HTC Butterfly 2

評測報告

實拍照片

HTC 蝴蝶3 HTV31, 5.2吋 2K 屏幕, 比 LG V10 更快的 S810 64BIT8 核心，可插卡，防水，可用 NFC , 可用 WIFI 熱點，前鏡 1300萬,即時美顏，後鏡2000萬可拍 RAW 格式，仲有雙鏡頭！再配合熱賣點 hot sell point 完美優化 ROM, 更如虎添翼！二千左右 做機主了

https://www.facebook.com/hotsellpoint/

原裝有日本軟件 想完美朋友 熱賣點優化Rom

優化如下:
1. 預設語言為 "繁體中文"
2. 刪除日本軟件 釋放更多記憶空間約2GB
3. 完美優化系統 更爽更省電更流暢
4. 獨家修正 GPS 定位
5. 更改預設主螢幕介面
6. 完美支持 NFC , WIFI 熱點可正常使用！
7. 加入原裝 HTC 中文輸入法！
8. 永久解鎖
9. 完全支持香港 3G 4G ,大陸中國移動 TD-LTE 及 聯通 4G
10. 自動設定 APN，一插即用

HTC BUTTERFLY 3 HTV31 旺角熱點有完美優化中文 Rom
獨家優化Rom示範：
https://youtu.be/YlGLGoBSIz4

☑ 刪除日本軟件 完美優化系統 更爽更省電
☑ 獨家修正 GPS 定位
☑ 完美支持NFC 永久解鎖
☑ 自動APN 插卡即用

獨家優化Rom示範：
https://youtu.be/YlGLGoBSIz4

1. 深夜藍呢隻色，我真係愛上左~
2. 收到TDD同FDD，番大陸4G無難道~
3. 之前朋友部M8既景深相吸引到我，所以正正揀佢~
4. 手感適中，單手我都仲控制到~(之前M7我好岩手型！)
5. JBL獨有音效(我幾鐘意HTC有呢D合作既機種~)
6. 有得tick兩下開機同Dot View，算幾夠心思~

1. 就係唔係好見32GB係香港出，得16GB我驚唔夠位！(外置咭最多放歌仔同片~)
2. 試機個陣見到自己D字模都驚，我即刻要買個套頂住~(但選擇得幾種！)
3. 唔知點解有時tick兩下都著唔到機(唔知係咪平放唔得架？)

兩年前出既M7個時好壞參半，當然後期已經好好多，我上埋5.0.2時我都仲未想換機住，不過機就最多夠我用半日多DD，成日都要帶尿袋！跟住到M8我都仲未太有衝動~
之後到M9出，我一直都想係M9既時候就轉！但係睇完M9既配色，又唔係好吸引到我，雖側造工精細左！係同B2決擇下，明顯機種性能一定係M9佔優，但性格比又唔完全話抵，相反B2就見到3K 頭！即時個心就已經想出B2較多~(加上有段時間用緊BS，覺得B2真係唔差得去邊！！)

所以而家M7就做左後備，主力就有佢！2800mAh既電夠玩成十個鐘多，帶小左尿袋，叉電又比之前快多~

1.外型貼手好拃，男生可以單手用機
2.Sense 6 個介面好順唔lag好人性化
3.相機介面好簡約唔複雜，影相超靚
4.生活防水，可以邊沖涼邊睇劇或邊聽歌
5.唔重好輕
6.前鏡頭500萬，自拍好靚重要靚過三叔
7.拍影片時個咪收音好勁，會識分你用左定右咪收音
8.個茫touch超好，打字超順超快
9.可以按兩吓茫著機好正
10.鎖機可以將陪機打橫再按音量減嚟開相機

1.電源鍵係機頂有啲唔習慣有啲難按
2.個BoomSound細聲左少少，可能做咗防水關係
3.唔用原廠火牛同usb線充電會好慢
4.好少保護套

相機比M8靚但夜景唔夠M8好，BoomSound做咗防水所細聲咗少少，但係個好鐘意Sense 6 介面夠人性化，HTC做到個系統就算條Ram用到盡都唔lag，WiFi係屋企大部分地方都收爆，按兩吓茫著機依個功能超正超方便，打字時個茫touch度高打字超順唔會打錯字所以打字變相快咗，要成send訊息會係幾好會，JBL模配JBL耳機聽歌睇戲超正，相機超多瀘鏡可以玩

1）htc既cs服務可以用完美黎形容，完全搵唔到骨頭挑。事情係咁：買左四日跌左部機落地下冇花冇爆但差唔到電，打上cs後：1,安排速遞第二日上門收機返去檢查，冇錯，係上門，唔駛禁飛唔駛排隊！2,借部同一型號既b2俾你用。3,用個新既包裝（for維修後，面頭寫著我返黎喇）包好部機2日後速遞返黎一蚊都唔收。4,一兩日後cs打返黎問部機仲有冇事。
2）電量足夠一日十四小時唔差。剩就唔多，有15-25%，我電話比較多，呢個都係我買佢既原因，開省電mode就一定夠24小時，再極端d就真係要用佢極致省電mode，100%玩一個星期都得，不過最常用係開wifi 熱點，一路share俾ipad上網一路打電話都唔覺幾用電，一個鐘少過10%。
3）一般的順，冇hand，軟件方面絕對放心，htc做得好好。篤兩野著機好方便。
4）個芒堅靚，意外既驚喜，贏哂Samsung 同Sony ，九十幾條街。
5）1300萬像素映相ok
6）雙喇叭，防水，同htc佢blinkfeed都係賣點但我少用感受唔深。
7）白色機身靚，好高級的感覺，得閒都想除左個套搓下。

