Canon EOS 6D

評測報告

實拍照片

1. ISO質素是頂級行列
2. 輕巧
3. 操控不是專業級, 但屬高階級
4. 中間一點對焦強大.
5. 拍片質素比預期好
6. 新產品性價己十分高, 幾個月後減價會更吸引
7. HDR + 多重曝光有實用性
8. WIFI 意外驚喜地實用, 因為訊號接收反應絕對不俗

1. 對焦只比MARK II 好
2. SD CARD 不是問題, SD CARD 有自身好處, 問題只有單CARD 槽
3. 沒有AWB制
4. 沒有1/8000 (對我沒有問題)
5. 97% VIEW (理解為技術問題)
6. 快門太輕
7. LCD 螢幕比MARK III 易反光

第一部玩既單反機是60D, 自知操控上當然不能與7D, MARK II , MARK III相比, 但對於入門使用者, 60D既操控是滿意的. 升級6D 後, 操控確實如期望一樣, "沒有UPGRADE"的感覺, 不過忠肯說亦不會有DOWN UPGRADE 感, 故6D以1萬幾的機價, 對入門玩家來說, 性價確是十分高。

唯一要用"不滿"字眼是對焦, 中間1點很強反而令其餘10點感覺更弱。影風景, 靜態完全沒有問題。 小朋友, 街景要技術搭救。賽車, 飛鳥對到焦只能說是緣份。

畫質方面如各大網誌所言是十分出色, 但使用後比預期更出色, 高ISO如一杯高檔的濃滑奶茶, 又香又滑, "100-3200 是小菜一碟" 此話已廣泛使用在評測報告中。如果喜歡拍片, VIDEO 質素亦是"極出色"。

自己本身打算上FF, 順便轉會D600, 豈料D600 入塵事件 N記竟處理得奇差, 結果重投C記懷抱。 在MARK III 與6D之間掙扎(即是$8000-9000差價與專業操控"或稱虛榮心"之間掙扎)。考慮到不是用於搵食, 只是用於旅行, 行山, 家庭樂使用為主, 最終決擇了6D, 因為只有一點是在兩者之間上有實際影響, 便是C記刻意刁難的對焦系統。使用過後, 與自己預期也一樣, 慳到$8000-9000差價更實際, 得其所用才是王道。

另一樣自己覺得重要的因素是半鋼半膠的情況下，機身重量能與60D接近，絕對是一個亮點。個人經驗忠告入門者，如果不是要入行, 自玩性質來說重量是絕對與開心指數掛勾。

最後，我認為如果畫質先決，業餘用家，6D還是令人相當滿意。 雖說對焦問題C記有點刁難，但其實能與MARK III 有一樣的ISO, 畫質, 這裡還見到C記的誠意。

1. 輕巧
2. ISO由50至102400
3. 價錢是抵的 我買$18380KIT
4. 中間一點對焦在陰暗處都問題不大
5. 拍片質素超越我想要的
6. FF
7. 多周邊功能 WIFI GPS HDR 多重曝光 RAW後期調較
8. Q制在右邊方便單手操作
9. 多了放大制 放大一步到
10. 快門聲見人見志(我喜歡)
11. LCD螢幕3:2 回看相片時能用盡
12. 機頂數值螢幕上的按鍵一個代表一操控(對我來講方便易記)
13. DIGIC 5+強過DIGIC4很多 控制NOISE好
14. auto iso可自己調較自己喜歡的range

1. 對焦只有11點
2. 沒有1/8000快門
3. 機頂數值螢幕上的按鍵沒有AWB制
4. SD CARD
5. 97% VIEW
6. LCD螢幕不能自動調較光亮度
7. 沒有操控桿
8. 得100,000快門

背景:
本人是大學生, 攝影是為興趣, 影下人像, 旅行行山之類的相, 亦喜歡捕捉黑夜光影, 有時upload facebook, 對畫質有一定要求. 用了7D 18-135KIT三年, 上月入手6D KIT

7D轉6D感想:
很多人說除了FF了之外, 很多功能操作都downgrade了, 令我遲疑了片刻, 曾考慮過5D2. 到真正買了6D返來用, 真是用好彩來形容冇選擇錯, 我感覺不到有任何downgrade, 又或者話, downgrade的地方是我通常用不到的.
最想談談對焦點, 7D有19點十字, 6D有中間一點十字-3EV. 我習慣用開單點對焦, 這樣一來6D對我來講還合用, 有時還真是睇下你需要D咩, 我又唔打雀之類.
再講講ISO方面, 可由50至102400, 我自己本身用auto range係set左100-25600, 到晚上用到兩萬放上FB都唔覺好多noise, 我不是聞相之人, 如果要聞, 聞6400都好香, 比以前7D已經做唔到.

