Leica M10-P

評測報告

實拍照片

造工紮實，且機身薄咗，有返M系如M3,M4菲林機手感，ISO大大提升去到50000，快門超輕，近距離埋身街拍亦不易被察覺，白平衡準確，顏色討好自然，連拍多咗去到5張， 觀景窗放大率提升咗，對焦舒服咗

貴！粒電唔耐用，正常慢拍一粒用一個上午，如果係比較手痕㩒shutter嘅影友一日落嚟要三粒電先夠，機身ISO轉盤唔太實用，因為要拉起先可以調整，整完又要㩒返落去(試過拉起唔㩒返落方便轉ISO，但耐咗個ISO會自己亂跳,要甩電先正常返)，ISO上調到8000燥點開始明顯(但個人可接受為12500，後製就冇問題)而且成像太有SONY感覺(由其用埋EVF感覺更SONY)，ISO設為自動嘅話大部分時候都係俾盡你，要留意一下

雖說成像以SONY, 但都有少少LEICA味道(個人認為係菲林味)，而且ISO及快門嘅提升，對街拍非常有用，始終街拍先係LEICA強項，至於其他就……不過大部分LEICA用家都係享受拍攝而且街拍較多，至於本身有240嘅影友諗住對升級後有好大驚喜，咁其實可以唔使升級，雖然街拍爽快度提升好多(由其夜晚)，但老實講，我情原用支大光圈鏡嚟彌補240嘅ISO問題，除非要影類似舞火龍咁快速嘅題材(雖然M10P影到但都係要有一定技術),但非常有預算嘅入手亦無妨

連拍up to 5fps
真低音機械快門(唔似得nikon同canon果啲單反既靜音mode)
外型好睇
機身比M240 M9再薄, 同菲林時代既M4, M6等差唔多厚度。手感十分良好, 而且好紥實。
精良的Rangefinder連動對焦系統, 沒自動對焦下都能夠快速合焦(要多練習就可以更快速)。
M系統鏡頭都偏向小巧,比自動對焦無反相機及單反的鏡頭明顯細小。

價錢, 話曬大啦啦47500蚊買部相機, 唔係個個都捨得。但到買左上手用就會明白係要咁貴先有既野。
連動對焦鏡頭最長只有135mm選擇。要再長只能上接環搭單反鏡頭開liveview手動操作。
Rangefinder連動對焦系統需要多練習操作。用舊鏡時有機會出現對無偏差問題, 所以要時間熟習。
機身細左, 就連舊電都....一齊細左得番1100mAh.....不過日常用唔見有問題。開工就帶多粒。

重金入手M10-P之前是在用Leica M262。用久了, 就開始想擁有一個Liveview的Leica M, 初初都有考慮Leica M240P同M10(比M10P平啲嘛), 諗諗下不如就直接攻頂啦,反正錢都係會比lol。
原本想買黑色(但可能太搶手), 最後就入手了銀色(意外地又愛上了銀色)。這部買完唔會後悔的選擇, 外型比M240簡潔了好多, 制都少左幾粒機頂上多了iso轉盤不用次次睇mon搵iso粒制(有時天黑真係要搵粒制), 比M10多左個touch screen, 唔洗次次都要轉機頂個pop up轉盤, 係工作拍攝果陣就方便得多。
高ISO性能都真係比240系好左好多, 最高可以去到50000ISO(雖然都唔用用到)。ISO去到8000~10000出現有noise都仲係可用既範圍。
拎上手既質感都真係沒野好投訴, 十分紥實, Liveview都好流暢, mon既顏色都比240好看。快門聲都真係好靜, 因為真係有快門, 佢靜得黎又會比自己知道影左既感覺。係街影左都唔很明顯, 加上機身外型小巧, 被影者唔會太抗拒, 對鏡頭都會自然少少。
買左佢之後少左帶單反, 袋都多左好多空間輕左好多仲可以多放兩個鏡頭, 出街帶著35, 50, 90都不是問題。