Sony A7R III

評測報告

實拍照片

對焦快
連拍快
加左靜音連拍
雙卡槽

1) 重左
2) 貴貴地

過去利申: E3, E5, EP1, 6D, D750, A7II, XT10, X-E2
現役1D4, A7RII

A7RII用家心得上年已寫過.
依家比較番RII同RIII分別:
1) CMOS一樣, 畫汁ISO同RII分別唔大.
2) 對焦快左, RII本身都好快, 依家再快D.
3) 連拍快, 仲加左靜音連拍, 即用電子快門都可以連拍 (RII無既). 不論電子或機械快門, 連拍都快, 如果要同A9比, 連拍係慢少少, A9連拍好似拍片咁, 依家RIII就會閃下閃下, 但都好順.
4) 加左連動對焦測光, 佢個連動測光仲可以面部優先，影囡囡幾好用 (A9都有)
5) 果凍效果少左好多, RII好嚴重.
6) TOUCH MON, 拍片對焦方便左.

用左個零禮拜, A7Riii係一部好高級既傻瓜機, 亦係一部好專業既相機, 我覺得SONY聽到顧客訴求, 除左價錢,
改善左A7RII既不足, 細心位有之前Rii要省電熄mon要set制, 依家display可以直接熄左佢.
加左好多"無謂"野, 我指"無謂"野係一D專業機先有既野, 睇落好專業, 但好多都用唔到.
如果話佢係A7RIII, 我覺得叫佢做A7RII+會好D.
畫汁分別不大, 但操作對焦連拍上就改善左好多.
同A9比較, A7RIII畫汁操作平衡做得好D, 亦平少少.

現有A7RII用家, 如果唔需要對焦快影D小朋友, 車, 雀既話, 我諗無必要升級, 雖然我升左但都無後悔.

有人會拎D850，5D4比較，我三部機都玩過，我覺得去到呢個level既機畫汁分別已經唔係好大，反而鏡頭影響大D, 呢方面Sony鏡除左GM外, 其他鏡既質數始於差少少.
PS: 要比較, 麻煩自己親身試晒D機先, 唔好齋睇數字同聽人地講就當真。

對焦超快超好用
EYE AF 真係好屈機, 只要係人眼就對到, 無論係相片定真人, 無論隻眼望邊度都咬得好實, 真係黑科技, 呢點遠超C/N

全畫面都可以對焦, C/N 傳統單反比左咁多年佢進步都只集中係畫面中間, 另我更加覺得轉會係明智

拍片有4K, 拍full HD 有120 超慢鏡, 係我買佢主要原因, 其實之前用a6500, 不過a7rIII 個mon 光好多大好多, 又係full frame 唔洗買鏡要諗乘幾多

雙SD卡, joystick, touch mon, 反mon 機身防震呢d唔洗多講,

個touch mon 對於落左電子 steadi cam 之後要追foc 真係正爆

夠細部, 成日拎出街都好方便, 手感好實淨, 一拎就知係高階機, 由於佢真係好細部, 手指尾係拎唔到, 要加直度先真係舒服, 但係又無左買佢係為左細部既原意

畫質像素ISO已經好靚好夠用無投訴

貴, 唔係話佢唔值, 不過人地美國佬都係開2萬4, 香港Sony 開2萬6, 正一冚家產

個反mon 無得打直反, 無得自拍
部機重過以前, 不過有咁多黑科技係入面, 又雙SD卡又大電又5軸防震又touch mon又加粒joystick又全金屬機身, 轉盤又好禁左, 咁多野, 我都情願佢加左落去重左d

個viewfinder 其實唔需要突起咁多, 因為RX1R 同樣係FF 都做到收埋個viewfinder, 咁收係袋仲方便好多, 落steadicam 更理想

唔防水係一大敗筆, 呢個級數既機全部都防水, 唯獨佢唔得, 落雨千其唔好拎出黎用, 外國測試過, 成粒電入晒水仲壞埋機, 同一環境C/N 全部無事

Menu 真係要改善下, 我知因為太多功能setting 太細緻關係, 功能表分類果part 可以做得清楚d

玩左相機20年, 最滿意係呢部機, 對上玩過大部份Canon 高階單鏡, 由1D用Canon到而家, 之前仲係cps, 直到最後一部係5D3, 終於頂佢唔順要離開Canon, Sony 真係勁好很多, 呢一代終於改善埋個對焦系統, 速度比美傳統單鏡, eye focus 做得非常之好, 追焦亦都好快, 拍片滿足埋慢鏡120fps, Canon 真係可以完全放棄了, 正式劃上句號

