有一出開始用咗佢都快十日, 我會用六個字來概括呢部SE——小改善,唔值轉!
外形方面: 係靚既
其實外型方面本人一直偏好較早前推出的5s比較多,因為四四方方嘅設計比較貫徹蘋果嘅宗旨,而iPhone 6嘅設計就比較軟滑,較為討好嘅相信就係兩邊握手位置會比較舒服,但天線位置,則是本人最不討好嘅一部份!而鏡頭突出部分位置更會為日常生活應用帶來不便,不到半年已經花左金屬保護圈…所以知道蘋果重出iphone se 4寸高性價比機真係由心笑
流暢度:
呢個正正係蘋果嘅最大優點,相信絕大部份嘅果迷都係因為iOS既絕佳操作感受所以長期支持蘋果推出的新產品,彈app少之又少,ram多了,應付多工處理工作綽綽有餘,如一般使用更加係冇問題,同時間運行多種工作都表示毫無壓力,我係一個小發燒友,為咗測試佢到底有幾順,我可以連續開啟30至50個應用程式但佢都表示完全可以應付自如,當然中間會有一啲小卡機但係總算都比Android有更好嘅體驗!始於iOS 9.3嘅推出並唔係十分完善但係操作要比安卓平台要流暢得多,至少安全得多
聲畫質素:都係用番mon睇野啦
係呢個部份我就覺得蘋果完敗係Android操作系統之下,首先鈴聲唔夠大聲播放影片嘅時候環回立體聲音效果絕對唔夠其他品牌嘅旗艦機出色!首先唔好提HTC嘅M9但係佢連Z3既沈穩都比唔上,有時候播放部份歌曲大聲一點嘅時候都會有少少擦音情況,表現令人失望!畫面我就認為過得去,始終IPS螢幕已經唔係普通肉眼可以分辨得到,另外由於屏幕減至四吋觀看影片時感覺到甚為細少(呢個有d唔公平,比較應用同4寸但潮流轉大已有數年),當然五點五吋的話效果更佳,因本人同時使用兩台,所以從中可以作個比較!
拍攝:夠做有餘
首先唔講像素,但係蘋果手機或蘋果鏡頭始終都有佢過人之處,即使只有8,000,000像素但影出來的相片我個人認為比其他旗艦機都更加要好,(我唔係一個打手我對每一部機都有佢嘅好處唔好處)係iPhone嘅自拍甚至比某D專門為自拍而推出嘅型號更加要好,白平衡或者室內吸光都做得唔錯,就始終蘋果手工係細緻,唔會再出現其他品牌例如紅中/假人/過度美化/呢方面既問題!
ps 我真係諗唔到可以點用個live photo 功能 我要動感,拍片唔好? 令人費解
電池方面:比想像中要強
最後亦都係最重要果方面,如果有認真用開蘋果手機既話,無人會覺得佢既電池做得唔好,講容量只係數字遊戲,我用緊既係16gb se(有人會傻到講容量大用電會快左) ,首先一天落黎如果正常用法既話,至少保留半以上電力,即使深度用家如我,我都可以於早上10時開始使用直至晚上12時完結時都尚有20%左右電力,非常滿意。唯一要改善既地方係充電比起從前需要差不多時間,沒太大進步即使用ipad插頭都需要1.8小時才完成充電,如用原裝跟機iphone頭則需時更長!而更重要的是,本人主要將iphone變做rounter長期作熱點使用,電池仍然正常,不像過去用三叔或LG般經常壞死電池,最強測試為夜晚長開熱點用以下載歌曲電影(12-8)起床時仍然聽得見鬧鐘聲,極為感動,亦即是像蘋果形容一般只要把屏幕關上,電力就會基本上每10小時待機才扣電,對比andriod 手機經常無故睡醒已經熄機,已經好上不知多少倍,
性價比:
如果要講到性價比,iPhone Se絕對係一件性價比高嘅產品,6s 既規格,鏡頭/核心處理器,ram數 全部都升級曬,呢d真係叫做無得輸!此外,回收價已經比其他品牌嘅手機高差不多1000到$1500. 2另一方面佢嘅二手機都一樣有好多人追捧,我一直以來都會保留至少用一部最新iphone既習慣,每年轉一次新型號,一年365日除開黎講都只不過係每日3-5蚊(視乎你賣出既二手機折舊)
不過由se 起相信要用兩部iphone啦 一部5.5寸後備 SE單手操作梗係做主機