優點:
10 米防水、2.1 米防震、-10 度防寒、100kg 防壓, 21mm 廣角五倍變焦, 180 度反芒
加埋佢嘅出色五軸防震同趣味性多樣ART模式,絕對地對得起佢個價錢。
缺點:
機身防水防撞防壓,但絕對絕對唔防花,
唔好在揭開屏幕時跌落地,
唔好以為部機要落水就唔貼保護貼,
唔好唔用機袋..........
我就係以為防撞機會比人硬淨而奶野,前後機身同屏幕都.......................花晒。
相對其它甚麼無wifi,光圈唔夠大都係小問題,有都計番在價錢內。
評價:
因為要跟團去俄羅斯,驚覺無一部夠wide嘅相機唔掂,買鏡又嫌貴,臨時臨急臨出發一天前趕去買左呢隻野,第一件事發覺的是原來用來拍片防震都發揮到作用,一改我用DC拍片震到人頭暈嘅感覺............所以覺得"正"囉。
跟旅行團影相,景多景大景濶偏偏時間唔夠,用大機慘過做咕喱嘅情況下,呢部野快、狠、準,我搶回不少旅遊觀景嘅樂趣,而一般的長短火團友則遠遠拋離團後....拖累人等。
下雨天,我唔使擔遮影餐飽,久唔久用衫角抹下鏡頭前的水珠就可以了。
幾天下來我不斷嘗試使用部機的各樣ART 模拍攝,趣味濃厚而好有滿足感,
效果稱得上不錯,雖然買回來就祇用了這一次,就係因為它帶給我的一堆滿意照片及影片,已經值回它的價錢,所以忍不住為它寫下了這篇用後感。
也許,TG-850 不是完美,相質也不是最好,但買相機你一定要知道你想要的是甚麼。