新聞互動
秋天已到,當人人都興致勃勃咁話要去日本、韓國睇紅葉嗰陣,亦有人心裏慨嘆:「哪有咁多錢同假期?」其實旅行不分貧富,近近地嘅「寶島」台灣,都一樣有好多好靚嘅 紅葉 ,平平地去個短Trip亦係唔錯嘅選擇!MoneyHero.com.hk向大家推介以下台灣必去賞楓地點!
台北著名賞楓勝地 「台北奧萬大」,係鄰近陽明山嘅一個私人莊園。雖然陽明山嘅楓葉都好靚,但對於唔想辛苦登山嘅人而言,嚟呢度就最適合不過了!園內草木繽紛,又有木屋流水,楓葉在如此環境襯托下,顯得分外美麗。呢度除咗秋冬可賞楓外,每年4月、5月亦可觀賞到另一品種嘅楓葉。另外,由於此處本地遊客眾多,如想更有寧靜度假嘅感覺,最好揀星期一至五去!
春天賞櫻、夏天避暑、秋冬賞楓浸溫泉——烏來風景區擁有豐富嘅自然生態,一年四季嘅景色都令人著迷。去烏來除咗賞楓之外,仲可以去埋附近嘅雲仙樂園、內洞森林遊樂園、紅河谷、洪荒峽等知名景點,夜晚入住溫泉旅館浸下溫泉,身心舒暢晒!
石門水庫係台灣北部著名賞楓地點,擁有梅園、楓林步道、槭林公園等景色。每年秋冬,水庫旁邊嘅楓林一片橙黃,倒映在湖面上特別靚。旅客除咗賞楓,仲可以品嘗當地聞名嘅「石門活魚料理」!交通方面,如果乘搭台灣好行慈湖線,就可在車上遊覽石門水庫一帶美景。
(溫馨提示:計劃旅遊假期,記得要買旅遊保險!即上我們的比較平台選擇最適合你嘅旅遊保險!有Allied World、FWD同MSIG等不同計劃俾你揀,經我哋買仲有優惠添!)
恍如世外桃園般嘅清境農場,相信好多香港人都去過!清境以遼闊嘅草原、羊群、異國風情嘅民宿而聞名,四季風景如畫。由於處於海拔較高(約1,700至2,000公尺)嘅位置,每年10月楓葉便會轉紅,係欣賞紅葉嘅好地方。
位於南投鹿港嘅溪頭至杉林溪一帶,係台灣人嘅健行好去處。每年11月至12月,沿途嘅銀杏、水杉等漸漸變成金黃色,呈現秋天獨特嘅情調。行至「杉林溪森林生態渡假園區」,你可欣賞園內400棵楓樹染紅嘅美景,仲有金鐘花、牡丹等花卉可觀賞。此外,園內令人嘆為觀止嘅地標 「淞瀧岩瀑布」亦不容錯過!
相關閱讀:外遊必讀!兌換 外幣 及海外簽帳攻略
相關閱讀:【外遊必讀】6大 信用卡 安全措施
有人講過:未去過阿里山嘅人,都冇資格話自己見識過台灣嘅靚景!阿里山嘅日出、雲海、神木、櫻花、楓紅,都屬國際知名嘅世界級景觀,「阿里山鐵路」更加係亞洲少有嘅高山鐵路。秋天遊阿里山,除了可在遊樂區內觀賞到嘆為觀止嘅紅葉之外,阿里山公路及新中橫沿路都見到好多紅葉架!
紅葉公園位於關子嶺枕頭山上,園內以種植變葉植物為主。此地每逢秋天滿山通紅,形成壯觀紅葉隧道!在欣賞紅葉之外,呢度亦有不少美食,好像水煎包、餡餅蚵仔麵線、鈺雪冰枝和白河豆菜麵等等,聽到都流晒口水,一邊賞楓,一邊食美食,認真無得彈!
其他紅葉之旅:
想選擇一份最適合你這個旅程的旅遊保險,即上我們的免費比較平台!