Sony A7R III

評測報告

實拍照片

細, 輕, 功能齊備. 用像素和機身SIZE計是超值.

轉盤LOCK有點多餘. 未用過A7RII. A7, A7II 沒有這個LOCK. A7II 全景沒有了.闊容度用JPG 竟然不及我部手機V20 的HDR. JPG 反差有點底.AUTO WB 唔是太準.

A7 系列我只是貪它細,操作一點也不就手,用右手按鈕換鏡真是唔方便,如果換大鏡真是必要小心. 背部按鈕很容易因為身體接觸而改變SETTING,尤其是要操作兩部機時. 很多牌子都說他們的設定是可以應付90%的日常照片,但一個有些少經驗的攝影人就是影餘下來的10%, SONY 對這方面感覺有點不足,由自動對焦轉手動對焦時,不是一撃即中,要等...當更換SEETING 時比其他牌子慢.不過我估SONY 都想不到無反 會那麼受歡迎. SONY A7II, A7RIII 同時使用中,但有點奇怪同一支鏡放在兩部機有唔同反應狀態, A7RIII 對焦速度唔比A7II 快多少, 但迷焦反而A7III 多(在底光下). SONY A7 系列仍然只是我的旅行和街拍機, 操作上不是那麼得心應手.

首先自己原本係玩N記單反,自己本身都玩左幾年先上N記既D750,配枝24 70
但真係太大部,所以令我入左呢部A7RIII
1. ISO6400都仲好好,去旅行唔用閃燈都得
2. 其實我覺得操控方面都幾好,唔差過單反
3. 連拍好勁
4. 像素高,放到好大都仲清到爆
5. 對焦真係超快,準到爆.對焦點比單反多
6. EYE AF係超級方便又準又快,禁住個中間制,幾乎都唔會走甩,去旅行勁方便
7. 一粒電既電量,竟然同我玩N記果D一樣咁襟用,影足一日都唔洗換
8. 自訂制好方便.D制都幾好禁,擺位好好,唔難禁
9. 機身好好揸手
10.有TOUCH MON 雖然我好少用,但都係一個方便之處
11. EVF好清 仲可以較高個FPS令到佢好SMOOTH睇落去
12. MENU好多野可以揀,自訂野

其實我自己覺得佢都冇得輸,缺點都係雞蛋裹挑骨頭
1.冇得反MON自拍
2. 4K片冇60FPS
3. MON睇相冇得好似電話咁用手放大放細, 一定要禁制

相信好多師兄係呢個時間都會係A7RII 咁平既價錢
同A7RIII 去比較買邊部好,我自己覺得如果係長玩,就唔好買A7RII
因為A7RIII根本就係一部A7RII既完全改良版,你睇落去好似冇咩大賣點,但用落你會知道個分別係邊,操作,同埋一D細微細眼既野,係好實用
EYE AF以經係一個好大既賣點
A7RIII 我覺得以經勝過9成單反
買完A7RIII冇後悔,因為好過你買完A7RII之後後悔又想買返A7RIII
咁樣一來一回,D錢仲勁用得
A7RIII有買貴,冇買錯..!!!

對焦超快超好用
EYE AF 真係好屈機, 只要係人眼就對到, 無論係相片定真人, 無論隻眼望邊度都咬得好實, 真係黑科技, 呢點遠超C/N

全畫面都可以對焦, C/N 傳統單反比左咁多年佢進步都只集中係畫面中間, 另我更加覺得轉會係明智

拍片有4K, 拍full HD 有120 超慢鏡, 係我買佢主要原因, 其實之前用a6500, 不過a7rIII 個mon 光好多大好多, 又係full frame 唔洗買鏡要諗乘幾多

雙SD卡, joystick, touch mon, 反mon 機身防震呢d唔洗多講,

個touch mon 對於落左電子 steadi cam 之後要追foc 真係正爆

夠細部, 成日拎出街都好方便, 手感好實淨, 一拎就知係高階機, 由於佢真係好細部, 手指尾係拎唔到, 要加直度先真係舒服, 但係又無左買佢係為左細部既原意

畫質像素ISO已經好靚好夠用無投訴

貴, 唔係話佢唔值, 不過人地美國佬都係開2萬4, 香港Sony 開2萬6, 正一冚家產

個反mon 無得打直反, 無得自拍
部機重過以前, 不過有咁多黑科技係入面, 又雙SD卡又大電又5軸防震又touch mon又加粒joystick又全金屬機身, 轉盤又好禁左, 咁多野, 我都情願佢加左落去重左d