連拍、對焦點、新電池、雙咭快咭果D唔講咁多啦, 想講下其他:

- 暗位對焦效能大幅改善, 有幾枝鏡之前用在二代上遇暗便即拉風(55Z, 35Z, Batis 25), 在新機上明顯提升了幾個檔次, 就算未至極快和狠, 但絕對準確和穩定。對我來說這方面的提升比連拍速度更重要, 沒有良好的對焦系統再高速的連拍也是徒然的

- Eye-AF和Face detecion功能大幅增強。以前若希望用大光圈鏡(如1.4)去拍攝活動中的小朋友, 並且想捕捉到他們望鏡頭的一刻, 是件十分不容易的事, 除了技術外更要有一定的運氣。現在A7RIII的強橫Eye-AF能大大增加成功率。另外, Wide area focus + Face priority十分好用, 叫途人或朋友幫忙拍照時失焦機率能大大降低, 更可放心使用大光圈, 基本上就是一個頂級的傻瓜機mode。這方面絕對是無反比單反優勝的地方, A7前兩代未算做得好好, 這次終於能將這功能發揮到極致

- Pixel Shift: 放大100%檢視時, 解像度和銳利度確有明顯提升, 鍾意聞相的話會很喜歡這功能, 但實用性和使用機會不大, 屬錦上添花功能

- 連拍後畫面上方會顯視存取進度, 就算未寫完都可繼續拍照或其他操作, 實用性大增, 二代只能等又唔知等幾耐

- 能以Group view顯視或delete連拍的照片

- 機身按鈕大幅度改善: 加入Joystick(可隨時改變焦點)、改變錄影鍵位置、更多custom key和Memory register、獨立的AEL和AF-On鍵、加強了按鈕的質感和結實度

- 機能加強下, 仍能維持機身重量和體積在合理水平。有人覺得一代比一代重, 翻查規格, 的確比上一代重了, 但分別只是30g左右(連電池), 絕對在可接受範圍。同級對手D850比上一代增磅更見明顯

- Menu大幅改進: 組織更清晰，選項亦多了很多，例如更多測光模式、更多包圍拍攝模式、轉換crop mode終於可set custom key等

- 開機速度略比上代快

- 二代就算唔用部機, 粒電隔一兩個星期就會冇晒, 三代解決了這個問題

- 4k movie未有60fps

- Touch pad: 檢視照片時不能以雙指放大/縮小, 也不能"掃"去下一張或前一張相, 也不能在選單中使用。加上Eye-AF和Joystick已能做到大部份功能, 令touch pad實用性減弱。唯一想到的是拍片或用手動鏡對焦時會較方便

- 繼續用個舊反mon, 角度變化受限

- 取消了PlayMemories內置程式

- 白平衡仍然麻麻

若只以兩個字去總結, 就是"信心"。出了三代, 到了這一代終於沒有明顯的短板。前兩代給人的感覺始終像部玩的機多於一部實戰或工作的機, 這一代在各方面都能給予用家極大信心, 不怕應付任何場合和題材。

價錢的確不便宜, 但以前廠商通常會把高像素和高速機分開兩條線, 現在A7RIII和D850的出現打破了這個局面, 所以我覺得貴得有道理。

之前用開A7RII, 升級是因為試用過III後覺得完全是兩個不同層次的產品。或許CMOS的改進不大, 但我的感覺就像拿一部Canon的6D跟5DIV比較, 或拿Nikon的D600跟D810比較, 畫質分別未必好明顯, 但機能差別就非常巨大。除了主要的對焦和連拍效能外, A7RIII在各個細節位上的優化也是不容忽視的, 每個小改進獨立看似乎只是nice to have, 冇左唔會死, 但十樣八樣加起來足以影響拍攝效率和專業性。今次A7RIII在機能上的大躍進令人喜出望外, 即使畫質提升不大仍十分值得升級。

