【 紅葉 攻略】台灣7大賞楓好去處 2016
秋天已到，當人人都興致勃勃咁話要去日本、韓國睇紅葉嗰陣，亦有人心裏慨嘆：「哪有咁多錢同假期？」其實旅行不分貧富，近近地嘅「寶島」台灣，都一樣有好多好靚嘅 紅葉 ，平平地去個短Trip亦係唔錯嘅選擇！MoneyHero.com.hk向大家推介以下台灣必去賞楓地點！
台北地區
「台北奧萬大」樂活莊園
台北著名賞楓勝地 「台北奧萬大」，係鄰近陽明山嘅一個私人莊園。雖然陽明山嘅楓葉都好靚，但對於唔想辛苦登山嘅人而言，嚟呢度就最適合不過了！園內草木繽紛，又有木屋流水，楓葉在如此環境襯托下，顯得分外美麗。呢度除咗秋冬可賞楓外，每年4月、5月亦可觀賞到另一品種嘅楓葉。另外，由於此處本地遊客眾多，如想更有寧靜度假嘅感覺，最好揀星期一至五去！
- 賞楓期：12月上旬至至12月下旬
- 地址：台北巿士林區平菁街10巷內
- 交通：在捷運劍潭站或士林站乘坐303公車至「下過溪站」下車，即到達平菁街10巷巷口，步行約3分鐘即可到達。
新北市烏來風景特定區
春天賞櫻、夏天避暑、秋冬賞楓浸溫泉——烏來風景區擁有豐富嘅自然生態，一年四季嘅景色都令人著迷。去烏來除咗賞楓之外，仲可以去埋附近嘅雲仙樂園、內洞森林遊樂園、紅河谷、洪荒峽等知名景點，夜晚入住溫泉旅館浸下溫泉，身心舒暢晒！
- 地址：新北市烏來區烏來村瀑布34號
- 交通：搭捷運淡水新店線，於終點站新店下車，然後轉乘新店客運849至烏來（車程約40分鐘）。
石門水庫
石門水庫係台灣北部著名賞楓地點，擁有梅園、楓林步道、槭林公園等景色。每年秋冬，水庫旁邊嘅楓林一片橙黃，倒映在湖面上特別靚。旅客除咗賞楓，仲可以品嘗當地聞名嘅「石門活魚料理」！交通方面，如果乘搭台灣好行慈湖線，就可在車上遊覽石門水庫一帶美景。
- 觀賞期：12月中旬至12月下旬
- 地址：桃園市大溪區復興里環湖路一段68號
- 開放時間：上午8:00 ~ 下午6:00
- 交通：台北火車站乘搭火車至中壢， 於中壢轉乘巴士「台灣好行慈湖線」，於「壩頂站」下車。
（溫馨提示：計劃旅遊假期，記得要買旅遊保險！即上我們的比較平台選擇最適合你嘅旅遊保險！有Allied World、FWD同MSIG等不同計劃俾你揀，經我哋買仲有優惠添！）
台中地區
清境農場
恍如世外桃園般嘅清境農場，相信好多香港人都去過！清境以遼闊嘅草原、羊群、異國風情嘅民宿而聞名，四季風景如畫。由於處於海拔較高（約1,700至2,000公尺）嘅位置，每年10月楓葉便會轉紅，係欣賞紅葉嘅好地方。
- 觀賞期：10月中旬至11月下旬
- 地址：南投縣仁愛鄉大同村仁和路170號
- 交通：由台中乘搭公車至埔里，轉乘南投客運至「清境(農場)」。 查看詳情
溪頭與杉林溪
位於南投鹿港嘅溪頭至杉林溪一帶，係台灣人嘅健行好去處。每年11月至12月，沿途嘅銀杏、水杉等漸漸變成金黃色，呈現秋天獨特嘅情調。行至「杉林溪森林生態渡假園區」，你可欣賞園內400棵楓樹染紅嘅美景，仲有金鐘花、牡丹等花卉可觀賞。此外，園內令人嘆為觀止嘅地標 「淞瀧岩瀑布」亦不容錯過！
- 觀賞期：11月上旬至12月下旬
- 地址：南投縣竹山鎮大鞍里溪山路6號
- 交通：在台中「員林客運干城站」搭乘6871號公車，然後在「溪頭」或終點站「杉林溪」下車。
相關閱讀：外遊必讀！兌換 外幣 及海外簽帳攻略
相關閱讀：【外遊必讀】6大 信用卡 安全措施
台南地區
阿里山國家森林遊樂區
有人講過：未去過阿里山嘅人，都冇資格話自己見識過台灣嘅靚景！阿里山嘅日出、雲海、神木、櫻花、楓紅，都屬國際知名嘅世界級景觀，「阿里山鐵路」更加係亞洲少有嘅高山鐵路。秋天遊阿里山，除了可在遊樂區內觀賞到嘆為觀止嘅紅葉之外，阿里山公路及新中橫沿路都見到好多紅葉架！
- 觀賞期: 11月上旬至12月上旬
- 地址：嘉義縣阿里山鄉中正村59號
- 交通：按此查詢
關仔嶺公園 （紅葉公園）
紅葉公園位於關子嶺枕頭山上，園內以種植變葉植物為主。此地每逢秋天滿山通紅，形成壯觀紅葉隧道！在欣賞紅葉之外，呢度亦有不少美食，好像水煎包、餡餅蚵仔麵線、鈺雪冰枝和白河豆菜麵等等，聽到都流晒口水，一邊賞楓，一邊食美食，認真無得彈！
- 賞楓期：12月中旬至1月中旬
- 地址：台南市白河區關仔嶺溫泉區紅葉公園
- 交通：大臺南公車黃12、13線至寶泉橋站，步行至嶺一旅社旁之紅葉公園登山階梯步道入口前往。
其他紅葉之旅：
想選擇一份最適合你這個旅程的旅遊保險，即上我們的免費比較平台！