個viewfinder 其實唔需要突起咁多, 因為RX1R 同樣係FF 都做到收埋個viewfinder, 咁收係袋仲方便好多, 落steadicam 更理想

唔防水係一大敗筆, 呢個級數既機全部都防水, 唯獨佢唔得, 落雨千其唔好拎出黎用, 外國測試過, 成粒電入晒水仲壞埋機, 同一環境C/N 全部無事

Menu 真係要改善下, 我知因為太多功能setting 太細緻關係, 功能表分類果part 可以做得清楚d

玩左相機20年, 最滿意係呢部機, 對上玩過大部份Canon 高階單鏡, 由1D用Canon到而家, 之前仲係cps, 直到最後一部係5D3, 終於頂佢唔順要離開Canon, Sony 真係勁好很多, 呢一代終於改善埋個對焦系統, 速度比美傳統單鏡, eye focus 做得非常之好, 追焦亦都好快, 拍片滿足埋慢鏡120fps, Canon 真係可以完全放棄了, 正式劃上句號

其實下便講曬！

其實下便講曬！iso 如再高點就好, 點會比 a73 重少一D, 都唔算太大影響不過緊係有比無好, 雖知 A73 得24xx萬像, 可能咁又比番少少福利佢啦!

如果開關可以放係 模式轉盤果個位會好D！以家個位一入袋有時會開咗機同2袋一樣!

大部咗我都明邊有免費飯食, 其實係粒電！如果粒電有以前咁細又有以家威力就爽啦, 其實我都係覺得A7R 一代係最型, 細部先係理念開始, 以家出一部比一部大咁就快又番番去A99ii lol......... 之後就係D鏡 支支都開始重啦! 唔想打war game. 其實有無真係研發新野真係謎 , 你睇睇下支 24-70G 2.8 同支 Amount 其實差唔多不過以家唔洗你加mount 同送多個 G字比你！再快少少sharp 少少 咁又收你皮幾野, 當然一定有人話"個皮幾野你想點, 送比你好唔好" 咁送緊係好，希望出真2470 2.8 細支D 唔洗大家咁重搞到身體有病痛, 以家等A7R4 就岩啦! 應該粒 sensor 有機會出新野！

其實sony 機以有8-9成功力了, 係時候比少少成意落D鏡到，當大家以為sigma 好有成意出FE mount 其實又係搵9笨7 重要大支個原廠 當然價錢反影一切, 其實我唔介意原廠唔原廠, 比多少少錢 出支輕D 及快速對蕉＋大光圈及色水好的鏡頭好過, 係咪好貪心呢，不過我地有比錢就應該比好野我地啦！!

最後, 新一年新年快樂！

其實下便講曬！講真 Sony 係唔出手姐, 一出手成個業界玩完啦！以家Nikon 都係等比人收，O記其實都係sony 門下廠, fuji D CCD 又要同sony 買！其實都係時間問題, 最後應該係 Canon VS Sony, 所以canon 以家咪慢慢出洗鬼同你玩咁快，反正有人買有錢收就得啦！之後就等睇佢地出超必 到時應該無曬 單反, 無反先係皇道! 最後反正無電時單無都死,所以最後都係 要來個 weather 測試 希望sony 唔好再入水啦!

1. 高解像
2. 高可用iso
3. 高Dynamic Range
4. 高速連拍（機械快門甚至快過機王A9）
5. 對焦極速 (包括室內)
6. 速焦準確
7. 機身夠輕
8. 機身內置防震給力
9. 輕觸螢幕和joystick對快速對焦非常有幫助
10. 自選制好用
11. 機內系統反應快速
12. EVF非常清晰
13. 支援UHS-II的SD卡和雙卡槽
14. 有USB Type C插口
15. Eye AF對人像拍攝異常強大、實用

1. 電池可用量比同級單反弱半至一倍
2. 第二組插卡槽唔支援UHS-II
3. 反mon支援角度太少
4. 相片格式輸出種類選擇唔夠多

我同時都係A7RII用家，早期見佢今次升級冇換sensor所以冇乜特別興趣。
但點知一試部機，就俾佢o既機能嚇左一跳。
機身反應快左好多，無論係開機定相片預覽同連拍相片輸出速度等。
另外，menu設定都專業左，可以做好多細微o既調整。
對焦進步明顯，快左準左，係室內都係極速，比上代o既"可用"差好速。
連拍就數字上表達一樣，比r2快好多。
今次o既作品將sony 起相機界o既野心表露無遺，無反o既效能已經貼住單反，舊時無反o既所謂技術上缺點已經開始消失，單反界代表o既canon同nikon唔再出大o的力o既話，單反o既存在岌岌可危。

