優點:
超方便,防震有料到.對焦唔算慢.光圈由3.5-5.6正,並非3.5-6.3,光圈唔洗講都係大一級好些.但我睇完所有的用家心得,都沒有見其他師兄提及,但我亦真係冇講大話,我係用canon 50D.整體嚟講,我個人認為超值.
缺點:
係我唔好彩,本來上年十月尾二手買嚟去台灣,諗住一支鏡攪掂,唔洗換來換去.雖然我並非有好多鏡,但一支以上就係要換鏡喇!點知試鏡冇甚麼問題,番屋企試都好好,我仲試吓影近的都可以,我仲發覺zoom到最遠都係保持光圈F5.6.過二日我攞去南蓮苑池再試真吓,點知影咗一陣對焦冇晒反應.因為仲有保養,又攞番去騰龍整.咁就錯過咗我帶唔到去台灣,有時真係人算不如天算.奈何!
評價:
昨日去花展先正式再試鏡,D相影成點畫質如何,之前師兄們都講晒,但防震來講真係好好,與我果支A005,70-300及B005,17-50都差唔多.年紀大了仲邊有以前咁定呀!買鏡一定係防震為先,雖然可以用腳架,但日光日白都攞腳架我真係唔慣.最後,都係要補充一句,昨日影D相都算幾好,而且色水幾好,唔洗再點加工都可以.當然係我個人認為啦!