100F, 等等, 考慮佢吧, 有得變焦.
如果本身有G1X, G1Xm2, Panasonic LX100, 唔洗諗啦, 轉上G1Xm3啦.
建議:
= 可以推出兩個板本, 有EVF及冇EVF版, 如果冇EVF版本可以平多幾百至一千蚊, 買家仲開心.
= 可以遲下推出手柄, 因為電量不夠, 加入類似單反設計既手柄, 同時放幾粒電, 影1000張相都冇問題.