其他比起A7R II進步之處
1. 電池強左一倍
2. 把手更好握
3. 爭機身輕左（你冇睇錯，係572g比上代o既582g輕左10g）
4. o的制好按左

連拍、對焦點、新電池、雙咭快咭果D唔講咁多啦, 想講下其他:

- 暗位對焦效能大幅改善, 有幾枝鏡之前用在二代上遇暗便即拉風(55Z, 35Z, Batis 25), 在新機上明顯提升了幾個檔次, 就算未至極快和狠, 但絕對準確和穩定。對我來說這方面的提升比連拍速度更重要, 沒有良好的對焦系統再高速的連拍也是徒然的

- Eye-AF和Face detecion功能大幅增強。以前若希望用大光圈鏡(如1.4)去拍攝活動中的小朋友, 並且想捕捉到他們望鏡頭的一刻, 是件十分不容易的事, 除了技術外更要有一定的運氣。現在A7RIII的強橫Eye-AF能大大增加成功率。另外, Wide area focus + Face priority十分好用, 叫途人或朋友幫忙拍照時失焦機率能大大降低, 更可放心使用大光圈, 基本上就是一個頂級的傻瓜機mode。這方面絕對是無反比單反優勝的地方, A7前兩代未算做得好好, 這次終於能將這功能發揮到極致

- Pixel Shift: 放大100%檢視時, 解像度和銳利度確有明顯提升, 鍾意聞相的話會很喜歡這功能, 但實用性和使用機會不大, 屬錦上添花功能

- 連拍後畫面上方會顯視存取進度, 就算未寫完都可繼續拍照或其他操作, 實用性大增, 二代只能等又唔知等幾耐

- 能以Group view顯視或delete連拍的照片

- 機身按鈕大幅度改善: 加入Joystick(可隨時改變焦點)、改變錄影鍵位置、更多custom key和Memory register、獨立的AEL和AF-On鍵、加強了按鈕的質感和結實度

- 機能加強下, 仍能維持機身重量和體積在合理水平。有人覺得一代比一代重, 翻查規格, 的確比上一代重了, 但分別只是30g左右(連電池), 絕對在可接受範圍。同級對手D850比上一代增磅更見明顯

- Menu大幅改進: 組織更清晰，選項亦多了很多，例如更多測光模式、更多包圍拍攝模式、轉換crop mode終於可set custom key等

- 開機速度略比上代快

- 二代就算唔用部機, 粒電隔一兩個星期就會冇晒, 三代解決了這個問題

- 4k movie未有60fps

- Touch pad: 檢視照片時不能以雙指放大/縮小, 也不能"掃"去下一張或前一張相, 也不能在選單中使用。加上Eye-AF和Joystick已能做到大部份功能, 令touch pad實用性減弱。唯一想到的是拍片或用手動鏡對焦時會較方便

- 繼續用個舊反mon, 角度變化受限

- 取消了PlayMemories內置程式

- 白平衡仍然麻麻

若只以兩個字去總結, 就是"信心"。出了三代, 到了這一代終於沒有明顯的短板。前兩代給人的感覺始終像部玩的機多於一部實戰或工作的機, 這一代在各方面都能給予用家極大信心, 不怕應付任何場合和題材。

價錢的確不便宜, 但以前廠商通常會把高像素和高速機分開兩條線, 現在A7RIII和D850的出現打破了這個局面, 所以我覺得貴得有道理。

之前用開A7RII, 升級是因為試用過III後覺得完全是兩個不同層次的產品。或許CMOS的改進不大, 但我的感覺就像拿一部Canon的6D跟5DIV比較, 或拿Nikon的D600跟D810比較, 畫質分別未必好明顯, 但機能差別就非常巨大。除了主要的對焦和連拍效能外, A7RIII在各個細節位上的優化也是不容忽視的, 每個小改進獨立看似乎只是nice to have, 冇左唔會死, 但十樣八樣加起來足以影響拍攝效率和專業性。今次A7RIII在機能上的大躍進令人喜出望外, 即使畫質提升不大仍十分值得升級。