Canon EF 70-200mm f/2.8L IS II USM

評測報告

實拍照片

-恆定F/2.8大光圈,無論遠近,只要焦段所到,都給您一流的散境(影人像最正)
-對焦快,狠,準,靜~(無野可以挑剔)
-影出來的相片非常之銳利,對了焦的主體放大來看也不會鬆散或朦
-成色一流,細緻度也很高
-4級防震再加上F/2.8大光圈,無論室內或室外夜境也可做出安全快門,大大加強實用性
-這支二代跟鏡的Hood新加了鎖定按鈕,可看出Canon是給了用家一點貼心的改良
-鏡身紮實,用料十足
-二代加多了一片Canon獨有螢石和一片UD,令成色和銳利度增加不少
-二代的變焦環改良了,使變焦時手感更好

-非常重,只是鏡頭也接近1.5kg(沒辦法,因鏡身紮實用料十足)
-因鏡身重,大大降低了機動性
-送的鏡袋冇乜保護性,袋的造型又肉酸(唔講出來係鏡袋的話,人家還以為係暖壺袋.........=_=")
-非常貴,一支鏡都接近2萬大元............(令小弟想了很久才下決定)
-買完又要花幾百銀給它一片靚UV鏡片做保護(無理由花得萬七八,為了慳個幾百銀令成色下降
而去用cheap野)

新一代鏡王真係當之無饋
無論成色,銳利,對焦,細緻或防震也是一流表現
其實在買之前已和朋友上過去了Canon的毒氣室試鏡
不試由之可,一試即死火!!
試完之後覺得這支鏡王無論在對焦,成色或銳利度真係無什麼可以挑剔
加上恆定F/2.8大光圈所造出來的淺境深
更加令我愛死這支鏡王!
只可惜的是價錢貴和非常重這兩個要命缺點
令我真的考慮了很久..................

當買完之後便立即相約朋友們出來影相玩新鏡
雖然小弟用的只是入門機500D
但因鏡的關係,已令相片的質數大大提升
也令小弟覺得真係[有買貴,無買錯]!!

和朋友一起影在水邊飛行中的白鷺
這支鏡的一流功能便表露無遺了
因去盡200mm焦段也可用2.8光圈來影的關係,快門可做出1/3200的速度
令白鷺由水面飛起所產生出來的水珠也凝固在半空中
而朋友借給小弟試用的2X增距鏡
令焦段由70-200mm,增加至140-400mm
光圈便由2.8減低兩級至5.6,但也沒降低其質數
也可以影得更遠(打雀一流)

不知大家有沒有發覺
其實Canon的L鏡並不是每一支也有瑩石的
有瑩石的頂級鏡也廖廖可數
而這支鏡王第一代是沒有瑩石,而今代便加入了
小弟之前沒用過一代,但看過了一些測試說二代加入了瑩石之後的確提升了相片的質量

至於先前,小弟在不停反覆問自己
買"小小白IS"好,還是買這支新鏡王"小白兔"好?
後來問了一位玩影相多年的朋友
問他的意見,他便道出要買便買最high end的鏡吧
因他自己也是過來人,現在不買而去買"小小白IS"的話
最終也會心思思而去買返"小白兔"
為何不一次過買最high end model?
而F/4.0的散境和F/2.8的散境是差很多的
所以小弟最終都接受了他的意見,買下"小白兔"
日後也不用心思思,因已經是high end的鏡了,沒鏡可再取代它
除非在短時間內出第三代喇~

總結:
小弟自己親身用過後,發覺真是愛死這支"小白兔",無論恆定光圈F/2.8的淺鏡深或高秒數的快門時間,成像的質數,銳利度或對焦快而靜等,這些功能真是無可挑剔,真的是[有買貴,無買錯],就算資金周轉不靈,賣返出去也有價有巿,好過花錢去追相機body,本人十分之推薦這支鏡!!

快恨準利防震都明顯好過一代好多, 其他c兄講晒. 用慣一代, 一試佢都wah出黎.

hood面鞋d, 可能咁樣無咁易花.

對焦圈同zoom圈啜手d, 補助鏡身比一代肥左小小既手感. (一代都好肥下)

zoom圈實過一代好多,托咁重枝鏡無咁易唔小心郁到.

