優點:
- 影像質數不俗, 尤其邊位
- 17移軸鏡唔係好多品牌有
- 操作順暢
評價:
入了TS-E 24II 一段日子, 行過星際見有貨又買了. 用24漸覺不夠wide, 自己又喜歡去旅遊時影下古建築. 可能己習慣了用TSE鏡, 新鏡好快上手. 之前我既TS-E 24II用家心得話買24係一平衡, 17變型大, 呢次買埋17真係自打咀巴. 用過之後發覺17就係17, 有好多景24影唔到, 用17空間較大, 雖然視覺PQ仍以24為優, 但我覺得17會令比較平實既建築物或室內照有點誇張視覺效果, 所以如果2擇一的話, 我會選17. 當然可以的話, 呢兩支係不可錯過既玩物. 如果要兼顧影人的話, 又或者用shift影完駁相, 24會比較合適. 17加1.4x可變成24左右, 未計PQ只最大光圈收到5.6就減低了可用性, 特別係室內.
唯一就係加唔到filter, CPL對17呢D廣角鏡用得都會有不平均偏光, 反而用唔到ND400等就玩唔到長暴. 無filter比較容易整花前鏡就一定, 玩得呢D鏡就預左, 亦無須太緊張影嚮拍照心情.