6D容許RAW EDIT, 真是方便到不得了, 如不是有咩急, 我而家會慢慢構好圖, 用RAW影完再慢慢edit光度, 白平衡, 同相片風格, 睇下點樣較好再save做jpeg, 其實不慢, 好快搞到, 十分user friendly.
WIFI又是方便到傻, 可以用電話搖控影, 仲即時望電話取景, 影完又可send返電話, 一影完第一時間upload fb/whatsapp, 直頭神奇.
輕巧直接令相機出勤率同興趣上升, 現在我用50mm 1.8直頭當DC咁用, 但又不失穩定, 輕鬆到...笑:)

好多對其他師兄來說是缺點的, 對我反而是優點, SD CARD對本人來講又是方便, 拎出來直插notebook就得; 而操控制全在右邊又方便單手操作. 對我來講缺點只是97% VIEW, 沒有1/8000快門同沒有操控桿, 但都是我不care的地方.
都是要回到FF的話題上, 用了FF真的對鏡頭的要求高了, 會很感受到不同鏡頭的分別及質素. FF出來的相片用同一鏡頭, 整體立體感是兩回事, 景深效果都唔同感覺, 這樣的感覺, 令我放棄了變焦. 只是50mm F1.8, 都已經咁樣, 我唔知再有能力去其他定焦會點了, 攝影的領域, 我還有很多要去探索...

感覺上呢部機真係為我呢類攝影習慣的人而設, 係..佢係cut左野, 係有佢缺點, 如果是care的, 6D可能不是你杯茶了

*一星期後update...迎來了35mm f2同85mm f1.8, 強烈加強6D原本給予相機主人的玩味, 滿足了輕巧同高汁的需要, 而且價格不算昂貴, 而家我每次帶佢出街, 諗下會影咩, 就帶邊支鏡, 每次與不同的'情人'聯絡感情, 實在賞心樂事
P.S. 攝影習慣人人不同, 變焦鏡亦的確有使用不同焦段的方便性.

內置機頂閃燈對我幾重要 , 之不過6D無 , WiFi 和 GPS 對我作用不大 , 點解我會買6D?

當提升 ISO後 , 6D勝D600三班 ,中心點的對焦靈敏度和速度 , 6D勝D600兩班。

今後將會轉泊 C記的碼頭。

兩部係同價位 , 同級的相機 , 回想一吓 , 如此價位 , 呢兩部機係無乜缺點。只不過6D有嘅功能 , D600無 , 相反6D無嘅功能, D600有。
如果嫌棄這兩部機的規格和功功能 , 不如買N記的D7100 , 規格和功能相信優勝過6D和D600。之不過仍然保留在APS-C 階段。
大家要明白6D和D600 , 都係入門級的全片幅機！

我只不過係平時影吓生活相 , 旅行時影吓到此一遊作為記念的拍友。

由菲林年代至到現今 , 我都係N記的忠實擁躉 , FM,FE2,F801,D80,D300。

直到最近 , 決定升格 , 買一部平民化的全片幅相機。首選一定係N記D600 ,
但看到一些用家報告 , 初期D600的感光元件 , 無故出現黑點塵埃 , 可能產地QC做得唔好 , 令到我有所顧慮 , 引致我考慮買同價位 C記的6D , 再細閱所有的用家心得 , 測試報告 , 討論區 , 雜誌 , 再經過我到 N記和 C記的陳列室試玩 , 足足考慮了三個月時間 , 最後買咗6D。
如果你問我有關C記的歷代單反機好唔好 ,我真係唔識答你 ,正如之前我所講 ,小弟一直是N記的擁躉, 對C記的相機無乜研究, 在今次的决擇中 , 才第一次深入去了解C記的6D。
泊咗N記的碼頭二十多年, 一下子轉泊C記 , 真係好大的爭扎。
之不過今次的選擇 , 我可以告訴大家 ,小弟無選擇錯。
最後 , 小弟有兩個例子想表達一下。嘅然我泊了C記碼頭 ,就用C記的單反機作比喻。
一部6D入門級 , 另一部係5D3進楷級 , 設備和功能 , 係有分別的。
一部係5D2 ,另一部係5D3, 制做年份不同 , 設備和功能, 有無分別呢？
作出比較時 , 我認為需要公平和理性一些。

