話說小弟2017年11月買咗部HTC U Ultra， 當時都有喺度同大家分享， 點知部機使用未夠兩年， 就因為CPU過熱,導致虛焊開唔到機, 好在識深圳師傅150蚊就搞掂咗, 因為去先達整要700大元, 整好之後覺得部機接近兩年,係時候要換機, 但因為青黃不接,5G 又未係時候, 所以要買一部性價比超級高嘅手機攞嚟過度， 舊年11月11號喺淘寶見到呢部筍嘢， 折實人仔950蚊有找， 點解要咁遲分享,原因上使用一段長時間,確定手機質量,先至同大家分享, 買國產機一定要喺大陸買, 原因係價錢相差實在太遠, 同一部機香港64G 竟然要賣二千一蚊， 但國內128G 全中國保修只係港幣千二蚊有找
http://www.mobilemagazinehk.com/2019/07/lenovo-z5s-review.html
雖然淘寶可以直送香港，但係如果部機有問題或者運送途中爛咗係唔負責， 舊年11月仲未有疫情所以選擇上深圳收貨， 因為拆包裝有問題可即是更換，就算事後發現部機出現有問題，都可以七日內換機， 部機一到手就要多次更新入面個版本， 買國產機一定要好小心因為唔係隻隻機都裝到play Store， 所有華為機都好難搞，但係小米同埋聯想，基本上白痴都可以裝到play Store，呢部聯想z5s 質素高度令我非常有驚喜，Google語音用到，日歷同步到， 所有聯絡人亦都同步到，聯想z5s 電量比起我部htc u ultra有天淵之別,710 cpu日常操作非常夠用兼且好慳電， 開頭諗住一千蚊部機唔會有要求，竟然畀到我好大驚喜
三鏡頭諗住只係綽頭，應該影相會差到爆， 但原來我錯了， 呢部機係極低光環境之下竟然都影到相， 同一環境iphone 7 plus拍照基本上係完全睇唔到，同一環境之下用我呢部千元聯想Z5s, 雖然張相油畫化, 唔好忘記的極度低光嘅情況之下。一部一千蚊嘅機都可以清晰影到相, 我簡直可以用喜出望外嚟形容， 雖然部機啟動相機嘅時間係比較慢，但係一般嘅拍照，絕對唔會差
