[karithkung]

拿copy單到 canon 都肯受保，你信嗎？

[東尼林]

我拎過受保期內 CANON 行貨相機去維修，收據及保用證都唔使帶，只憑相機 S/N 號碼就得，你信嗎?

[abc1973]

樓主買咗二手鏡

[pongyee]

上網登記連單都唔使。

[karithkung]

維修時不用出示正單？想買部攝錄機，賣主得影印單，加多幾佰比佢出番張正單都吾肯。

[東尼林]

咁好大可能佢都係二手接貨，佢唔係原有機主，呢部機如果你貪有保用，勸你都係唔好買好過! 如果話明過保，咁就冇所謂!

[karithkung]

重有3個月保

[pongyee]

>> 加多幾佰比佢出番張正單都吾肯。

冇登記最多保養時冇9折，唔使畀多幾百。

[karithkung]

關鍵不在日後的九折，怕好多二手機有暗病，如果還有保，交收時顧慮可減少，比多小小當買保險，有的無正單是不保，有的無單會計番部機出廠日期起計，所以一定要攪清楚張單先，避免了假單改日期，甚至是水貨扮行貨。

[dc影者]

根據影印單資料帶機返去買機的店舖，

憑單號找出原發票副本對機身編號無誤要求再出發票或影印原單副本加蓋公司蓋章即可。

[dc影者]

呢個方法係宗元電汽d 即完教的。

[abc1973]

樓主:咩型號呀咁麻煩?係咪比人呃咗?

[qq809]

Kit 帶镜嗰D，若是分开賣好多時都係咁。
除非一齊賣就比正單！

[karithkung]

是canon 攝錄機，我自已都試過係風澤出番正單，三星電話才肯免費維修，今次比多幾佰都吾肯出正單，當然係無交收，就是不明賣家玩緊咩，話影印單等於正單，但比多幾佰要正單又話吾肯，想知個中緣機！是肥花單，是否肥花無此服務？

[東尼林]

依家二手放售好多橋妙野，尤其豐澤及鐳射延長保用，係要原有機主及接手賣家，一同前往分店填表搞續保轉名，否則續保係唔保承接二手買家。

之前我遇到一位入左6D幾個月，玩完原價放售，咁佢用番同一個 DCfever 賬戶，我睇到佢之前幾個月先入手，即係佢都係二手承接。

佢話機係豐澤買，延長兩年保用後仲有約一年唔夠保用，咁我要求佢到豐澤分店轉名佢唔肯，佢大我話佢識太古分店經理係佢老友，佢話佢老友話唔使轉名! 咁我其實之前都係做影音行業，識好多舊同事都轉左去豐澤做，咁就問番舊同事，舊同事話豐澤延續保用叫【安心保】，續保係一定要兩者去分店填表搞轉名，因為續保保用期內，係要自己拎去 CANON 俾錢維修，之後先由【安心保】登記人，向豐澤【安心保】索償，再事後出番登記人名稱劃線入賬支票。所以唔搞轉名係索償唔到...亦即如無保。

果條友可能知我睇番佢買賣記錄，知道瀨左嘢! 之後佢即開一個新 DCfever 賬戶，重新刊登二手出售 6D 搵傻仔! 總之大家小心，唔好一味信賣家誠懇態度，要自己去主動問清楚先!