1.高ISO可用-室內拍攝唔用閃都無問題
2.內置Wifi-雖然非主要功能，但有總好過無，用嚟過相俾電話方便
用嚟做remote自拍都方便啲
3.中央對焦點對焦能力強-室內低光拍攝都能快速準焦，堅
就算喺室內只用一點追小朋友都夠晒用
4.機身可即時執raw檔-幾方便，雖然一定無LR咁強大，但都幾好，可以即刻轉返個WB
5.輕-試過拎埋5D3上手玩，雖然帳面只係重百幾二百克，但都感受到差別
6.白平衡準確-之前用Sony，室內影人好黃，而家正常好多，起碼唔會過黃

1.對焦點少-雖然主要用中央一點，但多啲總好過無
而且其餘十點同中間點有明顯差別，對焦速度同準繩都差幾多下，弱光時尤其明顯
2.無白平衡按鈕-雖然我之前無用過canon高階機，但都知道高階機會有
無左就要入menu set，雖然唔算麻煩，但有就更方便
3.AI SERVO-無顯示對焦位置及是否已對焦
4.97% OVF-睇唔晒

之前用EVIL，其實畫質操作無投訴，但係一到弱光情況對焦拉風箱拉到炆
見到canon出平民FF,而女友又鍾情canon發色，於是決心轉會
當然由EVIL轉用FF DSLR嗰種驚艷感十分大，無論操作畫質對焦均大幅提升，更得心應手
6D勝在係FF中嘅超輕量版(當然無得同EVIL, M4/3比)，對於對畫質有高要求，但係又唔想拎超重裝備嘅愛攝人士十分適合，一機配枝EF 24-105已經覆蓋絕大部份所需
雖然好多師兄彈佢快門得1/4000，11點對焦(得央一點十字型對焦)，無5D3粒操控鈕，無100% OVF
但係我無幾可用1/8000影相，經常只用單點對焦，11點對焦點用操控鈕仲麻煩，會Crop相

作為入門FF，自覺佢相當稱職，入手時曾考慮直上5D3，但深思熟慮後，覺得無需要咁高，我只係一個愛攝影嘅人，而唔係一個追械材嘅人，用唔晒5D3嘅功能只係浪費

亦好多師兄用嚟同N家D600比較，當然論Spec已經大輸，但作為C家發色愛好者，我只好繼續揀做C家支持者，始終發色係一大考慮因素

推薦俾對畫質有要求、想用FF但唔想重裝備、唔使經常影超快動作、唔使極速連拍、無CF卡情意結、較低budget、唔會用1/8000影相、會後製嘅你

ching 已講

ching 已講

我買機一向做足功課至落疊，上FF 都係5D3 及6D 兩個考慮，的確玩過中階APS－C 如 70D 或高階如7D （當時冇MARK 2) ，以及了解X 1.6 的「優勢」或缺點，其實呢度好多師兄都寫得好好，大致講咗6D 的優點缺點出來，但最近7D mark Ii 出咗，跟住好多人出來講6D 有幾廢，7D2 有幾勁云云。

世事永遠係咁，你要操控性就要trade off 其他嘢，如價錢或重量等，6D 的定位完全唔會在操控性上睇，首先，11 點對焦，以及中間點十字對焦較好，呢個在APS－C level 只係 600D 等入門機級數，white balance 冇掣，冇touch screen冇反芒等，拍攝速度唔夠快等等，跟住拿這些東西去跟5D3 甚至 7D2 最強的地方比較，咁結果好明顯係你去買 5D3 or 7D2 吧？但不如又拿5D3 及 7D2 跟一仔X 比吧？大家又話一仔價錢太貴，5D3 及7D2 又在「中間定位」好好。