1）同舊機韓水vega a870K比較，大部左好唔慣，加埋個透明膠case，冇左以前單手轉電話既習慣了。
2）有人話好難買case，我覺得係唔過5款俾你簡，原裝穿濃有蓋case,我用緊既鴨x街冇蓋透明，同其他有蓋勁7套。我簡左透明，都係佢果日跌機冇花冇爆芒，救左一命。
3）對蕉唔夠快，而且儲存相慢，尤其係儲存位置係micro sd，數三秒岩岩好。
4）開關機制係上面就真係有點兒不方便囉。。。

我覺得大家有d神化左部機，4粒星我覺得岩岩好。係，的確佢性價比高，但唔等如唔駛適應喎，買機要按個人需求，冇機係完美。
Vega A870其實好順細部好方便，但我用電多，電量好唔夠，每日兩，三點就要換電，而且720P茫，影相唔靚。2k茫我覺得無聊，所以我想要一部1080P四核cup 2/3gb ram,電量要足夠既電話，一直諗緊Sony z3c定htc b2，最後都係對sony質素冇信心，因為我真係好怕壞電話要整，但係原來而家既android 4.4 通知中心d快鍵位唔同哂好唔慣，同埋三個虛擬鍵唔隱藏得（a870可以）,好彩cs有亮點至冇咁後悔。
Htc機我會再買不過真係要簡左case先。

6/4/2015update
終於忍唔到個樣衰case，now裸機中完全新既體驗。
1,開頭覺得映相save相好慢，1～2秒左右，而家較返解像度低正常返，係手機上睇張相完全冇問題。銳利度差唔多，當然你唔好期望佢映相靚過iphone6(800萬像素都始終佢係最靚)，但對比song 三星，銳利度可能差dd，自豪既係冇偏色問題。
2,裸機啦，呢部機天生就要赤裸的。手感完美，又防水防塵，最多加塊玻璃貼，單手可操控，佢原廠果個真係好樣衰。
3,制係上面真係唔就手的，裝個快鍵係面啦，兩野著mon，一禁熄mon，cool=)
4,唯一未完美既係佢用緊htc sense 6，通知中心拉左落黎，要禁多下先見到d 開wifi藍芽既快鍵，裝go主題改又有時唔work，希望htc快d俾佢up做sense7啦，拉兩野見到哂了。

琴日睇左m8 vs m9速度測試
https://youtu.be/fNN0I4zB5Wk
結論係體驗上8核+3gb係唔會快過4核+2gb的。
係而家呢個產能過盛既年代
5吋單手機黎講1080p+2gb+4核+1300萬像素+電量一日用唔完+生活防水+htc上門cs，除咗嫌樣唔岩feel之外，都搵唔到換機既理由了。

以三千蚊計交到功課了, 整體外觀功能不俗. 雙鏡夠好玩.

無得換電!

用左3年幾Note1轉機, 唔想再拎住部手機太大, 呢部功能齊全, 鴨記行貨只$3,220.- 完全無投訴.

- 影相雙鏡頭，真係有景深效果;
- 前置鏡頭有500萬，質素唔錯;
- 最近已更新至Android4.4.4，同時HTC已承諾會更新到5.0;
- 好快同好順，上網好似仲快過我部Athlon四核PC，Qualcomm Snapdragon 801 如果用ANTUTU測，差唔多係最快o既一粒U;
- 扣除系統後大約仲有10G內置容量，加多張16或32g卡已足夠;
- 唔太厚又唔太薄，可放入褲袋，男人手勉強可單手操作(打whatsapp)，5.5吋對我黎講已經太大;
- 個人覺得白色最靚，其他兩深色都唔掂，但白色比較跣手，建議加套用;
- 電量還可以，我試過出街14個鐘，上下網用下whatsapp，都仲淨五份一，開左慳電模式可能更省電;
- 有防水，但當然唔好用黎潛水，係生活防水。對我黎講好有用，因以前試過未抺乾隻耳就接電話，然後整濕個聽筒o既經驗;
- 我個人好鐘意BlinkFeed，有得揀顯示唔同類別同地區o既資訊，尤其係我成日睇外國新聞;
- 用機時直接slide或double click個mon，唔洗按開關掣;
- 性價比幾好，好多大行做緊三千中，同價除左國產無咩牌子有呢個配置。

- 開關掣o係機頂，呢個size o既機唔太就手;
- app個list係上下slide，好唔習慣;
- 唔知係咪我對音質無咩要求，我覺得送果對JBL耳塞同我以前個普通耳塞無咩分別;
- 可能部機較冷門，配件唔多，保護套來來去去果一兩款，連淘寶都唔多;
- 無得換電，雖然呢個買之前就知，但我試過一次o係街無電，點都要用尿袋charge十幾二十分鐘先可以再用番，果陣就諗起如果可以換電需時唔洗半分鐘。

原本想轉iphone 6，但64g成六千幾始終唔捨得，而且我放棄唔到andriod機果種自由度。
其實對我黎講，andriod機最重要係手感設計同配置，仲有抵唔抵用，因為界面同程式都可以靠download app 補救。
第一部smartphone係htc，果陣已覺得htc sense好人性化，尤其係鐘意「反轉部機靜音」、「拎起細聲」、「接通時會震一下」，覺得好貼心。而且htc無忘記smartphone始終係一部電話，話音質素好好，試過買過部sony，較到最大都勁細聲，一o係嘈o既就聽唔清楚。