重, 但同一代分別不大. 托鏡姿勢o岩(連5d2甚至580ex2),其實可以捱一日都覺ok.

點解要hood鎖?我拔鏡必見hood,都唔覺一代鬆. 個二代新hood鎖反而麻煩左,不過好快習慣.

防震好靜同無一代o個種微震. 真係有時會擔心無開或壞左都唔知.(缺點黎既咩?)

無乜其他缺點. 一分錢一分貨,貴唔貴見仁見智.

相信大家最有興趣係, 邊d人應該買, 邊d人可以唔考慮二代.

要買:
-仲揀緊一代定二代, 除左價錢, 一定係揀二代, 唔使心思思, 又唔洗凝住d相唔夠好. (其實兩枝都係非常好架喇)
-成日crop相, 有時crop到100%放大咁滯.
-經常晒大相
-鍾意聞相或100%驗pixel
-會用 x2 extender, 好經濟既140-400mm f/5.6, 都好利.

唔洗買:
-有一代, 又唔多crop相同晒大相
-有一代, 但最多只放大到50%, 眼睇利度色水其實同二代無分別.
-無一代, 不過最多都係同上用法, 個人本身又百毒不侵.

勁多sample超毒post (警告:睇完必劇毒攻心):
http://photography-on-the.net/forum/showthread.php?t=838247

USM---快準靜，造就超快AF，仲要好靜
IS----4級IS可手持低至1/5s仍有清晰影像，IS運作完全無聲及能即時lock定影像不再浮動
f/2.8----長焦鏡帶來一流散境，比f/4更靚，晚間室內外也可有安全快門
解像----此鏡皇擁有超乎常規的解像及極細緻的影像，基於多了一片螢石及共5片UD所致
手感---加濶了對焦及變焦環(對比上代)使用時更就手，加上防塵防水滴，惡劣天氣也可安心使用
夠揚---收視率爆哂燈，吸引好多人過黎同你吹水

貴-----係人都知，不過周圍都無貨，有錢都耍排隊訂
重-----個個都知，夠體力都要等訂貨，7D加直倒再加佢接近3kg ，haha好快可以練成大力龍爪手
機動性----一定不及SSWIS，決定買時預左
一濶三大-----買完佢又要買塊B+Wpro filter，想balance又加個直倒，個舊袋裝唔落，結果...........
太揚----想低調D都無可能，除非買左擺屋企唔拎出街用

本來在SSWIS及Sigma70-200 f/2.8 EX DC OS HSM支新鏡作決定，因Sigma 號稱FLD有螢石功効，但SSWIS周圍無貨，支Sigma新鏡只有dc fever接受預訂，又唔知幾時貨到？上星期入左屯門新城市廣場地下幾間大鋪問下有冇SSWIS，結果同樣要訂貨，但就比我見到有兩間鋪竟然各有一支{小白兔}價錢分別$17400 & $18800，慘，竟然比我見到小白兔現貨，即時大亂陣腳。結果心靈交戰了3粒鐘後去馬，其實最重要係太座批淮SSWIS出左四年(重要訂貨)不如豪一次上high end新鏡兔得後悔。
回家後揾仔仔試鏡，crop大後當堂木定口呆，仔仔件衫放大後竟然連布上網狀纖維及纖維上微細毛毛也看得一清二楚，全無走焦，呢支係遠攝變焦鏡定係顯微鏡，竟有超乎想像的解像及細緻度，連肉眼看不到的衣服纖維也清晰顯示，相信歸功於螢石、USM下的高準成AF所致，慶幸沒有决定錯誤買下第一支紅圈白鏡皇。
如果你對畫質有非一般的要求而又能負擔得起(捱麵包都算)去馬啦！又係老套個句：{早買早享受，遲買一定唔止貴幾舊}！

1. 超sharp, 5 片 UD 及 1 片螢石鏡片
2. 全開 F2.8光圈依然得到高反差及清晰的畫質
3. 對焦很快很準, 令人興奮
4. 個Hood 冇gum 易花, 同型仔
5. 有4級防震, 1/6s no problem

1. 勁重, 當做gym
2. 十分貴
3. 而家心思思想買增距 (x1.4 or x2)

本人第三支L鏡, 16-35L, 24-105L. 但冇一支Zoom L鏡比到小白兔 gum 有震撼力.

