Canon EF 500mm f/4L IS II USM

1) 相比市場競爭對手, 此鏡最有優勢唔駛講都係一個 :輕" 字喇 !
夠輕, 對大炮用家有幾重要, 係人都知, 多少Nikon人轉會都只為輕 (我都係其中一人)。
試想, 當你身水身汗背著500/600mm + 1.4x + 1dx, 還有腳架, 在山中跑上跑落, 真係想輕得一克得一克, 而你自己check check Nikon重幾多, 便知道為咩變節。

2) 平衡感非常非常好, 絕冇頭重尾輕的感覺。甚至有比Nikon 300mm F2.8更輕的錯覺。這亦令我可以繼續用個cheap cheap video head, 慳了一大筆。

3) 唔理Canon吹IS2有幾勁, 有幾級效果, 我只信實戰。 試過手持 1/100s (開IS)都 Sharp, 對於並非石膏手的我來說, 非常實用。

4) Size算slim, 至少我個thinktank袋可以入到。

5) PQ方面, 個人相當滿意, 20M內有靚相; 20-30M可接受; 30-50M仍有實正的記錄相。對我, 已經算達到購買目的。

6) 紫邊控制出乎意料地好, 證明兩片螢石鏡片是有作用的。

1) 即使配上1DX, 對焦SPEED都不夠理想,特別在低光環境, 迷焦情況比想像中, 亦比用328+1.4x時嚴重。

2) 可能為了減磅, canon二代大炮省卻了最前方一塊protector, 卻換上Super Spectra Coatings 及 SubWavelength Structure Coating (SWC) 鍍鏌，希望減少眩光之影響。鏡片使用了氟素鍍膜，據稱可輕易將鏡片表面的油脂及水滴清除。 但實戰後證明, 同一般鏡冇大分別, 特別是油漬, 冇想像中咁易清潔。而且, 使用時會非常擔心意外弄花前鏡組, 特別是穿梭於樹林, 試過有樹葉, 花粉, 甚至樹枝趺入hood內, 真係驚一餐 !

我唔會話貴係缺點, 你肯買就唔好話人賣得貴。 我深信, Nikon只要減磅成功, 價錢一定唔會比Canon平, 只係canon行先一步。

7xk 售價確實付出唔少, 但對我而言, 此乃唯一選擇。