Apple iPhone 6 Plus

評測報告

實拍照片

1. 5.5吋螢幕，可當是比mini iPad小一號的iPad nano :-)
2. 光學防震鏡頭，很好
3. 回歸iPhone4前的圓滑手感
4. 電量明顯更多 (不只說電池大了, 而是可使用時間久了)

1. 炒賣氣氛熱烈
2. 不能像前代一樣貼全覆蓋的玻璃貼
3. 未必可以放褲袋
4. 部分app未更新不能在ios8使用

用了幾天後，想分享少少感受。
先來好的。大而清晰的螢幕絕對是一流的享受。因大mon上網查資料比以前更輕鬆。相機明顯比5s更好，未可以準確說出來，但使用後可以輕易感覺到。原廠的皮套有少少貴，但手感一流，新色的深藍很不錯。膠套比5s時的物料改了一點，更滑了。四方起角的5s手感上明顯不及圓潤的6. 孤型的螢幕玻璃很有精緻的感覺。主觀覺得比同樣是用孤型玻璃的三星好看。以前用iphone 5/5s, 通常由早上用到食傍晚的時候總要充一下電, 要不然電量是不足以使用至晚上回到家. 現在6plus的電量在這幾天都足夠我使用, 明顯有進步. (我是有心中途沒充電) 其他蘋果機的特點就不說了。

大了當然重了。男的使用還可以，女的如果一直是用note系例的也不用擔心，差別不大。對照一下，大小比例剛剛好跟港幣一百蚊紙差不多。想知的可以比比看。
如果不想使用套但又想用裸機的，可以考慮AppleCare。總成本大約就是加多一千六百左右，可以在兩年內有兩次機會用跌爆入水what ever reasons 的機身去換一部翻新機。

如果不是炒賣而是想自用的，很值得考慮一下6+。幾年沒在這dcfever分享心得。6+真的不錯。

1. 光學防震唔錯, 一邊行一邊影都唔會朦
2. 指紋解鎖夠快, 唔使記密碼, 又夠安全
3. 螢幕夠大, 瀏覽網頁字體清晰
4. 聽歌有水準
5. 差電快

1. 軟件唔夠User friendly, 以前用Android 睇天氣, 唔使禁入App都睇到
2. 無得過濾宣傳電話, 成日都收到, 覺得好煩
3. Data 用量要手動清除, 又無得limit 用量
4. 對於唔識用ITunes 既人, 連鈴聲都要轉一輪檔案先可以用, 實在係十分不便
5. 外型, 顏色 都唔令
6. 太大, 唔可以一隻手用

之前用過Iphone 3Gs, 之後轉HTC One X (用左2年半), 直至上年終於等到IPhone 肯做大Mon, 所以決定重投IPhone 懷抱. 可惜用左4個月, 已經頂唔順. 無錯, IPhone 硬件做得好好, 耳機, 咪, 螢幕, 指紋辨識, 都令你有高質既享受. 但當你用慣左Android, 方便開, 你就會覺得Iphone係一個災難. 點解部機咁貴, 仲可以咁唔方便.

1.電力好:平時出街正常使用,上網,google map,facebook,whatsapp,查巴士資料,openrice之類,返到屋企仲有一半電力。
2.影相好:鏡頭防震，無論前置，後置鏡，影相都好穩定，效果出來好好。
3.Touch ID:除左解鎖,仲可以買app認證,方便。
4.有64GB同128GB容量簡:基本上唔洗插卡,唔會怕唔夠容量用,此機相信用好耐都仲會好好用。
5.造工一流:除左用料好,接合位,對稱程度,都係一流水準。
6.機套款式多:我相信iphone係最多款機套選擇既手機。
7.發熱量低:好難感覺到佢熱。
8.IPS mon靚:唔係話2k mon就等於好,色準iphone平衡得最好
9.IOS生態系統好夠統一,冇android咁分散咁多垃圾。
10:IOS安全,放心使用

1.易跌爛,唔防水,電話貴,但防禦力太差
2.app唔夠android多,唔夠android自由 (不過咁用,android又好易中毒)
3.app唔夠User friendly,例如睇天氣,睇日歷,要入去app睇,Android唔洗。
4.入歌,入鈴聲好唔方便
5.要另外買ipad個款快充,充電先快。
6.新ios系統冇之前咁穩定,彈app情況多左好多。
7.鏡頭凸出,好容易整到部機唔靚仔 (所以基本上要帶套)
8.太貴 (不過而家售價回落左好多)
9.電話聽筒太細聲
10.電話訊號接收一般

android就算再出幾多強勁硬件都好,都不及iphone咁完善咁好用。
例如android三星,sony,小米等等,會出好多自家雲端等等。
但個人覺得iphone係做得最完善,唔lag,唔洗驚唔知咩app背量食電,對於它的系統安全信用度好高。

除左ios系統好,iphone6 plus電量充足,5.5吋mon我覺得岩岩好。
智能電話緊係大mon好,細mon做野同睇野都唔方便。
如果要我再簡多一次,要4.7吋定5.5吋iphone,我一定簡5.5吋,而且絕不後悔。
iphone6 plus價錢雖然貴,但真係好用,值得去買。手機只要一部好用就夠,手機唔好用就算買足十部都冇用。
影相好方便,手震都唔驚,又唔洗點對焦,影出來效果都好好。
總之好多好多優點,講唔哂。

樣樣都好,
電力一流 差一次可用成年,
外形夠威:行街時威插係褲頭仲威,

無，完全無缺點，
越貴越無缺㸃。

買了部比大陸個表叔用,
佢插係褲頭行出街幾咁威,
用來講電話佢會用 nokia 3210
上網佢又用部 microsoft surface 3
平時只將部 iphone 6 plus 插係褲頭
前面,自我感覺良好,good

電量無得講一定係最大優點。同以前既apple一日差三次去到而家尿袋都唔洗帶出街。
相機同mon出黎既色，apple一直都好，呢部更好。
大mon有唸頭，我自己講過apple有日出大mon一定買

經常hang機，開咩apps都試過hang，以前一直用apple機從未試過。
Map極唔準，開wifi 開4G一樣唔準，去apple store試佢版機，試左十部，仲唔準過我部。
Touch經常無反應情況出現，8.1.3本來就係要解決呢個問題，不過up完問題仍然存在。
已經拎過去apple check佢話無事。
一部相對市面上手機咁貴既機連以上兩點都做的唔好，的確唔接受。

第一句想講，比我揀多次，我唔會買。而呢部將會係我最後一部買既apple手機。無左steve jobs後，出部膠5c已經不知所謂，而家仲要推部咁多bugs既機出黎，基本功能都做唔到但收最高既價錢。我一直支持apple所有產品除左產品好service亦好，點知呢部機用第三日我已經覺得太有問題拎去apple check，sales服務大不如前，一黎就reset部機，大佬部機用第三日咋reset擺明係hea你，態度又唔好，轉頭manager走過黎態度更差，最後咩都無幫我解決到，我話google map同內建map都唔得，sales叫我咁想用google map就買返google既機，manager就話如果你發現到咁多bugs不如幫我地公司手一齊改善。
而家既apple咩野都唔得，好難再支持落去。

Sorry寫錯地方，又唔知點刪除。