小白兔對焦令人興奮(比小小白IS更快), 很快很準, 真正是 捕捉 畫面. 那種長鏡的壓縮感和散景亦非大光圈或短鏡所能做到, 而F2.8 比到我之前用小小白IS所冇的散景. 全開 F2.8光圈依然得到高反差及清晰的畫質 , 大可放心用大光圈 , 鏡身輕巧有1.2米的近拍距離 , 色濃 , 銳利十足。

之前有玩過朋友支小小白IS, 螢石 x 1 + UD x 2, 差一Ｄ想買, 不過Canon announce 咗會出小白IS II, 所以決定等支小白兔.

小白兔quality係超班, 不過就要付出好多金錢同體力, 今日出咗去影相, 帶咗三支鏡(小白兔, 16-35L and 50mm 定焦), 個背囊已經重到暈. 而家隻手重係到震, haha

好清晰, 好利, 好細緻

對蕉好快!

冇乜暗位(起碼好過舊果支, 明顯不同的 )

色水方面同舊小白差不多, 但會鮮明一點

博收視率極高

貴...一定係貴.. 貴過舊果支5K多.....=.="

送個袋冇乜保護性.....

入左依支就會俾塊好filter佢...之後再諗增距鏡等......

最初我想入兩支定蕉,好過入支新小白, 但去左毒氣室試過後, 哇左一野, 因真係好細緻..好清晰, 而且散景我覺得都夠 (雖然我好鍾意定蕉帶俾我既散景.) 但依支真係利器度, 細緻度極高既鏡, 本想同時入35L 和百微IS(因加埋都係同新小白差唔多)

但最後我選擇左新小白, 對蕉快, 影出來的相帶到俾我有另一層次既感覺.

雖然出面測試同廣告不多,但你用過之後就明白佢既好處同利害程度

好多人都用佢同舊小白IS,甚至小小白IS 比, 但我想講既係,鏡大家都知一分錢一分貨,佢收得你依個高價, 就有佢價值係度, 不是話這兩支不好, 而是這支新小白強過它們而已

好多人話好重, 當然啦, 差不多 1.5KG wor, 但對我就冇所謂, 所以好適合手臂有力同想練力既人既好選擇~ :P

有能力(分期都算~HEHE) ,或還在諗既朋友, 放心吧,依支鏡一定俾到你信心, 好正既鏡來。

還有如果你考慮緊 85L 1.2 或新小白既, 參考下我的用過既感想..

85L 1.2 散景確實是好奶油, 但 如果你係APSC 既機, 或 就算是 5D MK2, 你要接受佢對蕉會好慢下, 但我試過用係 1D身上就好快,好爽, 所以你地要諗諗了

1.成像比以往小白更好,全段全開光圈好SHARP,不時有師兄話似定焦鏡
2.對焦快速,7D最佳拍檔
3.4級防震,長焦拍攝非常有用
4.遮光罩用新用料,唔會輕易刮花,另外全新按鍵鎖設計,不易撞甩
5.最近對焦距離1.2M,放大率有0.21X,影下花草都幾好!
6.止痕,唔會再有升級念頭
7.加1.4X同2X都有AF,彈性極高

1.貴,但個人認為比小白IS抵用
2.重,真係要練下臂力先好用

小弟係由小小白IS上小白兔,初時都心諗究竟值唔值付出近兩萬元買支變焦鏡,最終都係身痕購入,但用過又真係覺得佢有買貴,冇買錯!
小弟本身鏡意影動態同埋人像,同小小白IS比較小白兔畀我更快速既對焦同更好既畫質,光圈比以往大左一級,快門可快一級,更易捕捉瞬間即逝的一刻!
另外,如果搭上2XIII,再用埋7D,都有成640MM有效焦距!要求唔太高都夠晒打雀!
此外呢支鏡光圈2.8,唔使收都好SHARP,配合長焦下散景良好,我已經視之為人像鏡,最後我放晒85MM等定焦,因為呢支已經夠用!
既然一鏡可以多用,諗落都覺得抵晒!