踏入 7 月,又到了夏日熱辣辣的季節。行街購物已經夠熱,登高遠足仲要孭住部單反影相隨時中暑!近日有朋友就剛考了潛水牌,喜歡攝影的人落水見到水底世界,自不然心思思想一試水中攝影。但單反潛水殼、水底燈光裝備等所費不少…攝影老手但作為潛水新手,又有甚麼好辦法?朋友拿出新出爐的水底大作,本來以為他怎會這樣捨得,剛學會潛水就大花一筆投資潛水攝影器材?但原來他只用了一部防水 DC 仔,就是稍早前推出的 Olympus Tough TG-5。在水底牛刀小試,睇相都覺得相當唔錯。
開啟「水中 HDR」模式,在光源複雜的水底都能輕易拍出色彩豐富的相片。唔講以為用梗專業器材! |
六防設計 操控簡便配件多
Olympus Tough 系列貫徹 15 米防水、2.1 米防撞、100kgf 耐壓及攝氏零下 10℃ 耐寒外,TG-5 機身更加入防塵及防霧。其六防機身設計,帶一部機仔就可以潛水,即使機身跌落地、撞到石塊又唔驚、表面變髒又可用自來水清洗;即便手機都怕跌、怕水,TG-5 就無需「錫住」用,完全可以放心拍攝。
而其操控設計和 add-on 配件亦頗為貼心!機身手柄設計實在,即使單手持機亦幾穩陣。機身設變焦控制桿,在海底時要帶手套,亦可輕鬆調校焦距,使用非常方便。而相機正面設有配件鎖定按鈕,可隨環境需要接駁鏡頭配件,如遠攝或魚眼轉接鏡、環形 LED 閃光燈、閃光燈柔光罩等。輕輕鬆鬆就可組裝起來,亦不會變得笨重。
▲ TG-5 有紅黑 2 色,手柄設計實在,機身一如其名般「Tough」,機仔細細但手持穩陣。 |
▲ 如果想升級,更有專門而設的潛水殼,可以承受水深 45 米壓力。 |
感應器系統 新手必備
TG-5 一個亮眼的新功能,就是其「現場感應器」。這功能亦可與「Olympus Image Track」手機 APP 配合使用,顯示相片、影片在現場所記錄的
GPS、溫度、水深及壓力等資訊,讓用家可參考即時的環境數據。新手潛水時本身已感緊張,遇到難得的拍攝對象又會忘形。一時間在水中失去方向都無需太驚慌,開啟 GPS 功能就可方便定位。如在某海域意外發現珍貴海洋生物,都可將拍攝地點等資訊即時記錄。水中無手機等電子器材,難以每次花腦力記下,這功能就非常方便,一部機仔已經幫到手。
只需啟動相機頂部的「LOG」推桿,就可以開始記錄這些環境資料。 |
水中拍攝 輕鬆易上手
TG-5 在水中拍攝功能上亦花了不少功夫。水底光源複雜,而內置的「水中拍攝模式」採用全新的影像處理器 TruePic VIII ,及1,200
萬像素「背照式」CMOS,特意改善水中拍攝環境,即使在光線不足的水底環境,所形成的色彩雜訊都可減少,相片清晰鮮明,色彩鮮豔奪目。
加上水中環境與陸上環境不同,因水中有折射率的關係,簡言之就是在陸上與水中以同一距離拍攝,水中所呈現的主體會較陸上為小。內置的微距拍攝系統就非常強大,如使用顯微鏡模式,拍攝可近至 1cm 的主體,近攝效果不會縮小,影像有如在「顯微鏡」上呈現,單單 DC 仔可達這樣質素,認真交足貨。加上TG-5 內置 Olympus 自家旗艦 E-M1 Mark II 才有的 Pro Capture 功能,在半按快門時已開始不停記錄全像素相片,直至按下快門,就可拍下十數張連拍。不用怕自己反應不及、魚仔已經游走,相機瞬間已記錄精彩一刻…說白了,TG-5 就是一部超強大傻瓜機,旋轉一下轉盤、按一下掣就可輕輕鬆鬆拍到靚相了。
▲ 機內設有 4 種水中拍攝模式—水中廣角、水中微距、水中 HDR 及水中抓拍;即使在光線不足的水底環境都拍到靚相。 |
▲ 「Mo 仔」既醒目又驚人類,想影得清清楚楚, Pro Capture 加上水中近拍摸式,想甩焦都難。 |
新增 4K 拍攝功能
當然不得不提,就是機內兼容 4K 超高清拍片。而家連手機都上 4K,這部水中神器亦不輸蝕。以上提及的 TruePic VIII,除了相片質素,亦專為 4K 而設。魚仔蝦仔清到魚鱗都影到,影片細緻度及色彩表現都令人滿意。除了 4K 影片,更可錄製而家好流行的 FullHD 120fps「Time-lapse」影片,其 frame rate 流暢度、AF
追焦能力都比上一代進步。無論影相、拍片還是 Time-lapse 都一機俱全。
一部機仔就有咁厲害功能,就算係潛水新手,水中攝影又點會遙不可及?