部機出咁耐,優點缺點我諗大把地方有得睇
用左依部機工作快一年

我又分享一下

三代機,我覺得對比二代計
進步係幾明顯(但明顯係S牌係二代都擠緊牙膏啦)
雙卡
手感
操控升級係最明顯

但A7系如果係一個唔熟相機既人去setting部機既野
第一會比佢ON8+1既中文翻譯攪到你要睇說明書
第二係佢對比C牌同F牌黎計,直出完全無優勢(你可以話佢忠實,但相機求美學...你認為D女或者D客戶會覺得影出黎又黃又多紋佢地會讚你?NO!唔係美圖都唔會咁多女用啦)
正如我比客揀相...C同S一齊用....C牌係必贏,就算後製過後S牌係Win都好...客多數都係即場睇mon揀相(至命傷之一...S牌monitor超廢..由其A73)

第三..其實佢係一部好好功能既相機,要我比喻...A7R3係一個乜都有既廚房...但要你自己揀咩係你選擇...點樣夾先好...自由度大,但就係大到好似一般人走入個5星級酒店廚房咁搵把刀都有排搵一樣
而C同F就係揀岩一般大眾口味既野放晒係台咁,所以...都會有人唔鍾意佢地D色彩

總括而言
如果你為sharpness影風景而買A7R.我會建議你買A7R2.因為平同畫質對比R3無乜分別
如果你錢多.咪R3...
但差價成7~8K...其實平平地都夠你入三支二手既28F2/50.8/85.8

近年機海戰...機身跌到傻
由其R2同R3只係差操作(其實R2識set制...操作都可以好快)
有錢留黎買鏡仲保值啦

唔係工作用安全為雙卡都唔會升級

首先自己原本係玩N記單反,自己本身都玩左幾年先上N記既D750,配枝24 70
但真係太大部,所以令我入左呢部A7RIII
1. ISO6400都仲好好,去旅行唔用閃燈都得
2. 其實我覺得操控方面都幾好,唔差過單反
3. 連拍好勁
4. 像素高,放到好大都仲清到爆
5. 對焦真係超快,準到爆.對焦點比單反多
6. EYE AF係超級方便又準又快,禁住個中間制,幾乎都唔會走甩,去旅行勁方便
7. 一粒電既電量,竟然同我玩N記果D一樣咁襟用,影足一日都唔洗換
8. 自訂制好方便.D制都幾好禁,擺位好好,唔難禁
9. 機身好好揸手
10.有TOUCH MON 雖然我好少用,但都係一個方便之處
11. EVF好清 仲可以較高個FPS令到佢好SMOOTH睇落去
12. MENU好多野可以揀,自訂野

其實我自己覺得佢都冇得輸,缺點都係雞蛋裹挑骨頭
1.冇得反MON自拍
2. 4K片冇60FPS
3. MON睇相冇得好似電話咁用手放大放細, 一定要禁制

相信好多師兄係呢個時間都會係A7RII 咁平既價錢
同A7RIII 去比較買邊部好,我自己覺得如果係長玩,就唔好買A7RII
因為A7RIII根本就係一部A7RII既完全改良版,你睇落去好似冇咩大賣點,但用落你會知道個分別係邊,操作,同埋一D細微細眼既野,係好實用
EYE AF以經係一個好大既賣點
A7RIII 我覺得以經勝過9成單反
買完A7RIII冇後悔,因為好過你買完A7RII之後後悔又想買返A7RIII
咁樣一來一回,D錢仲勁用得
A7RIII有買貴,冇買錯..!!!

1)用100電，1舊電玩足一曰
2)對焦接近A9,已經快過好多其他牌子單反
3)白平衡好左好多(雖然我習慣自己set色溫)
4)手感好左，Ｄ制位好順手
5)觀景器靚左
6)介面詳細(要慢慢set啱心水)
7)多左支棍好方便
8)……未諗到！

越嚟越重，越嚟越大！

因為部A7m2追焦太慢，小朋友開始學行所以要換機，原本準備換A9但試完幾次機之後，覺得除左對焦同連拍快外，畫質只係比M2好左DD。
但係無得選擇下去買A9之際,見到R3發佈……忍左個幾月後，終於到手｡
畫質同R2差唔多(用R2師兄們可以忍手多一代)
,追焦同畫質終於可以兩全其美！

利申：擁有過A850,A77,A6000,A7r,A7m2