Sony Cyber-shot DSC-RX100 VI

評測報告

實拍照片

對焦速度快(其實同5 5a差不多)
變焦速度非常快
一般rx100有嘅優點都有

日光機
長焦時要無時無刻都接受到日光日白都要過千iso
夜晚用電話影仲好過佢
始終機細好易手震，就算安全快門之下影，好多時放大小小就會睇到
嚴重油畫化
Noise勁多

之前用過1，3，5代， 正當考慮換5a定6嘅時候
貪新鮮試下部6， 完全接受唔到經常過千iso,
及出黎既影像質素，當然日光日白一般用是ok,但千其唔好有要求。

1)24-200焦段好好用，來回幾快，靜
2)輕便，真正口袋機，你會肯成日帶埋佢出街
3)自動追焦人面眼睛快又準(唔計影落去個下)
4)高速追焦連拍好正(比大機仲快)
5)4K拍片質素好好，防震都出色
6)電話過相/遙控第一次可用QR code連接，iPhone用家表示好方便
7)系統爽快，無呆無遲緩感

1)成像唔Sharp，無detail可言，油畫化，過份後期圖像處理，唔使/唔好放大睇，放FB/IG無問題
2)貴得黎唔值，一放大成像會話"你俾啲咁既野我?"
3)Touch Mon唔係全開放，部份功能先用到，成日唔知幾先可以用，不支援多點觸控(好落後)
4)ISO800以上已經算多NOISE，再加上油畫問題，令問題再惡化
5)夜間功力得返一半，好多手持成像都係手震咁
6)防震可能得三級，可能因為機身細輕唔好揸同一按快門對部機震動比較大，下代有五軸既話我會升級
7)個MON和EVF啲畫面好粗唔靚，啲相過落電話睇會靚左
8)今代暫時無得裝APPS增加功能，本身time lapse同一啲特效都無
9)最大問題，新款EVF係鏡面無凹位，會頂住眼捷毛同面油痴哂上去，睇返上幾代需然要手動拉出拉入，但起碼唔會咁痴油，畫面好細，對上年紀人士可能會使用困難，無軟膠眼CAP，有雜光和萬花筒式觀賞方式，我明人地話有EVF既重要性(當然有好過無)，但要用到先得嫁
10)Sony仲未肯出藍芽遙控唔方便(本身部相機都有藍芽，但係要再駁USB咁反智)
11)用電比較快，用連拍/4K仲快
12)高速連拍/4K時機身有發熱問題
13)快門制較重對機身震動好大影響，應該要改良下RX100快門制設計，推介轉用TOUCH MON當快門可有效減少震動
14)USB/HDMI蓋使用硬膠會減低耐用度，我諗我都係用返外置差電頁到，好彩仲有快捷鍵補救下
16)夜景星芒比較失望
17)成像會令人成日懷疑自己係咪手震
18)希望有新firmware改善圖像處理軟件上既問題
20)打直高抄使用時反mon功能會比較尷尬(不過其他廠都有呢個問題)
21)無內置GPS始終比較唔方便少少
22)唔防水又係唔方便少少
23)景深效果唔明顯

第一次出心得文，本身用開APS-C以上無反/單反，今次第一次用1吋機，因厭倦大機大鏡想輕鬆出外影100以上既野先買，首先$9990真心覺得唔值，啲相放大睇粗到比iphone x還差，日間還可以，夜晚一暗就大鑊，夜間或室內全自動升到高ISO(800+)及容易朦，EVF畫面細，字細及沒有眼罩固定位(即係唔可以好舒服咁用)，我寧願佢CUT返EVF同TOUCH MON平啲仲好，成萬蚊其實買攝影器材已經好多選擇，如果俾我再同價位選擇可能會選擇返其他，不過如果要輕便反應快天涯DC機依家又真係得佢，其他廠又唔係對手，$5000樓下就差唔多，食水深都要用家覺得值先得嫁，建議真係試清楚衡量下係咪啱自己，暫時使用心得係全AUTO預設設定下，將來用熟左有新野再update大家。

補充返長時間使用後分享，可能我分享缺點比較多，但對頂級價錢自然我都會提高個返要求，現在開心使用中，可以影100-200對比以前出外只係24-100呢個焦距係可以影多好多題材，部相機係可以俾到你要影既野，如果係用開手機影相既話，我會推薦呢部機俾你，用開大機聞相就睇下接唔接受到成像(但唔使攞咁多野又重又要換鏡喎)，家庭機有小朋友就更加係首選。SONY平啲啦，好唔好?

