優點:
1.盡情扭到300喇,唔會令你失望
2.唔知佢幾多級防震,但個時間停頓感好正
3.輕過支24-70GM,那怕只係輕10克都係輕
4.有Lock掣,唔怕無啦啦伸頭
缺點:
1.差幾百蚊就係最貴既70-300
2.70mm光圈連F/4.0都無,真奇葩
3.原裝個遮光罩真係阻頭阻勢,要買個短啲或蓮花形的代用,起碼反扣時轉到變焦環
4.由相機袋掹出來,要小心off左個防震
評價:
上年2018年七月先轉Sony的我,C同N都重度深度地用過。咩小白二小黑六(厄焦怪)都玩勻晒,70-200實在玩到悶。轉Sony主要係想渣返相機去旅行,玩到滑晒牙既我呢兩年旅行都淨係帶手機同平衡棍,所以迫到我買新機既話,戈套野一定要開到工又日常可用,咁先回到本!!其實70-300真係好理想,多戈100mm真係會好用好多。但10年前就已經開始玩啲二千尾三千頭既頹70-300,戈種起晒渣又無晒色既記憶仲好深刻......見到呢支奇葩鏡第一件事係被佢近九千既價錢嚇親。好不容易係毒友手上掠奪到一支玩左幾日,打樹上既花花,打下對岸既建築,由街尾壓縮晒成條街.....當正佢300定焦咁用,畫質完全無令人失望,色水仲好靚,雖然未致於數到毛,但邊位好實淨;戈頭感激地還鏡比毒友戈頭就馬上狗衝去買。
呢支鏡光圈真係細,少少陰天iso都在4000以上,所以絕不建議A7R二或三用,除非日光日白好太陽。呢支鏡長插A7iii已經三個月無分離過.....過年去過台灣日本都無換過鏡,因為手機已經有17 28 58mm三鏡頭用呢支鏡駁到上300配搭一流!!