優點:
其他師兄都講完.......
對焦快得驚人,即使200mm都可以很快對到
色彩鮮艷
鏡皇級影像,影出來清晰細緻
IS 4級實在好強,酒樓影相可以唔開外閃,除左光線控制之外,仲唔會影響其他人
缺點:
全世界都一致認同的缺點-重
絕對唔係一般人所認為的GYM就無問題,長時間去揸住一支咁重的鏡頭,對體力的要求是十分大。有時重到影響影相意欲
顯生問題就係機動性低
個暖水壺袋有咩用?
評價:
第一次L鏡就狠下心腸去買小白兔,可惜小弟用50D而唔係無敵兔。散境方面真是無敵,2.8光圈-200mm焦距的淺影深真是令小弟沉醉。我遊船河去影影同事坐香蕉船同滑浪,連水花都捕捉得到,被攝者開心之餘自己亦都好滿足。相比起其他大炮群,這支小白兔canon其實都算交足戲比大家,用咗5塊ud, 一塊螢石鏡,IS4級,試問有邊支鏡用到呢個程度,兩者堆砌出來的影像已經有目共睹,所以價錢19000我都覺仲可以接受(我以17000兔息分期),可況日元又升值,真係早買早享受,遲買又貴兩舊,值唔值真係好主觀,鏡頭唔同機身,保值得多,而且佢離一代差不多有近10年,相信小白兔也不會短時間內降價。其實好想比五粒星,但係一個重字實在影響太多。