優點:
1. 平價, $1XXX, 出乎意料襟用
2. 外觀靚, 全金屬機身直角幼邊, 金色係淡淡粉紅, 一d都唔土豪. 盡抄唉瘋, 可惜唔值錢, 跌咗都失而復得(真實經歷)
3. 電池勁襟用, 叉電特快, Type-C插頭. 一開始就在電池>慳電管理>應用保護>設定"允許自動清理"(通訊apps/理財/桌布/個人化除外). 新機2日先叉一次電; 年幾2年倒開始用足全日臨瞓叉電; 第3,4年先開始需要全日叉2次電.(申利:冇打機/煲劇習慣, 大部份室內、暗顯示, 主要Whatsapp, 間中上網/fb/理財) 跟機Type-C插15分鐘回復30%電, 由零到100%唔洗一個鐘攪掂
4. 八核, 3GB Ram 快又順
5. Mon顯示顏色鮮艷, 有4個模式揀, 原機"樂氏"mode唔膠, 相片瀏流覽早就靚過/唔輸米...甚至唉瘋6
6. 著mon快. 指紋好敏感, 雖間中失靈, 即時配合密碼即刻解倒鎖
7. 影相功能多選擇. 2015年時美肌叫唔錯. 環境暗時自拍粗粒, 但起碼叫影倒~ 對比其他機e.g.唉瘋6因智能乜都影唔倒, 就會試Le1s, 有時真係好過冇
8. 聲音播放夠大
9. 電話通話全程錄音
缺點:
1. 大陸機
2. 有點重(始終全金屬)
3. 更新系統頻密, 每次更新完就即刻大食咗、有嘢失靈. 最衰係backup data好早期就“壞咗”, 容量大檔案要分無限次先可能成功搬落電腦e.g.相片超過30張就hang......
4. 32GB無記憶卡支援, 實在唔夠用, 只因backup困難、需時+系統更新, 好快就爆! 除咗依賴雲端/慢慢搬, 無晒佢符. 被迫有限度選擇保留常用apps
5. 所有“來電拒接”apps都唔work! (煩到放棄, 鏟晒相關apps之後, 竟然由每日2,3個廣告變每月1,2個@@)
6. 指紋開機間中失靈
7. 影相冇防震、微距難. 日間光線足夠時1300萬像素影出嚟好靚; 暗/夜晚捕捉倒顏色, 但粗粒嚴重, 好難唔震. 近距離對焦唔穩定=冇微距
6. 收音效果一般. 對比其他機明顯"擦"
7. 冇NFC(咁千幾蚊機, 當年買得預咗冇)
8. 天氣熱, 機身容易過熱. 要放地下, 即散熱快
9. 跟機叉電線算快斷
10. 網絡接收間中遲滯
評價:
上一部三星Galaxy S3 LTE上台出機, 唔好彩新機一星期就開始狂食電、狂壞...最後維修中心教移除記憶卡+只保留必需apps先叫正常穩定用倒。當年$4,5千用到咁著晒火, 對比轉Le1s同樣用法, 簡直明智抵到爛!
當年冇睇評語唔知9成差到一個點, 但我就大讚佢舊電, 讚足5年! 至少有2年幾, 除非遠行影相要帶尿袋, 其餘大部份日子完全唔擔心電話冇電, 真係人生一大快事! 5年幾後, 都仲好過三星新機時多多聲! 叉電仍然勁快, 真係好驚喜~
三星果陣壞到微信點裝都裝唔倒, 轉Le1s試裝後即復活! (大陸apps真配大陸機)
隨住樂氏走佬2年後系統更新停止咗, 少咗一大困擾, 真爽! 冇防震、影相錄音質素有限、記憶體經常唔夠、backup困難, 焗限錄影, 而想換機, 但在性價比選擇下, 理由變相不足. Le1s至少滿足基本需求, 又穩定... 重點都係電量, 跌爛mon淘mon換、續命, 都係因為捨不得佢電太襟用.
今時今日, Le1s終於開始有apps未能支援, 開始老, 會hang機. 喺backlist三星、盡量唔揀大陸機下, 等倒唉瘋出平機SE2, 今日之後, 佢就功成身退了~ 除咗電, 仲會掛住佢隻淡淡粉紅嘅金色