- 鏡頭發色及銳利度十分出色，200mm全開光圈時邊角有點軟，但仍可用，收一點光圈可改善
- 雜訊控制算很出色，1600以下都可接受。就算見到雜訊，仍能保持發色及銳利度
- 有HLG揀唔使後製
- 追焦連拍本身係Sony強項，雖沒有大光圈，但在日光下影小朋友活動/運動等仍卓卓有餘，其他品牌機仔難比。
- 支援上下反mon

- 寧要hot shoe，唔要內閃
- 機身有點滑手，易花也易跌，要加外殼保護
- 電量稍弱，當主機用的話要三粒才夠
- 防震效果一般，最多一兩級左右

本身是A7系用家，平時都係用來影下風景、家人或旅行用，但FF長焦鏡唔方便成日帶，所以想找代替品。VI雖然是兩年前款式，但用落完全唔覺係舊款。VII一來太貴，二來我亦冇需要用到每秒60次AF/AE、連拍冇黑屏等東西，VI現在價位回落到6K以下，比較符合性價比。

好多人覺得少左大光圈係缺點，我認為只是產品定位問題而已。天涯鏡/大光圈/輕便性本身就不能三者並存。要大光圈可選擇VA/ZV-1，用得VI主要都係睇中佢有長焦段，況且200mm來說f4.5也算不錯，已是所有同類型產品中最大。你買VI但用佢去影低光/室內，咁係你自己攪笑。

鏡頭畫質完全冇投訴，甚至比很多Sony自家的APSC頭還好。單論鏡頭質素，我覺得比18-105/f4、16-70/f4更好。

下年有機會旅行的話，我會帶部FF加兩枝定焦(影淺景深和低光)，再加部RX100 VI影長焦，順便當多一部機俾家人一齊影。

與m5比較
- 24-200變焦好快，同埋好順滑，機械聲好細
- 對焦速度明顯升級
- 眼控AF比m5快，但昏暗環境都係好吃力...同A9無得比
- EVF 唔洗拉出、推入，爽好多！
- RAW，高ISO noise control 有進步
- JPG直出，noise control今次好滿意
- 終於有Touch mon, 用EVF時移動對焦點好有用

- 始終係1"sensor，要接受noise較多
- 24-200焦段，光學質素無m5 24-70咁好，一對比下好易察覺
- 電量未見提升，玩連拍RAW時，真係1%，1%咁唔見
- 機身造工比m5差

玩左一個星期，基本上無咩投訴。
只係有一樣野唔開心，就係造工！
因為相熟舖頭買，開左三部比我睇。
三部都係一樣，比前代m5造工差左！
可能我吹毛求疵吧！

24~200mm
相片質素出乎意料的好
一貫Sony, 可USB 叉電
機身算輕

關機慢， 要等兩秒先縮回鏡頭
電量去得算快
機身較滑

本身用開sony A9
想買部隨身機， 去旅行， 同家人自拍
諗過Canon G7X 同 RX100
最後因為Sony 既對焦， 24~200, 雖然貴好多， 但買左唔後悔， 仲有驚喜
當然一寸 sensor, 唔好預佢會同FF, APSC 平起平坐， 但絕對唔失禮

***24mm 都不夠廣， 如可以18mm 起就好了！

200mm長焦壓縮感非手機 / corp相可以做到。
1" sensor + 入到褲袋冇負擔。
長焦位置光圈收得比平價機少 / 慢。
除左冇左1.8光圈，所有rx100優點全齊。

沒有了1.8光圈，有時冇大機想snapshot幾張星空有難度。
廣角如果可以wide多2mm就perfect。
感覺noise比上代嚴重左。
Zoom反應開始有問題。
貴。

行山登高望遠，遠攝鏡往往比超廣角重要，但又要顧及負重。
rx100vi機仔令我冇曬負擔，1" sensor + sony raw既寛容度，在質量及便攜兩方面取得平衝。