評價:
而家SUN出機係$1799
呢個價,比我半年前百記見到新機時$3499,跌咗一半
所以而家買,係超值
啲人話部機好慢,LAG機,HANG機,慢到無朋友,真係睇你點用,講求打機要快可以不考慮,因為呢部唔係專用打機,係比正常用家打電話,上吓網,煲下劇用,故最合師奶或老媽子,如果你想做下考順仔,應該幫你媽咪換返部.
真心覺得,用咗咁耐,堅無大問題,只係初初用Android 5.0有點唔習慣,而家大部份APPS都支援新系統,所以都解決晒之前啲師兄所講既問題
重有,師兄們話影相唔得,講老實,我又唔覺得差喎!佢前後係用同一級1300萬像素CMOS鏡頭,前置重多一個閃燈,我影夜境,燈飾,甚至MACRO,一大班朋友自拍,完全無難度,加上佢有超廣角功能,手生得短如我都拍到好相片,我亦試過無數次傳相比親朋好友,大家第一個反應係話估唔到咁靚,尤其係自拍前置有高質表現,坊間暫時甚少有過千萬前置比你選擇,我在4K芒下的55寸電視直播相片時,雜訊不多,放大亦不會明顯起細格,前後人物境緻分明,F1.8大光圈係佢賣點,返到手機睇相亦無紫邊問題,白平衡亦都不錯,有時影戶外錄色境物效果更佳更明顯,呢樣可能同SONY一直造CMOS鏡頭做到相對成熟有關…
重有,講多兩句,呢部機比到一般用家好多發揮創意既空間,SONY自家制改圖工具,有多種場境,人面,聲效等模式比你揀,令你影相時可以多點玩味,中意玩下搞下野影完人再加料都唔錯,呢個自家制工具好玩得黎又唔太膠
睇戲煲刻亦都係呢部機另一大賣點,6寸巨芒响今日仍然係大都數人能夠接受到最大芒既底線,LOAD片其實都算快,只要你唔係同一時間開多過六七樣功能,佢部小工具FUNCTION係足夠應付,而SONY考慮到6寸機大既問題,一早設定單手操控模式,只要你將手指由左或右下斜上拉對角,個晝面會縮細,適合習慣單手使用人士
聲明︰我不是打手,只是普通用家,兩公婆都先後出左呢部機,一直都係三叔粉絲,用到S5之後,覺得三叔好悶