好了，6D 又何嘗不是一個「中間定位」呢？

首先7D2 係APS－C，不過你鐘意拍得快及玩功能（尤其是熟手），我玩過7D2 一日，真係好玩㗎，又快，對焦點又多選擇，楂多一陣，都會覺得自己部6D 好：

- 好多常用嘅功能已經在Q mode 好容易選到
- 6D 啱一D 懶人如我，只係想在AV mode 較光圈，乜Q 都auto 算了，花時間在構圖上更好吧？
- white balance 師兄都講咗可以在常用「MENU」set 入去嘛
- 在"Drive" 選擇"連拍" mode, 一秒都有 4.5張，及不上5D3 及7D2 ，但都應付到大部分要求吧？
- Liveview : 拍片多？差果少少角度？

如果大家好介意以上嘅嘢，但唔介意係APS-C，CANON 已經從善如流推出了7D2 給您選擇，如果你介意7D2 唔係FF，咁5D 3 仍然是不錯的選擇，但你仍嫌5D3 唔夠，1DX 便是你杯茶，想拍片？你應該係去買camera 而唔係相機，camera 可以用番我地D 紅圈鏡，好好操控性的，只有你口袋裡有錢便可以了，CANON 的市場定位向來無微不至，只要你有錢。。。

不過，大家在比較同時，卻沒有人提及 6D 的好處：

- 細！ 輕！ 簡直係APS－C中階機重量！我600D 時代的相機袋係唔駛點換
- 平！ 而家一手跌到 10K都唔駛，二手更多選擇
- FF 質素 （9X％ 5D 3 質素），高ISO 下分別好明顯贏 7D2 好多
- 超闊ISO 範圍去到 50 至 102400
- 暗黑環境表現極出色，可能超越 5D3
- Wifi 功能正, 抄相去手機or ipad 快, 唔介意得1920x1280 即時通過手機apps 分享, 只不過部機auto off咗個wifi 便斷線 (其實所有wifi SD 一樣), remote control 都好方便
- 內置GPS 功能記低邊度旅行的相, 雖然開咗勁食電
- 舊電都襟用就梗(如果冇開GPS), 不過有些副廠電用用下會唔兼用, 用用下我都買多舊原裝

的確，6D 功能及操控性不及其他但fairly good, 但機動性就強得多，body 價錢平絕對係要考慮的重要因素，其實你地去二手區看一看，body 因為成日有新機，跌價係好快，反而鏡頭跌得慢得多。

所以你問我，三部機都各有各好，我自己啱用6D，有人啱用FF 無反，師傅搵食楂5D3 最好，口袋有又唔怕重咪一仔囉，但想試一仔操控功能又唔要求FF 質素咪 7D2囉，你睇下CANON 幾照顧我地，點都有得你揀的，但事實上，我總結6D 應該算係最平最輕的FF 單反，又有傳5D4 會出，想入5D 系朋友，咪買住部6D 二手玩下先，因為入場券平！質素也接近。

如果只係好似我咁嘅一般用家，6D 真係夠有餘了。。。

1. 高ISO noise 勁少, 跟5D III 不分上下
2. 比5DIII 輕, 出trip 比較輕鬆
3. wifi remote 很好玩
4. 內置gps.不用多帶外置 gps logger , 也不用後期merge, 方便多了
5. 其他的跟其他師兄也差不多
6. Viewfinder 比５００Ｄ清很多

1. 對焦系統 都給別人比下去了
2. Live view 對焦有點慢
3. WiFI Remote 對焦都是有點慢
4. WIFI Remote App 的 resolution 不太高, 可以再高一點便好　現在好像還沒有for iPAD 專用的。浪費retina 的強大呀！！！！

絶對是canon FF入門首選　５Ｄmark1 跟mark 2 技術已是數年前　電子產品怎能買舊東西呢　！！！

我是從500D直上6D 的...6D的相片質素跟500D完全是兩個世界 ..不能拿來比較. 不論顏色,細緻, 立體感,noise 都好了不少

相信6d最為人不喜歡的便是對焦點少和只有一個十字對焦. 幸好我多年來都是影靜態的相片多..這個對我的影響有限..而且用後我也不覺對焦慢..6d+100L marco 影游泳中的小金魚也很輕鬆。之前用５００Ｄ就吃力了

另外那個wifi remote app 對焦時因是用liveview的方法有點慢呢（２－３秒左右）如可加入慮鏡功能便更好玩。６Ｄ到手後都是室內試影多，還沒有試過ＧＰＳ。但我肯定可以把舊的gps logger 忘掉，之前每次旅行後都要t花時間把GPS TRACK 跟相片 merge，以後都不用了