優點:
大Mon的優勢的確唔係以前果粉講得咁差,依家的電話咁本用黎上網多過通話,咁本係一部Mini MacBook Air,睇網頁唔使放大都睇哂,咁樣用才得心應手。Mon的色水雖然都係淡,但完全將以前的4吋mon比下去,三原色好準好實,睇相時細緻度都係以前細mon比唔到,直迫iPad級數,所以大mon真係好多優勢。
A8 晶片比A7穩定好多,之前玩過iPhone 5S,彈APP彈到飛起,又熱又食電,依家A8 99%時間都冇發熱問題,而且用左兩個月,lock機一晚都食唔到2%電。而且A8行game流暢過A7好多,兩代都係1GB RAM,對比竟然大到天同地比咁。
1A充電器都可以快速充起,絕不是對手可媲美。
影相快,基本上一開相機app已經focus好,而且非遠景的成像同我部A6000配kit lens有得揮(當然同蔡司依然冇得比啦)
缺點:
太高,插褲袋會突哂出黎,所以重來唔敢插後面,插側邊都要用衫腳遮遮
有點重,長玩易累
Wifi依然係IOS通病
評價:
自己前年玩過5S,好快就放棄左,雖然外型靚,但細mon真係唔多實際,依家一部電話唔黎用黎揸,係一件吸收/傳播資訊的工具,個mon始終都係大點好。
一出時都唔多like個外型,好似成部三叔咁,但認真試玩後就決定敗一部長用,用左兩個幾月,部機的電池都冇點變質,上了8.1.1後流暢度可嘉,玩game對佢來講咁本唔係壓力,呢部機的極限有排都未到。
所以iPhone貴係有個原因,佢的質素就好似好多老牌銘鏡咁,你敗一次,有排都唔想換,有些人玩老鏡支野30年甚至50年都玩到,咁間廠唔第一次就賺盡你的錢,唔通50年後才賺咩?今次iPhone出大mon、強勁OS同強勁chipset,相信比好多人感覺已到山頂,再落去只係小改,A9真係2GB LDDR4都好,都已經影響不大,反正表面野已做足,冇理由為粒U又換,相信以後6+用家的換機cycle會慢好多,放且iPhone個mon仲有冇得再大?就睇下佢肯唔肯順勢玩貼邊了。