早前新落成嘅百勝角消防及救護學院開放予公眾參觀，反應熱烈。新嘅始終冇舊嘅咁有歷史，不如等我帶大家去參觀一下舊嘅消防訓練學校，了解下以前嘅消防員受訓過程同環境。
香港擁有世界級嘅消防服務，全年每日24小時守護住香港市民。出色嘅消防隊伍，全靠有效率嘅訓練。喺消防訓練學校成立之前，香港並無專門訓練新消防員嘅地
隨著人口澎脹，消防日益繁忙，消防局難以兼顧訓練工作。
消防訓練學校於1968年7月20日由港督戴麟趾爵
第一站係大操場，除左用蒞操練之外，仲係每班畢業消防員舉行結業大會操嘅場地
大操場總共有三棟叫喉架嘅訓練塔，係消防學校嘅地標
呢個銅鐘以前喺金鐘已經用緊，用蒞召集消防員通知佢哋要緊急演練
每名受訓消防員必須留宿26星期進行訓練，每班學員就係一齊喺一間瞓房入面一齊渡過
門口呢個櫃以前係擺電話嘅，以前未有手提電話，廿幾人就係靠佢打畀屋企人同女朋友，所以成日要排隊打電話架
學員飯堂
消防係紀律部隊，階級分明。幾乎所有設施都有分學員用或長官用，長官通常都唔會同學員一齊食
除左飯堂之外，仲有只限長官享用嘅酒吧。呢個就係長官專用嘅金龍吧，門口有兩個龍頭浮雕。雖然話係酒吧，但係呢度唔係時時有酒飲，主要係長官之間一個日常聯誼嘅地方
可能你會奇怪點解消防學校要整間酒吧？據聞呢個係英國傳統，因為軍人喺軍營入面唔係成日有得出去，所以軍營會有酒吧，畀軍人喺休班時間放鬆下兼同手足聯誼下，後來慢慢演變到紀律部
呢度呀Sir先入得架！
去完金龍吧，睇睇全學校最莊嚴嘅Officers' mess - 本身係軍隊中長官聯誼同聚餐嘅地方，有時會用蒞舉行重要活動。除左軍隊之外，亦有見於消防同警察機關等紀律部隊
Officers' mess外嘅走廊有掛帽嘅Cap board，仲特別有張檯仔畀呀sir放手仗
通往課室嘅走廊上面掛住一幅幅大型災禍嘅相，紀錄住消防處嘅彪炳戰績同時警示消防員要時刻準備
啓德機場飛機衝出跑道
北角皇都戲院四級大火
火燒珍寶
臨到室內體育館之前嘅走廊上面掛住一幅超大全港地圖
操練消防員體能嘅室內體育館
有繩梯玩
出返去見到有條銅柱，記唔記得十萬火急黃浩然同老總講學校冇教瀡銅柱？其以前學校冇銅柱嘅，係後期因為職安健先加建
其實學校落成初期，八鄉消防局同救
有冇發現，平時係唔會見到啲警車、消防車同救護車去油站入油？其實佢哋喺局入面都自設油站，所以唔使去油站
難得入到蒞，緊係爬上喉架感受下
經典水松皮帽
喉架外望大車房
落返地喺兩個喉架中間見到好多個沙井，佢哋係相連嘅，用蒞訓練消防員喺呢啲空間行動
去到實火訓練區，綠色嘅係煙火特性模擬訓練室，專門訓練消防
入面最高溫可以過千度，所有牆身都係大火洗禮下燒燶晒
好似紙紮車嘅實火模擬器
幕牆實火模擬器
右手邊係火牛嘅實火模擬器，左手邊嗰兩架退役政府車係交通意外拯救訓練嘅道具。呢三套實火模擬訓練器係喺2001年加設嘅
大樓梯
最後一站—大喉架，我對呢個喉架有特別感情，因為中學嘅時候參加過訓練營，喺八鄉受訓一個星期，畀呀sir罰過我哋跑呢個喉架
上上上上
外望大操場
到頂喇
一直好奇大喉架頂間屋仔入面係咩，原來擺住一堆廢喉
由頂望返落去，大樓梯好似玩具咁
喉架，即係用蒞掛乾消防喉嘅架，所以呢度見到有啲喉晾緊
喉架頂層直通地下，望到都有啲驚
俯瞰煙火特性模擬訓練室
木頭消防車同早期喺離島用嘅小型消防車
睇完訓練設備就睇埋其他平常開放日都好少有機會睇嘅後勤支援設施—煙帽倉
煙帽倉係負責保養同叉返滿煙帽嘅氣
氣樽叉氣嘅地方
氣樽結構模型
喺煙帽倉入面搵到啲舊相，有九十年代操練照同學校嘅高空照
最後一站—喉倉，負責維修保養消防喉嘅地方
不同消防喉種類同用途
消防訓練學校搬遷後會移交警務處作為其精銳部隊嘅訓練選拔場地，有幸喺佢消失之前將佢紀錄低，親身體驗消防員嘅訓練地方。在此向一年365日24小時全天候守護香港市民性命財產政敬！
© 2016 - 無人之境 ∣ Abandoned HK
無人之境Facebook: https://www.facebook.com/abandonedhkre
